സ്വിസ് ഫ്രാങ്കിനെതിരേ യൂറോയ്ക്കു റിക്കാര്‍ഡ് ഇടിവ്
Sunday, January 25, 2015 10:38 AM IST
ബര്‍ലിന്‍: സ്വിസ് ഫ്രാങ്കിനെതിരേ യൂറോയുടെ മൂല്യം എക്കാലത്തെയും താഴ്ന്ന നിരക്കിലെത്തി. യൂറോപ്യന്‍ സെന്‍ട്രല്‍ ബാങ്ക് 1.1 ട്രില്യന്‍ യൂറോയ്ക്കുള്ള കടപ്പത്രങ്ങള്‍ നേരിട്ടു വാങ്ങാനുള്ള തീരുമാനം പ്രഖ്യാപിച്ചതിന് അടുത്ത ദിവസമാണിത്.

ഫ്രാങ്കിനെതിരേ ഒരു ഘട്ടത്തില്‍ 97.81 സെന്റ് വരെ താഴ്ന്ന യൂറോ, പിന്നീട് 98.25 സെന്റ് വരെ തിരിച്ചുകയറി. സ്വിസ് ഫ്രാങ്കിന്റെ മൂല്യം നിയന്ത്രിക്കാനുള്ള നടപടികള്‍ സ്വിസ് നാഷണല്‍ ബാങ്ക് പിന്‍വലിച്ചതു മുതല്‍ യൂറോയ്ക്കു ഫ്രാങ്കിനെതിരേ മൂല്യം കുറയുന്ന പ്രവണതയാണു കണ്ടുവരുന്നത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.