അലക്സിയോസ് മാര്‍ യൌസേബിയോസ് മെത്രാപ്പോലീത്ത ജര്‍മനിയില്‍ സന്ദര്‍ശനം നടത്തുന്നു
Saturday, January 24, 2015 6:43 AM IST
കൊളോണ്‍: മലങ്കര ഓര്‍ത്തഡോക്സ് സഭയുടെ സൌത്ത്വെസ്റ് അമേരിക്കന്‍ ഭദ്രാസനാധിപന്‍ അലക്സിയോസ് മാര്‍ യൌസേബിയോസ് മെത്രാപ്പോലീത്ത ജര്‍മനിയില്‍ ഔപചാരിക സന്ദര്‍ശനം നടത്തുന്നു.

ജനുവരി 28ന് (ബുധന്‍) എത്തുന്ന മെത്രാപ്പോലീത്തയ്ക്കു സ്വീകരണവും തുടര്‍ന്നു പ്രാര്‍ഥനയും നടക്കും. ഫെബ്രുവരി ഒന്നിന് (ഞായര്‍) രാവിലെ ഒമ്പതിന് ബിലഫെല്‍ഡ് ബഥേലിലെ അസാഫ്യം ഹൌസില്‍ മെത്രാപ്പോലീത്ത വിശുദ്ധ കുര്‍ബാന അര്‍പ്പിക്കും.

എട്ടിന് (ഞായര്‍) രാവിലെ 10 ന് കൊളോണ്‍ ബോണ്‍ ഇടവകയുടെ ആഭിമുഖ്യത്തില്‍ ബോണിലെ പീട്രൂസ് ആശുപത്രി പാരിഷ് ഹാളില്‍ നടക്കുന്ന ആഘോഷമായ വിശുദ്ധകുര്‍ബാനയ്ക്കും മറ്റു തിരുക്കര്‍മങ്ങള്‍ക്കും മെത്രാപ്പോലീത്ത മുഖ്യ കാര്‍മികത്വം വഹിക്കും. തുടര്‍ന്ന് സമൂഹവിരുന്ന്, ഇടവക സമ്മേളനം എന്നിവ നടക്കും.

മെത്രാപ്പോലീത്തയായി സ്ഥാനാരോഹണം ചെയ്തതിനുശേഷം ആദ്യമായി ജര്‍മനിയിലെ സഭാംഗങ്ങളെ സന്ദര്‍ശിക്കാനെത്തുന്നമെത്രാപ്പോലീത്തക്ക് ഇടവക സ്നേഹേജ്വലമായ സ്വീകരണം നല്‍കും. ജര്‍മനിയിലെ എര്‍ലാംഗന്‍ യൂണിവേഴ്സിറ്റിയില്‍ പഠന കാലത്ത് ജര്‍മനിയിലെ ഓര്‍ത്തഡോക്സ് സഭയുടെ അസിസ്റന്റ് വികാരിയായി സേവനം അനുഷ്ഠിച്ചിട്ടുണ്ട്.
Copyright @ 2022 , Rashtra Deepika Ltd.