ഡോക്കുമെന്ററി ഫിലിം 'ഡി മാന്‍ഷാഫ്റ്റ്' ന് 7.46 മില്യന്‍ പ്രേക്ഷകര്‍
Saturday, January 3, 2015 11:00 AM IST
ബര്‍ലിന്‍: 2014 ലെ ഫിഫാ ഫുട്ബോള്‍ ലോകകപ്പ് ജേതാക്കളായ ജര്‍മന്‍ ടീമിനെപ്പറ്റി തയാറാക്കിയ 'ഡി മാന്‍ഷാഫ്റ്റ്' (ദി ടീം) എന്ന ഡോക്കുമെന്ററി ഫിലിം റിക്കാര്‍ഡു തകര്‍ത്തു.

ഡിസംബര്‍ രണ്ടിന് (വെള്ളി) രാത്രി 8.15ന് ജര്‍മനിയിലെ ഒന്നാം നമ്പര്‍ ടിവിയിലൂടെ (എആര്‍ഡി) സംപ്രേക്ഷണം ചെയ്ത ഡോക്കുമെന്ററി 7.46 മില്യന്‍ പ്രേക്ഷകരാണ് കണ്ടത്. ഇതില്‍ 14 നും 49 വയസിനും ഇടയില്‍ പ്രായമുള്ള കാണികളുടെ എണ്ണം 3.56 മില്യനാണ്. ടിവി സെന്ററിന്റെ ആവറേജ് പ്രേക്ഷക ശതമാനം 28.7 വരും.

90 മിനിറ്റ് ദൈര്‍ഘ്യമുള്ള ഫിലിം തയാറാക്കിയത് മാര്‍ട്ടിന്‍ ക്രിസ്റ്, ജെന്‍സ് ഗ്രോന്‍ഹൈഡ്, ഉള്‍റിഷ് ഫോഗ്റ്റ് എന്നിവരാണ്. രണ്ടു മാസം മുമ്പ് ജര്‍മനിയിലെ തീയേറ്ററുകളിലൂടെ റിലീസ് ചെയ്ത ഈ ചിത്രം കളക്ഷനില്‍ ഇപ്പോഴും റിക്കാര്‍ഡ് ഭേദിക്കുകയാണ്.

ജര്‍മന്‍ കാപ്റ്റന്‍ ഫിലിപ്പ് ലാമും കൂട്ടരും ഈ ഡോക്കുമെന്ററിയില്‍ നിറഞ്ഞാടുകയാണ്. ഫിഫായുടെ റാങ്ക് ലിസ്റില്‍ ജര്‍മനി ഇപ്പോഴും ഒന്നാം സ്ഥാനത്താണ്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.