ഫ്രന്റ്സ് ഓഫ് ചങ്ങനാശേരി സ്വിസിന് വനിതാ സാരഥികള്‍
Friday, December 19, 2014 10:17 AM IST
സൂറിച്ച്: സ്വിറ്റ്സര്‍ലന്‍ഡിലെ ഫ്രന്റ്സ് ഓഫ് ചങ്ങനാശേരി ചാപ്റ്ററിന് വനിതാ സാരഥികള്‍ അധികാരമേറ്റെടുത്തു. ഡിസംബര്‍ 13 ന് സൂറിച്ച് റൂമിലാങ്ങില്‍ നടന്ന പൊതുയോഗത്തിലാണ് പുതിയ വനിതാ സാരഥികളെ തിരഞ്ഞെടുത്തത്.

പുതിയ ഭാരവാഹികളായി ആന്‍സി കണ്ടങ്കരി (പ്രസിഡന്റ്), റീന മംഗലത്ത് (വൈസ് പ്രസിഡന്റ്), സെലിനാമ്മ പ്രക്കാട്ട് (സെക്രട്ടറി), ലിന്റ കുഴുപ്പക്കാലം (ട്രഷറാര്‍) എന്നിവരെയും ഇതര കമ്മിറ്റി അംഗങ്ങളെയും പൊതുയോഗം എതിരില്ലാതെ തിരഞ്ഞെടുത്തു.

മാതൃകാപരമായ ചുവടുവയ്പ് നടത്തിയ സ്വിറ്റ്സര്‍ലന്‍ഡിലെ ഫ്രന്റ്സ് ഓഫ് ചങ്ങനാശേരി ചാപ്റ്ററിന് വിവിധ യൂണിറ്റുകളുടെ അഭിനന്ദന പ്രവാഹം.

ക്രിസമസ് ആഘോഷമായി ഒത്തുകൂടിയ കൂട്ടായ്മ വിശുദ്ധ കുര്‍ബാനയോടെ തുടങ്ങി. തുടര്‍ന്ന് കുരുവിളയച്ചന്‍ കേക്ക് മുറിച്ച് ക്രിസ്മസ് സന്ദേശം നല്‍കി. അംഗങ്ങള്‍ തയാറാക്കിയ സദ്യയും കുട്ടികള്‍ക്കും മുതിര്‍ന്നവര്‍ക്കുമായി വിവിധ മത്സരങ്ങളും ഒരുക്കിയിരുന്നു.

പ്രസിഡന്റ് ജോജോ കണ്ടങ്കരി സ്വാഗതവും സെക്രട്ടറി തങ്കച്ചന്‍ പ്രക്കാട്ട് റിപ്പോര്‍ട്ടും ബിജു പാറക്കല്‍ കണക്കും അവതരിപ്പിച്ചു.

റിപ്പോര്‍ട്ട്: ജേക്കബ് മാളിയേക്കല്‍
Copyright @ 2022 , Rashtra Deepika Ltd.