ഡാളസ് സെന്റ് പോള്‍സ് ക്രിസ്മസ് കരോള്‍ ഡിസംബര്‍ 21ന്
Thursday, December 18, 2014 7:59 AM IST
ഡാളസ്: ഡാളസ് സെന്റ്പോള്‍സ് മാര്‍ത്തോമ ചര്‍ച്ച് ക്രിസ്മസ് കരോള്‍ ഡിസംബര്‍ 21 ന് (ഞായര്‍) അഞ്ചിന് ദേവാലയത്തില്‍ നടക്കും. ചര്‍ച്ച് ക്വയര്‍, സണ്‍ഡേ സ്കൂള്‍ വിദ്യാര്‍ഥികള്‍, യൂത്ത് ലീഗ് അംഗങ്ങള്‍ പങ്കെടുക്കുന്ന വിവിധ പരിപാടികളോടെയാണ് ഈ വര്‍ഷത്തെ ക്രിസ്മസ് കരോള്‍ സംഘടിപ്പിച്ചിരിക്കുന്നത്.

സെന്റ് പോള്‍സ് ദേവാലയ നിര്‍മാണത്തിനുശേഷം ആദ്യമായാണ് ഇടവക കരോള്‍ സര്‍വീസില്‍ നോര്‍ത്ത് അമേരിക്ക-യൂറോപ്പ് മാര്‍ത്തോമ ഭദ്രാസനാധിപന്‍ റൈറ്റ് ഡോ. ഗീവര്‍ഗീസ് മാര്‍ തിയോഡോഷ്യസ് തിരുമേനി പങ്കെടുക്കുന്നത്.

ഇടവകയില്‍ ഔദ്യോഗിക സന്ദര്‍ശനത്തിനെത്തിച്ചേരുന്ന തിരുമേനി സഭയുടെ പൂര്‍ണ അംഗത്വത്തിലേക്ക് പുതുതായി പ്രവേശിക്കുന്ന കുട്ടികളുടെ ആദ്യകുര്‍ബാന സ്വീകരണത്തിന് മുഖ്യകാര്‍മികത്വം വഹിക്കും. ഏവരേയും ക്രിസ്മസ് കരോളിലേക്കും തുടര്‍ന്ന് നടക്കുന്ന ചടങ്ങുകളിലേക്കും സ്വാഗതം ചെയ്യുന്നതായി ഇടവക വികാരി ഒ.സി. കുര്യനച്ചനും ചുമതലക്കാരും അറിയിച്ചു.

റിപ്പോര്‍ട്ട്: പി.പി. ചെറിയാന്‍
Copyright @ 2022 , Rashtra Deepika Ltd.