ഡാളസ് എക്യുമെനിക്കല്‍ സംയുക്ത ക്രിസ്മസ് കരോള്‍ ഡിസംബര്‍ ആറിന്
Tuesday, November 18, 2014 7:20 AM IST
ഗാര്‍ലന്റ്: കേരള എക്യുമെനിക്കല്‍ ക്രിസ്ത്യന്‍ ഫെല്ലോഷിപ്പിന്റെ ആഭിമുഖ്യത്തില്‍ ഡാളസിലെ ക്രൈസ്തവ സഭകള്‍ സംയുക്തമായി സംഘടിപ്പിക്കുന്ന '2014 ക്രിസ്മസ് കാരള്‍' ഡിസംബര്‍ ആറിന് (ശനി) ഗാര്‍ലന്റ് എംജിഎം ഓഡിറ്റോറിയത്തില്‍ നടക്കും.

വൈകുന്നേരം അഞ്ചിന് ആരംഭിക്കുന്ന പരിപാടികളില്‍ ഡാളസ് ഫോര്‍ട്ട്വര്‍ത്ത് മെട്രൊ പ്ളെക്സിലെ 22 ചര്‍ച്ചുകളില്‍ നിന്നുളള ഗായക സംഘാംഗങ്ങള്‍ ക്രിസ്മസ് ഗാനങ്ങള്‍ ആലപിക്കും. സിഎസ്ഐ കോണ്‍ഗ്രിഗേഷന്‍ ഓഫ് ഡാളസ് വികാരിയും വേദ പണ്ഡിതനുമായ നൈനാന്‍ ജേക്കബ് ക്രിസ്മസ് സന്ദേശം നല്‍കും. മാര്‍ത്തോമ ചര്‍ച്ച് ഓഫ് ഡാളസ് (ഫാര്‍മേഴ്സ് ബ്രാഞ്ച്) ഈ വര്‍ഷത്തെ സംയുക്ത കരാളിന് ആതിഥേയത്വം വഹിക്കും.

ജോസ് സി. ജോസഫ് (പ്രസിഡന്റ്), ജോണ്‍ കുന്നത്തുശേരില്‍ (വൈസ് പ്രസിഡന്റ്), ഷിജു ഏബ്രഹാം (ജനറല്‍ സെക്രട്ടറി), ജോണ്‍ തോമസ് (ക്വയര്‍ കോഓര്‍ഡിനേറ്റര്‍) ജെഫ്രി ഏബ്രഹാം (യൂത്ത് കോഓര്‍ഡിനേറ്റര്‍), വെരി. ഫാ. ജോണ്‍ വര്‍ഗീസ് കോര്‍ എപ്പിസ്കോപ്പാ, ഫാ. തമ്പാന്‍ വര്‍ഗീസ്, ഫാ. വി.എം. ജോണ്‍, ഫാ. സിജി തോമസ്, ഫാ. രാജു ദാനിയേല്‍, ജോര്‍ജ് ജേക്കബ്, ഷാജി ജോണ്‍, ലാലി വടക്കേടന്‍, റേയ്ച്ചല്‍ ഫിലിപ്പ് എന്നിവര്‍ ഉള്‍പ്പെടുന്ന ഒരു കമ്മിറ്റിയാണ് കരോളിന്റെ വിജയത്തിനുവേണ്ടി പ്രവര്‍ത്തിക്കുന്നത്.

പരിപാടിയിലേക്ക് ഏവരേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

റിപ്പോര്‍ട്ട്: പി.പി. ചെറിയാന്‍
Copyright @ 2022 , Rashtra Deepika Ltd.