അയര്‍ലന്‍ഡില്‍ നിര്യാതയായ മലയാളിനഴ്സ് ജിനുവിന്റെ സംസ്കാരം 22 ന്
Monday, November 17, 2014 10:15 AM IST
ഡബ്ളിന്‍: അയര്‍ലന്‍ഡിലെ കോര്‍ക്കില്‍ നിര്യാതയായ മലയാളി നഴ്സ് ജിനു ലൈജുവി(34)ന്റെ സംസ്കാരം നവംബര്‍ 22 ന് (ശനി) നടക്കും.

കോട്ടയം കല്ലറ സെന്റ് തോമസ് ദേവാലയത്തില്‍ 22 ന് വൈകുന്നേരം നാലിന് നടക്കും. കോര്‍ക്കില്‍ മൃതദേഹം പൊതുദര്‍ശനത്തിന് വച്ചപ്പോള്‍ മലയാളികളടക്കം സമൂഹത്തിന്റെ നാനാതുറകളില്‍പ്പെട്ടവര്‍ അന്തിമോപചാരമര്‍പ്പിച്ചു. മില്‍ട്ടന്‍ സെന്റ് ജോസഫ്സ് ദേവാലയത്തില്‍ പരേതയുടെ ആത്മശാന്തിക്കായി ഫാ. ഫ്രാന്‍സിസ് നീലങ്കാവിലിന്റെ മുഖ്യകാര്‍മികത്വത്തില്‍ ദിവ്യബലിയും പ്രത്യേക പ്രാര്‍ഥനയും നടന്നു.

ഫാ. പോള്‍ തെറ്റയില്‍ സഹകാര്‍മികത്വം വഹിച്ചു. ഫാ ബിജു പാറേക്കാട്ടില്‍ ധൂപപ്രാര്‍ഥന നടത്തി. കോര്‍ക്ക് യോള്‍ ജനറല്‍ ആശുപത്രിയിലെ നഴ്സായിരുന്ന ജിനു അര്‍ബുദത്തേത്തുടര്‍ന്ന് ചികിത്സയിലായിരുന്നു. ഭര്‍ത്താവ് കോട്ടയം കല്ലറ മടത്തിപറമ്പില്‍ ലൈജു ജോസ് (സെന്റ് ലൂക്ക് ഹോസ്പിറ്റല്‍, മഹന്‍പോയന്റ്, അയര്‍ലന്‍ഡ്്). ഏകമകള്‍ : സിയോണ്‍. ജിനു കോട്ടയം തെള്ളകം പുളിമൂട്ടില്‍ കുടുംബാംഗമാണ്.

റിപ്പോര്‍ട്ട് :ജയ്സണ്‍ കിഴക്കയില്‍
Copyright @ 2022 , Rashtra Deepika Ltd.