ഫിലേ ചുവടുറപ്പിച്ചു; പക്ഷേ, ആയുസ് കുറയുമെന്ന് ആശങ്ക
Friday, November 14, 2014 10:06 AM IST
ദാംസ്റാട്ട്: യൂറോപ്യന്‍ ബഹിരാകാശ ഏജന്‍സിയുടെ പര്യവേക്ഷണ വാഹനം ഫിലേ ലക്ഷ്യസ്ഥാനമായ വാല്‍നക്ഷത്രത്തില്‍ ചുവടുറപ്പിച്ചു. ഉദ്ദേശിച്ച രീതിയില്‍ ഉറയ്ക്കാതിരുന്നതിനാല്‍ ഫിലേ മൂന്നിലേറെ തവണ ഉപരിതലത്തില്‍ പന്തു പോലെ ബൌണ്‍സ് ചെയ്തിരുന്നു.

എന്നാല്‍, നിര്‍ദിഷ്ട സ്ഥലത്തുനിന്ന് ഏതാനും കിലോമീറ്റര്‍ മാറിയാണ് ഫിലേ ചുവടുറിപ്പിച്ചിരിക്കുന്നത് എന്നത് ഗവേഷകര്‍ക്ക് ആശങ്ക സമ്മാനിക്കുന്നു. പേടകം അവിടെനിന്ന് ചിത്രങ്ങള്‍ അയച്ചു തുടങ്ങിയിരുന്നുവെങ്കിലും, ഇതിപ്പോള്‍ നിലകൊള്ളുന്നത് സൂര്യപ്രകാശം ആവശ്യത്തിനു കിട്ടാത്ത മറവിലാണെന്ന് വ്യക്തമാണ്. പേടകത്തിലെ ബാറ്ററിയുടെ ആയുസും അതുവഴി പേടകത്തിന്റെ ആയുസും കുറയാന്‍ ഇതിടയാക്കുമെന്നതാണ് ഇപ്പോഴത്തെ പ്രശ്നം.

ഈ പശ്ചാത്തലത്തില്‍ പേടകത്തിന്റെ സ്ഥാനം മാറ്റുന്നതിനെക്കുറിച്ചും ആലോചന നടക്കുന്നു. എന്നാല്‍, ലാന്‍ഡ് ചെയ്തപ്പോള്‍ ചുവടുറപ്പിക്കാന്‍ നേരിട്ട ബുദ്ധിമുട്ട് ഇനിയും ആവര്‍ത്തിച്ചാല്‍ കൂടുതല്‍ വലിയ കുഴപ്പങ്ങള്‍ക്കു കാരണമാകാമെന്ന സാധ്യതയും സജീവമാണ്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.