'രാഗാഞ്ജലി' ഒരുക്കങ്ങള്‍ പൂര്‍ത്തിയായി
Friday, November 14, 2014 5:40 AM IST
ഡബ്ളിന്‍: അയര്‍ലന്‍ഡിലെ മലയാളി സംഗീത പ്രേമികള്‍ കാത്തിരുന്ന ഗാനവിരുന്ന് രാഗാഞ്ജലിയുടെ ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.

വേള്‍ഡ് മലയാളി കൌണ്‍സില്‍ നേതൃത്വം നല്‍കുന്ന രാഗാഞ്ജലി നവംബര്‍ 14ന് കോര്‍ക്ക് വില്‍ട്ടന്‍ ജിഎഎ ക്ളബിലും നവംബര്‍ 15ന് പാമേഴ്സ് ടൌണ്‍ സെന്റ് ലോര്‍ക്കന്‍സ് സ്കൂള്‍ ഓഡിറ്റോറിയത്തിലും നടക്കും.

ഐഡിയ സ്റാര്‍ സിംഗര്‍ ഫെയിം അഞ്ജു ജോസഫ് നയിക്കുന്ന രാഗാഞ്ജലിയില്‍ സാബു ജോസഫ്, കെ.പി ബിനു, ബോബി ജോസഫ്, ജോഷി ജോര്‍ജ്, ജോഷി കൊച്ചുപറമ്പില്‍ എന്നിവരും അണിചേരും.

പഴയ ഗാനങ്ങളും പുതിയ ഗാനങ്ങളും കോര്‍ത്തിണക്കിയാണ് രാഗാഞ്ജലി അവതരിപ്പിക്കുന്നത്.

ടിക്കറ്റ് ഇനിയും ലഭിക്കാത്തവര്‍ അതതു പ്രവേശന കവാടങ്ങളില്‍ ലഭ്യമാണ്. കൂടാതെ മിതമായ നിരക്കില്‍ നാടന്‍ തട്ടുകട വിഭവങ്ങളും പാമേഴ്സ് സ്കൂള്‍ ഹാളില്‍ ലഭ്യമാണ്. എല്ലാ സംഗീതാസ്വാദകരേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക്: ബിജു ഇടകുന്നത്ത് 0834330407, ദീപു ശ്രീധര്‍ 0862244834, ജോസ് പാമേഴ്സ്ടൌണ്‍ 0871339026, ഹാരി തോമസ് (കോര്‍ക്ക്) 0879769468. ജോസഫ് ജോസഫ് 0863620000, ഷാജു കുര്യാക്കോസ് 0873205335.

റിപ്പോര്‍ട്ട്: രാജു കുന്നക്കാട്ട്
Copyright @ 2022 , Rashtra Deepika Ltd.