യുക്മ മിഡ്ലാന്റ്സ് റീജിയന്‍ ചിത്ര രചനാ മത്സരം നടത്തി
Monday, November 3, 2014 10:21 AM IST
ലണ്ടന്‍: യുക്മ മിഡ്ലാന്റ്സ് റീജിയണല്‍ കലാമേളയുടെ ഭാഗമായിട്ടുള്ള ചിത്ര രചനാ മത്സരം നവംബര്‍ ഒന്നിന് (ശനി) വെഡ്നസ് ഫീല്‍ഡ് മലയാളി അസോസിയേഷന്റെ ആഭിമുഖ്യത്തില്‍ നടന്നു.

യുക്മ റീജിയണല്‍ ആര്‍ട്സ് കോ ഓര്‍ഡിനേറ്റര്‍ ജയകുമാര്‍ നായര്‍ അധ്യക്ഷത വഹിച്ച യോഗത്തില്‍ നോട്ടിംഗ്ഹാം മലയാളി അസോസിയേഷന്‍ പ്രസിഡന്റും യുകെയിലെ അറിയപ്പെടുന്ന കലാകാരനുമായ ജിം തോമസ് കണ്ടാരപ്പള്ളില്‍ മത്സരത്തിന്റെ ഉദ്ഘാടനം നിര്‍വഹിച്ചു.

വെഡ്നെസ്ഫീല്‍ഡ് മലയാളി അസോസിയേഷന്‍ സെക്രട്ടറി സിറില്‍ മാത്യു സ്വാഗതം ആശംസിച്ച യോഗത്തില്‍ മൈക്ക സെക്രട്ടറി സൂരജ് തോമസ്, ജേക്കബ് പുന്നൂസ്, ബൈജു തോമസ് എന്നിവര്‍ പ്രസംഗിച്ചു. സെബാസ്റ്യന്‍ മുതുപാറക്കുന്നേല്‍, ഷിബു പോള്‍, മജു പുന്നൂസ്, സുനില്‍ ജോസഫ്, ദീപു അഗസ്റിന്‍, റോയി, ബിനു ജോസ്, ഷൈനി ഗ്ളാക്സിന്‍, നിഷ ജിബു, ഷീജ ജയകുമാര്‍ തുടങ്ങിയവര്‍ സംബന്ധിച്ചു. വെഡ്നെസ്ഫീല്‍ഡ് മലയാളി അസോസിയേഷന്‍ പ്രസിഡന്റ് ജിബു ജേക്കബ് പങ്കെടുത്ത ഏവര്‍ക്കും നന്ദി പറഞ്ഞു.

റീജിയണിലെ വിവിധ അംഗ സംഘടനകളില്‍ നിന്നും തെരഞ്ഞെടുക്കപ്പെട്ട 32 മത്സരാര്‍ഥികള്‍ പങ്കെടുത്ത മത്സരഫലം വ്യാഴാഴ്ച പ്രസിദ്ധപ്പെടുത്തും.ആദ്യ മൂന്നു സ്ഥാനങ്ങള്‍ നേടുന്നവര്‍ ശനിയാഴ്ച ലെസ്ററില്‍ നടക്കുന്ന നാഷണല്‍ കലാമേളയില്‍ മറ്റു റീജിയണുകളിലെ വിജയികള്‍ക്കൊപ്പം മത്സരിക്കും.

റിപ്പോര്‍ട്ട്: ജയകുമാര്‍ നായര്‍
Copyright @ 2022 , Rashtra Deepika Ltd.