ഡാളസ്: ഡാളസില് നടന്ന മൂന്നാമത് ടെക്സസ് കപ്പ് ഓപ്പണ് സോക്കര് ടൂര്ണമെന്റില് ന്യൂയോര്ക്ക് മലയാളി സ്പോര്ട്സ് ക്ളബ് ചാമ്പ്യരായി.
കഴിഞ്ഞ വര്ഷത്തെ വിജയികളായ എഫ്സിസിയെ (ഫുട്ബോള് ക്ളബ് ഓഫ് കരോള്ട്ടന്, ടെക്സസ്) ഫൈനലില് ഏകപക്ഷീയമായ മൂന്ന് ഗോളിനാണ് ന്യൂ യോര്ക്ക് പരാജയപ്പെടുത്തിയത്.
ടെക്സസിലെ പ്രമുഖ സോക്കര് ടീമുകളായ ഡാളസ് ഡയനാമോസിനെയും ഹൂസ്റണ് സ്ട്രൈക്കേഴിസ്നേയും എഫ്സിസിയും ന്യൂയോര്ക്കും സെമിയില് പരാജയപ്പെടുത്തിയാണ് ഫൈനലില് എത്തിയത്. സ്കോര് യഥാക്രമം 10, 43.
മികച്ച കളിക്കാരനുള്ള എംവിപി ട്രോഫി ജോനാതന് (ന്യൂയോര്ക്ക്) സ്വന്തമാക്കി. ആറു ഗോള് അടിച്ചു താരമായ ജിമ്മി കല്ലറക്കല് (ന്യൂയോര്ക്ക്) കൂടുതല് ഗോള് നേടുന്ന കളിക്കാരനുള്ള ഗോള്ഡന് ബൂട്ട് ട്രോഫി നേടി. ഡിംപു ജോണ് (മികച്ച ഡിഫന്ഡര്, എഫ്സിസി), മൈക്കിള് (മികച്ച ഗോള് കീപ്പര്, ഡാളസ് ഡയനാമോസ്) എന്നിവരും മികച്ച പ്രകടനത്തിനുള്ള വ്യക്തിഗത ട്രോഫികള് സ്വന്തമാക്കി. ആതിഥേയരായ എഫ്സിസിയുടെ പ്രോമിനെന്റ് കളിക്കാരനായി ടിബി ഫിലിപ്പിനെ തിരഞ്ഞെടുത്തു.
വാശിയേറിയ ഫൈനല് മത്സരത്തില് തുടക്കത്തില് എഫ്സിസിയാണ് മേധാവിത്വം പുലര്ത്തിയത്. തുടര്ന്ന് പതുക്കെ താളം വീണ്െടടുത്ത ന്യൂയോര്ക്ക് ചാമ്പ്യന്മാരുടെ പ്രകടനം പുറത്തെടുത്തു.
അമേരിക്കയിലെ വിവിധ മലയാളി സോക്കര് ക്ളുബുകളെ ഏകോപിപ്പിച്ചുകൊണ്ട് ടെക്സസിലെ മലയാളി ക്ളബായ ഫുട്ട്ബോള് ക്ളബ് ഓഫ് കരോള്ട്ടന് നടത്തിയ ടൂര്ണമെന്റ് വിജയമായി. സംഘാടക മികവും ശ്രദ്ധിക്കപ്പെട്ടു. ടൂര്ണമെന്റില് ഡാളസ്, ഹൂസ്റണ്, ഒക്ലഹോമ, ന്യൂയോര്ക്ക് തുടങ്ങിയ നഗരങ്ങളില് നിന്നായി ഒമ്പതു ടീമുകളാണ് മാറ്റുരച്ചത്. ടീമുകളുടെ മികച്ച പ്രകടനവും ടൂര്ണമെന്റ് കായിക പ്രേമികളുടെ പിന്തുണയും ടൂര്ണമെന്റ് വിജയമാക്കി.
ടൂര്ണമെന്റ് സമാപനത്തില് നടന്ന ട്രോഫി ദാനം നടന്നു. എഫ്സിസി പ്രസിഡന്റ് വര്ഗീസ് തോമസ്, സെക്രട്ടറി വിനോദ് ചാക്കോ, മറ്റു ഭാരവാഹികളായ പ്രദീപ് ഫിലിപ്പ്, ടിബി ഫിലിപ്പ്, ബിനോയ് മാളിയേല്, മനോജ് പൌലോസ്, സ്പോണ്സര്മാരായ ജോജോ കോട്ടക്കല്, ഷിജു ഏബ്രഹാം തുടങ്ങിയവര് ചേര്ന്ന് ട്രോഫി ദാനം നിര്വഹിച്ചു.
ജോജോ കോട്ടക്കല് (ജോജോ കാര് സര്വീസ്) ടൂര്ണമെന്റ് ഗ്രാന്ഡ് സ്പോണ്സര് ആയിരുന്നു.
ഷിജു ഏബ്രഹാം (സ്പെക്ട്രം ഫൈനാന്ഷ്യല് ഗ്രൂപ്പ്), വിനോദ് ചാക്കോ (ബീം റിയാലിറ്റി), ഷിനു പുന്നൂസ് (എക്സ്പ്രസ് കെയര് ഫാര്മസി), അന്വര് അച്ചന് കുഞ്ഞ് (ടൊയോട്ട പ്ളാനോ), സാബൂസ് ഇന്ത്യന് മാര്ക്കറ്റ് ആന്ഡ് കേറ്ററിംഗ് എന്നിവരായിരുന്നു മറ്റു സ്പോണ്സേഴ്സ്.
റിപ്പോര്ട്ട്: മാര്ട്ടിന് വിലങ്ങോലില്