ഈസ്റ്ഹാമില്‍ പരിശുദ്ധ ജപമാല രാജ്ഞിയുടെ തിരുനാള്‍ ആഘോഷം
Monday, October 27, 2014 6:56 AM IST
ഈസ്റ് ഹാം: സീറോ മലബാര്‍ ഈസ്റ് ഹാം മാസ് സെന്ററിന്റെ ആഭിമുഖ്യത്തില്‍ സെന്റ് മൈക്കിള്‍സ് ദേവാലയത്തില്‍ പരിശുദ്ധ ജപമാല രാജ്ഞിയുടെ തിരുനാള്‍ ആഘോഷത്തിനുളള ഒരുക്കങ്ങള്‍ പുരോഗമിക്കുന്നതായി സംഘാടകര്‍ അറിയിച്ചു.

ഒക്ടോബര്‍ 31ന് വൈകുന്നേരം 6.30 ന് കൊടിയേറ്റുന്നതോടെ തിരുനാള്‍ ആഘോഷങ്ങള്‍ക്ക് തുടക്കമാകും. തുടര്‍ന്ന് ഫാ. ജോസഫ് അന്ത്യാംകുളത്തിന്റെ മുഖ്യകാര്‍മികത്വത്തില്‍ ആഘോഷമായ ജപമാലയും പാട്ടുകുര്‍ബാനയും അല്‍ഫോന്‍സാമ്മയുടെ നൊവേനയും നടക്കും.

പ്രധാന തിരുനാള്‍ തിരുക്കര്‍മ്മങ്ങള്‍ നവംബര്‍ ഒന്നിന് (ശനി) ഉച്ചകഴിഞ്ഞ് രണ്ടിന് ജപമാലയോടെ ആരംഭിക്കും. തുടര്‍ന്ന് പ്രസുദേന്തി വാഴ്ച, ഫാ. സേവ്യര്‍ തറമേലിന്റെ മുഖ്യകാര്‍മികത്വത്തില്‍ തിരുനാള്‍ കുര്‍ബാന എന്നിവ നടക്കും.

ബ്രാന്റ് വുഡ് ഡയോസിസ് വികാരി ജനറല്‍ റിട്ട. മാഗി ജോണ്‍ തിരുനാള്‍ സന്ദേശം നല്‍കും. തുടര്‍ന്ന് ലദീഞ്ഞ് തിരുസ്വരൂപങ്ങളും മുത്തുക്കുടകളും ഏന്തി ആഘോഷമായ പ്രദക്ഷിണവും ഉണ്ടായിരിക്കും.

5.30 മുതല്‍ പ്ളാസ്ററ്റ് സ്കൂള്‍ ഹാളില്‍ കലാപരിപാടിയും സ്നേഹവിരുന്നും തുടര്‍ന്ന് ഫാ. ജോസഫ് അത്തിയാംകുളത്തിന്റെ അധ്യക്ഷതയില്‍ ചേരുന്ന പൊതു സമ്മേളനത്തില്‍ ജിസിഎസ്ഇ എ ലെവല്‍ ക്ളാസുകളില്‍ ഉന്നത വിജയം കരസ്ഥമാക്കിയ കുട്ടികളെ അനുമോദിക്കുകയും സമ്മാനദാനവും നടക്കും.

രണ്ടിന് (ഞായര്‍) വൈകിട്ട് നാലിന്് സീറോ മലബാര്‍ കോ ഓര്‍ഡിനേറ്റര്‍ ഫാ. തോമസ് പാറയടിയുടെ മുഖ്യകാര്‍മികത്വത്തില്‍ മരിച്ചവരുടെ ഓര്‍മയ്ക്കായി വിശുദ്ധ കുര്‍ബാനയും തുടര്‍ന്ന് ഒപ്പീസും അര്‍പ്പിക്കുന്നതോടെ തിരുനാള്‍ ആഘോഷങ്ങള്‍ക്ക് സമാപനമാകും.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.