എബോള സംശയം; ബര്‍ലിനില്‍ ബാര്‍ അടപ്പിച്ചു
Monday, October 13, 2014 7:41 AM IST
ബര്‍ലിന്‍: എബോള രോഗം പിടിപെട്ടിട്ടുണ്ടെന്നു സംശയിക്കുന്നയാള്‍ കയറിയ ബാര്‍ അധികാരികള്‍ അടപ്പിച്ചു. ജര്‍മന്‍ തലസ്ഥാനമായ ബര്‍ലിനിലാണ് സംഭവം. ബാറില്‍ മദ്യപിക്കാനെത്തിയ ആള്‍ എബോള രോഗലക്ഷണങ്ങള്‍ പ്രകടിപ്പിക്കാന്‍ തുടങ്ങിയപ്പോള്‍ ബാറുടമ തന്നെയാണ് പോലീസിനെയും ഫയര്‍ഫോഴ്സിനെയും വിളിച്ചുവരുത്തി കക്ഷിയെ ആശുപത്രിയില്‍ എത്തിച്ചത്. ഇയാള്‍ ഈയടുത്ത ദിവസമാണ് നൈജീരിയയില്‍ നിന്നും ബര്‍ലിനില്‍ എത്തിയത്.

സംഭവത്തെ തുടര്‍ന്ന് ബാര്‍ പോലീസ് അടച്ചു സീല്‍ചെയ്തു. സംശയിക്കുന്ന ആളിന്റെ മറ്റൊരു വിവരവും പുറത്തുവിട്ടിട്ടില്ല. ഇതിനിടെ തിങ്കളാഴ്ച രാവിലെ ഹാംബുര്‍ഗ് റെയില്‍വേ സ്റേഷനില്‍ അലാറം ശബ്ദിച്ചതിനെ തുടര്‍ന്ന് സ്റേഷന്‍ താത്കാലികമായി അടച്ചു. മാലിയില്‍ നിന്നെത്തിയ പതിനഞ്ചുകാരനില്‍ എബോള രോഗലക്ഷണങ്ങള്‍ കണ്ടുവെന്നു സംശയിച്ചാണ് സ്റേഷന്‍ അടച്ചത്.

റിപ്പോര്‍ട്ട്: ജോസ് കുമ്പിളുവേലില്‍
Copyright @ 2022 , Rashtra Deepika Ltd.