കേരള അസോസിയേഷന്‍ ഓഫ് ന്യൂജേഴ്സിയുടെ 'ഓണാഘോഷം 2014' സെപ്റ്റംബര്‍ 14 ന് : Deepika.com Nri News Americas

ന്യൂജേഴ്സി: അമേരിക്കയിലെ പ്രമുഖ മലയാളി സംഘടനയായ കേരള അസോസിയേഷന്‍ ഓഫ് ന്യൂജേഴ്സി (കാന്‍ജ്) ഓണാഘോഷം 2014 സെപ്റ്റംബര്‍ 14 ന് ആഘോഷിക്കുന്നു.

നോര്‍ത്ത് ബ്രോന്‍സ്വിക് ഹൈസ്കൂള്‍ ഓഡിറ്റോറിയത്തില്‍ നടക്കുന്ന ഓണാഘോഷത്തില്‍ പഞ്ചവാദ്യ മേളങ്ങളുടേയും താലപ്പൊലിയേന്തിയ യുവതികളുടെയും ബാലികമാരുടേയും അകമ്പടിയോടെ മാവേലി മന്നന്റെ എഴുന്നള്ളത്തും വിവിധ തനതു കേരള കലാരുപങ്ങള്‍ ഉള്‍ക്കൊള്ളിച്ചുള്ള ഘോഷയാത്രയും ഉണ്ടായിരിക്കും. സിത്താര്‍ പാലസ് ഒരുക്കുന്ന സ്പെഷല്‍ ഓണസദ്യ പരിപാടിക്ക് കൊഴുപ്പ് പകരും.

രാഷ്ട്രീയ, സാമൂഹിക സിനിമ രംഗങ്ങളിലെ പ്രശസ്തര്‍ പങ്കെടുക്കുന്ന പൊതു സമ്മേളനത്തിനുശേഷം നടക്കുന്ന കോമഡി സ്കിറ്റ് ഡാന്‍സ് തുടങ്ങിയ കലാപരിപാടികളില്‍ അമേരിക്കയിലെ കഴിവുറ്റ കലാകാരന്മാര്‍ പങ്കെടുക്കും.

മലയാള സിനിമയിലെ പ്രശസ്ത പിന്നണി ഗായകന്‍ ഫ്രാങ്കോയും ഒപ്പം നിരവധി ഗായകരും ചേര്‍ന്ന് ഒരുക്കുന്ന സംഗീത സായാന്ഹ്നം കാന്‍ജ് ഓണാഘോഷത്തിന് മാറ്റു കൂട്ടും. കാന്‍ജ് മാസ്റര്‍ പീസ് അത്തപ്പുക്കളം, തിരുവാതിര തുടങ്ങിയ നിരവധി പരിപാടികള്‍ ഇത്തവണയും ഉണ്ടായിരിക്കും.

പ്രോഗ്രാം കണ്‍വീനര്‍ സ്വപ്ന രാജേഷ്, ഹരികുമാര്‍ രാജന്‍, മാലിനി നായര്‍ എന്നിവരുടെ നേതൃത്വത്തില്‍ ഓണം പ്രോഗ്രാം ടിക്കറ്റ് കിക്ക് ഓഫ് ചടങ്ങില്‍ ദിലീപ് വര്‍ഗീസ്, തോമസ് മൊട്ടക്കല്‍ തുടങ്ങിയ പ്രമുഖര്‍ പ്രസിഡന്റ് ജെ. പണിക്കരുടെ കൈയില്‍നിന്നും ടിക്കറ്റുകള്‍ ഏറ്റുവാങ്ങി ഔപചാരികമായി ഓണാഘോഷങ്ങള്‍ക്ക് തുടക്കം കുറിച്ചു.

ജിബി തോമസ്, മാലിനി നായര്‍, സണ്ണി വാലിപ്ളാക്കല്‍, സജി പോള്‍, ഷീല ശ്രീകുമാര്‍ ഉള്‍പ്പെടെ വിപുലമായ കമ്മിറ്റിയാണ് ഓണാഘോഷത്തിന് നേതൃത്വം നല്‍കുന്നത്.

പ്രോഗ്രാം പാസ് മൂലം നിയന്ത്രിക്കുന്നതാണെന്നും ആദ്യം ടിക്കറ്റ് എടുക്കുന്നവര്‍ക്കുള്ള പ്രത്യേക സൌജന്യങ്ങള്‍ ലഭിക്കുന്നതിന് ഗഅചഖ വെബ്സൈറ്റ് ംംം.സമിഷ.ീൃഴ സന്ദര്‍ശിക്കണമെന്ന് ട്രഷറര്‍ ജെയിംസ് ജോര്‍ജ് അറിയിച്ചു.

നന്ദിനി മേനോന്‍,സോബിന്‍ ചാക്കോ, ദീപ്തി നായര്‍,അബ്ദുള്ള സൈദ് ,ജോസഫ് ഇടിക്കുള തുടങ്ങിയവര്‍ പ്രോഗ്രാം വിജയിപ്പിക്കുന്നതിനായി അണിയറയില്‍ പ്രവ ര്‍ത്തിക്കുന്നു

അമേരിക്കയിലെ എല്ലാ മലയാളി സുഹൃത്തുക്കളേയും കുടുംബ സമേതം ഓണാഘോഷങ്ങളിലേക്ക് ക്ഷണിക്കുന്നതായി സെക്രട്ടറി അനില്‍ പുത്തന്‍ചിറ അറിയിച്ചു.

റിപ്പോര്‍ട്ട്: ജോസഫ് ഇടിക്കുള