കോര്‍ക്കില്‍ ലാല്‍ ജോസിനും സുരേഷ് ജോസഫിനും ഉജ്ജ്വല വരവേല്‍പ്പ്
Thursday, August 28, 2014 8:36 AM IST
കോര്‍ക്ക്: കൊച്ചിയില്‍ നിന്നും ലണ്ടനിലേക്കുള്ള യാത്രാമധ്യേ ബുധനാഴ്ച്ച ഉച്ചയോടു കൂടി അയര്‍ലന്‍ഡിലെ കോര്‍ക്കില്‍ എത്തിയ റിക്കാര്‍ഡ് ഡ്രൈവ് ടീം ക്യാപ്റ്റന്‍ സുരേഷ് ജോസഫിനും ലാല്‍ ജോസിനും വേള്‍ഡ് മലയാളി കൌണ്‍സിലിന്റെ നേതൃത്വത്തില്‍ ഉജ്ജ്വല വരവേല്‍പ്പ് നല്‍കി. ബിഷപ്പ് ടൌണ്‍ ബാര്‍ ഹാളില്‍ നടന്ന ചടങ്ങില്‍ പ്രസിഡന്റ് ഹാരി തോമസ് സ്വാഗതം ആശംസിച്ചു. ഫാ. പോള്‍ തെറ്റയില്‍ ആശംസകള്‍ അറിയിച്ചു. തുടര്‍ന്ന് കുട്ടികളുമായി സിനിമ വിശേഷങ്ങളും യാത്രാനുഭവങ്ങളും പങ്കുവച്ചു. നിരവധി ആളുകള്‍ അനുമോദനം അര്‍പ്പിക്കുവാന്‍ കോര്‍ക്കില്‍ എത്തിയിരുന്നു.

ഉച്ചഭക്ഷണത്തിനുശേഷം സംഘം കോര്‍ക്കിലെ കോവ് തുറമുഖം സന്ദര്‍ശിച്ചു. തദവസരത്തില്‍ കൊവിലെ ഹെറിറ്റേജ് സെന്ററില്‍ കോവിലെയും ഈസ്റ് കോര്‍ക്കിലെയും മലയാളികള്‍ പൂച്ചെണ്ടുകള്‍ നല്‍കി സ്വീകരിച്ചു. തുടര്‍ന്നു ടൈറ്റാനിക് ദുരന്തയാത്രയുടെ ചരിത്രവും യാത്രക്കാര്‍ ടൈറ്റാനിക് കപ്പലില്‍ കയറാന്‍ കടലില്‍ ഉപയോഗിച്ച നൂറില്‍പരം വര്‍ഷങ്ങള്‍ പഴക്കമുള്ള പടവുകളും സന്ദര്‍ശിച്ചു. അതിനുശേഷം കൊവിലെ സെന്റ് കോള്‍മാന്‍ കത്തീഡ്രല്‍ സന്ദര്‍ശിച്ചു പ്രാര്‍ഥനകള്‍ നടത്തിയശേഷം യുകെയിലേക്കുള്ള യാത്രയ്ക്കായി റോസ്ലെയര്‍ തുറമുഖത്തേക്ക് തിരിച്ചു. വഴിമധ്യേ ഡന്‍ഗാര്‍വന്‍ മലയാളികളും സ്വീകരണം നല്‍കി.

കോര്‍ക്കില്‍ നല്‍കിയ സ്വീകരണത്തിനു ലാല്‍ജോസും സുരേഷ് ജോസഫും നന്ദി പ്രകാശിപ്പിച്ചു.

റിപ്പോര്‍ട്ട്: വി. രാജന്‍
Copyright @ 2022 , Rashtra Deepika Ltd.