ആത്മീയയാഗ്നി ഉജ്വലിക്കുന്ന രണ്ടാം ശനിയാഴ്ച കണ്‍വന്‍ഷന്‍ ഓഗസ്റ് ഒമ്പതിന് : Deepika.com Nri News Europe

ബ്രാഡ്ഫോര്‍ഡ്: ആത്മീയാഗ്നി ഉജ്വലിക്കുന്ന പാവനാത്മ ശക്തിയാല്‍ മാനവ ഹൃദയത്തെ പരിവര്‍ത്തനം ചെയ്യുന്ന, പ്രകടമായ അത്ഭുതങ്ങളും അടയാളങ്ങളും സാധ്യമാക്കുന്ന രണ്ടാം ശനിയാഴ്ച കണ്‍വന്‍ഷന്‍ ഓഗസ്റ് ഒമ്പതിന് (ശനി) ബഥേല്‍ സെന്ററില്‍ നടക്കും.

ഫാ. സോജി ഓലിക്കലും (സെഹിയോന്‍ യുകെ) ഫാ. ഡൊമിനിക് വാളന്മനാലും (മരിയന്‍ ധ്യാന കേന്ദ്രം കാഞ്ഞിരപ്പളളി) പ്രധാന ഹാളില്‍ മലയാളത്തിലും അനുബന്ധ ഹാളില്‍ ഇംഗ്ളീഷിലും വചനം പ്രഘോഷിക്കും.

ശനി രാവിലെ 6.45 ന് ഫാ. സോജി ഓലിക്കലിന്റെ നേതൃത്വത്തില്‍ സെഹിയോന്‍ ടീമംഗങ്ങള്‍ കണ്‍വന്‍ഷന്‍ വിജയത്തിനായി മധ്യസ്ഥ പ്രാര്‍ഥന ആരംഭിക്കും. തുടര്‍ന്ന് കണ്‍വന്‍ഷന്‍ വേദികളെല്ലാം വെഞ്ചരിച്ച് ആശീര്‍വദിക്കും.

തിരുസഭാ മാതാവ് പരിശുദ്ധ കന്യാമറിയത്തോട് ചേര്‍ന്ന് ജപമാലയര്‍പ്പണത്തിനുശേഷം തിരുരക്ത സംരക്ഷണ കോട്ടയില്‍ മുഖ്യദൂതന്മാരായ വിശുദ്ധ ഗബ്രിയേലിന്റെയും വിശുദ്ധ റപ്പായേലിന്റെയും വിശുദ്ധ മിഖായേലിന്റെയും മധ്യസ്ഥതയില്‍ സകല വിശുദ്ധരോടും കൂടി വിടുതല്‍ ശുശ്രൂഷകള്‍ക്ക് ഫാ. സോജി ഓലിക്കലും ഫാ. ഡൊമിനിക് വാളന്മനാലും നയിക്കും.

ലത്തീന്‍ ആരാധന ക്രമത്തിലുളള ദിവ്യബലിക്ക് ക്ളിഫ്ടന്‍ രൂപത വൈദികനും വചന പ്രഘോഷകനുമായ ഫാ. ബര്‍ണബാസ് കാര്‍മികത്വം വഹിക്കും.

വിവിധ പ്രായത്തിന്റെ അടിസ്ഥാനത്തില്‍ കുട്ടികളെയും യുവജനങ്ങളെയും അനുബന്ധിച്ച് ഹാളിലേക്ക് മിരിയാം ഗ്രൂപ്പിന്റെ നേതൃത്വത്തില്‍ ആഹ്ളാദ കീര്‍ത്തനങ്ങള്‍ ആലപിച്ച് ആനയിക്കും.

മലയാളത്തിലുളള വചന പ്രഘോഷണം ഫാ. സോജി ഓലിക്കല്‍ പ്രധാന ഹാളില്‍ നടത്തുമ്പോള്‍ അനുബന്ധ ഹാളില്‍ ഇംഗ്ളീഷിലുളള വചന പ്രഘോഷണവും തുടര്‍ന്ന് മലയാളത്തില്‍ പ്രധാന ഹാളിലും ഫാ. ഡൊമിനിക്ക് വാളന്മനാലും വചന പ്രഘോഷണം നയിക്കും.

കണ്‍വന്‍ഷന്‍ വേദിയുടെ വിലാസം: ആലവേലഹ ഇീി്ലിശീിേ ഇലിൃല, ആശൃാശിഴവമാ, ആ70 7ഖണ.

റിപ്പോര്‍ട്ട്: സഖറിയ പുത്തന്‍കളം