മൂന്നാമത് പുതുവേലി സംഗമം ഓഗസ്റ് 22, 23 തീയതികളില്‍
Tuesday, July 22, 2014 6:07 AM IST
സ്റീവനേജ്: മൂന്നാമത് പുതുവേലി സംഗമം കഴിഞ്ഞ വര്‍ഷങ്ങളില്‍ നിന്നും വ്യത്യസ്തമായി ഈ വര്‍ഷം വിപുലമായ കലാകായിക പരിപാടിയോടുകൂടി ഓഗസ്റ്റ് 22, 23 തീയതികളില്‍ സ്റ്റീവനേജില്‍ നടത്തുന്നു. കുട്ടികള്‍ക്കൊപ്പം മുതിര്‍ന്നവര്‍ക്കും കൂടുതല്‍ ആകര്‍ഷകമായ കാര്യപരിപാടികളാണ് അണിയറയില്‍ ഒരുങ്ങികൊണ്ടിരിക്കുന്നത്.

ഈ വര്‍ഷം നാട്ടില്‍ പോകാന്‍ സാധിക്കാത്ത എല്ലാവര്‍ക്കും നാട്ടില്‍ എത്തി എന്ന തോന്നല്‍ ഉണ്ടാക്കുവാനായി നാടന്‍ വിഭവങ്ങളും നാടന്‍ കലാപരിപാടികളുമാണ് കൂടുതലും ഒരുക്കുന്നത്. ഇതിനോടകം 40 ല്‍ അധികം ഫാമിലികള്‍ സംഗമത്തില്‍ പങ്കെടുക്കുമെന്ന് അറിയിച്ചിട്ടുണ്ട്. പുതുവേലിക്ക് അടുത്തുളള സ്ഥലങ്ങളായ പേരക്കുഴി, മുത്തോലപുരം, ആച്ചിക്കല്‍, കിഴകൊമ്പ്, കാഞ്ഞിരമല എന്നിവടങ്ങളില്‍ നിന്നുകൂടി ഈ വര്‍ഷം ആളുകളെ പ്രതീക്ഷിക്കുന്നു.

സംഗമത്തിലേക്കു എല്ലാവരെയും പ്രത്യേകിച്ച് പുതുതായി പുതുവേലിയുടെ പരിസരങ്ങളില്‍ ഉളളവരെയും ഹാര്‍ദ്ദവമായി സ്വാഗതം ചെയ്യുന്നു.

കൂടുതല്‍ വിവരങ്ങള്‍ക്ക് : ഇല്‍ജോ: 075 5025 6080, സോയിമോന്‍ : 078 8619 6422

റിപ്പോര്‍ട്ട്: സാബു ചൂണ്ടക്കാട്ടില്‍
Copyright @ 2022 , Rashtra Deepika Ltd.