വെംബ്ളിയില്‍ ഫാ. ടിബിന്‍ നയിക്കുന്ന നോമ്പുകാല ഏകദിന ധ്യാനം ഏപ്രില്‍ 12ന്
Wednesday, April 2, 2014 4:31 AM IST
വെംബ്ളി: വെംബ്ളിയിലെ സെന്റ് ജോസഫ്സ് കത്തോലിക്കാ ദേവാലയത്തില്‍ (വെംബ്ളി, ഒഅ9 6അഏ) നോമ്പ് കാലത്തോടനുബന്ധിച്ച് നവീകരണ ധ്യാനം സംഘടിപ്പിക്കുന്നു. പ്രശസ്ത വാഗ്മിയും വെംബ്ളി പാരീഷ് അസിസ്റന്റുമായ ഫാ. ടിബിന്‍ ഫ്രാന്‍സീസ് സിഎംഐ ആയിരിക്കും ധ്യാനം നയിക്കുന്നത്.

ഏപ്രില്‍ 12 ന് (ശനി) രാവിലെ 11ന് ആരംഭിക്കുന്ന വചന ശുശ്രൂഷ വിശുദ്ധ കുര്‍ബാനയോടെ വൈകുന്നേരം അഞ്ചിന് സമാപിക്കും. അന്നേ ദിവസം കുമ്പസാരത്തിനുള്ള സൌകര്യം ഉണ്ടായിരിക്കും.

ക്ഷമയുടെയും സ്നേഹത്തിന്റെയും സഹനത്തിന്റെയും കരുണവറ്റാത്ത ആ നിറവിലേക്ക് എത്തിച്ചേരുവാന്‍ കൃപയൊരുക്കുന്ന തിരുവചന ശുശ്രൂഷയില്‍ പങ്കുചേര്‍ന്ന് ദൈവീക അനുഭവം നേടുവാനും ഉദ്ധിതനായ ക്രിസ്തുവിന്റെ മഹത്വത്തില്‍ പങ്കാളിയാവാനും വലിയ വാരത്തിലേക്ക് ആത്മീയമായി പ്രവേശിക്കുവാനും ഒരുക്കുന്ന തിരുവചന വിരുന്നിലേക്ക് ഏവരെയും സ്വാഗതം ചെയ്തു.

കൂടുതല്‍ വിവരങ്ങള്‍ക്ക്: ജോസഫ് കുട്ടംപേരൂര്‍ 07877062870, ഏബ്രാഹം കുതിരവട്ടം 07904938700.

റിപ്പോര്‍ട്ട്: അപ്പച്ചന്‍ കണ്ണഞ്ചിറ
Copyright @ 2022 , Rashtra Deepika Ltd.