അക്ര: ഘാനയുടെ തലസ്ഥാനമായ അക്രയിലെ മലയാളികള് സെപ്റ്റംബര് 22ന് (ഞായര്) ഓണം ആഘോഷിച്ചു. അക്രയില് സൌത്ത് ലബാടിയിലുള്ള കോന്നിയൂര് ശാന്തകുമാറിന്റെ വീട്ടിലായിരുന്നു ആഘോഷം.
ഫാ. സുഭാഷ് ഭദ്രദീപം തെളിച്ച് ആഘോഷങ്ങള്ക്ക് തുടക്കം കുറിച്ചു. ഇന്ത്യന് ഹൈക്കമ്മീഷന് ഫസ്റ് സെക്രട്ടറി ടി.ജെ സുരേഷ് സ്വാഗത പ്രസംഗം നടത്തി.
രാജശ്രീ മേനോനും സംഘവും അവതരിപ്പിച്ച തിരുവാതിര, കുട്ടികളുടെ നൃത്തങ്ങള്, ശാന്തകുമാര്, വിഷ്ണു എന്നിവര് ആലപിച്ച ഗാനങ്ങള്, ഹരിയുടെ കവിത, സിനോഷ് മുക്കം, സജിത്ത് മുല്ലപ്പുള്ളി, അനൂപ് വര്ഗീസ്, ശ്രീജിത്ത്, സുധീഷ് എന്നിവരുടെ കോമഡി സ്കിറ്റ് തുടങ്ങിയ കലാപരിപാടികള് അരങ്ങേറി. മഹാബലിയായി വേഷമിട്ട വിഷ്ണു പാലക്കാട് ഏവര്ക്കും ഓണാശംസകള് നേര്ന്നു.
റോക്സണ്, സുദര്ശനന് പാലക്കാട്, സജി ആറ്റുമാനുകാരന്, സിജി നിരപ്പേല്, ഷിബു കൊല്ലം, രാജു എന്നിവര് വിവിധ പരിപാടികള്ക്കു നേതൃത്വം നല്കി. വിഭവസമൃദ്ധമായ ഓണസദ്യക്കുശേഷം വാശിയേറിയ വടംവലി മത്സരവും നടന്നു. ഇതില് ചമ്പക്കുളം മാര്ട്ടിനും സംഘവും വിജയികളായി.
റിപ്പോര്ട്ട്: ഡി. ശാന്തകുമാര്