മെ​കു​നു ചു​ഴ​ലി​ക്കാ​റ്റ് യെ​മ​ൻ ക​ട​ന്നു; ഭീ​തി​യി​ൽ സ​ലാ​ല നി​വാ​സി​ക​ൾ
Friday, May 25, 2018 10:29 PM IST
മ​സ്ക​റ്റ്: അ​റ​ബി​ക്ക​ട​ലി​ൽ രൂ​പം കൊ​ണ്ട മെ​കു​നു ചു​ഴ​ലി​ക്കാ​റ്റ് ഒ​മാ​നി​ലെ സ​ലാ​ല​യി​ൽ വെ​ള്ളി​യാ​ഴ്ച രാ​ത്രി​യി​ൽ ക​ര തൊ​ടു​മെ​ന്നാ​ണ് മു​ന്ന​റി​യി​പ്പ്. യെ​മ​നും ഒ​മാ​നും അ​തി​ർ​ത്തി​ക​ൾ പ​ങ്കി​ടു​ന്ന ചു​ഴ​ലി​ക്കാ​റ്റ് ഭീ​ഷ​ണി​യു​ള്ള സ്ഥ​ല​ങ്ങ​ളി​ൽ നി​ന്നും വ്യാ​ഴാ​ഴ്ച ത​ന്നെ ആ​ളു​ക​ളെ ഒ​ഴി​പ്പി​ച്ചി​രു​ന്നു.

യെ​മ​നി​ലെ സൊ​ക്കോ​ത്ര ദ്വീ​പി​ൽ വീ​ശി​യ​ടി​ച്ച കാ​റ്റി​ൽ 40 പേ​രെ കാ​ണാ​താ​യി. മ​ഴ​യി​ലും വെ​ള്ള​പ്പൊ​ക്ക​ത്തി​ലും ക​ന​ത്ത നാ​ശ​ന​ഷ്ട​ങ്ങ​ളു​ണ്ടാ​യി. കാ​റ്റ​ഗ​റി ഒ​ന്ന് വി​ഭാ​ഗ​ത്തി​ൽ പെ​ടു​ന്ന ചു​ഴ​ലി​ക്കാ​റ്റ് ദ്വീ​പ് യെ​മ​ന്‍റെ ക​ര​ഭാ​ഗ​ത്തു നി​ന്നും 350 കി​ലോ മീ​റ്റ​ർ ദൂ​രെ അ​റ​ബി​ക്ക​ട​ലി​ലാ​ണ് സ്ഥി​തി ചെ​യ്യു​ന്ന​ത്. ഒ​മാ​ന്‍റെ കാ​ലാ​വ​സ്ഥാ നി​രീ​ക്ഷ​ണ കേ​ന്ദ്ര​ത്തി​ൽ നി​ന്നും വെ​ള്ളി​യാ​ഴ്ച വൈ​കി​ട്ട് പു​റ​പ്പെ​ടു​വി​ച്ച മു​ന്ന​റി​യി​പ്പ് പ്ര​കാ​രം ചു​ഴ​ലി​ക്കാ​റ്റ് നാ​ലി​നും രാ​ത്രി 12 നു​മി​ട​യി​ൽ വീ​ശു​മെ​ന്നാ​ണാ​ണ് നി​ഗ​മ​നം.

ശ​ക്ത​മാ​യ കാ​റ്റും മ​ഴ​യും അ​നു​ഭ​വ​പ്പെ​ടു​ന്ന​ത് സ​ലാ​ല നി​വാ​സി​ക​ളെ ഭീ​തി​യി​ലാ​ഴ്ത്തി​യി​രി​ക്കു​ക​യാ​ണ്. ദോ​ഫാ​ർ, അ​ൽ​വു​സ്ത മേ​ഖ​ല​ക​ളി​ൽ തി​ര​മാ​ല​ക​ൾ 8 മു​ത​ൽ 12 മീ​റ്റ​ർ വ​രെ​യും, അ​ൽ ഷ​ർ​ഖി​യ മേ​ഖ​ല​യി​ൽ തി​ര​മാ​ല​ക​ൾ 3 മു​ത​ൽ 4 മീ​റ്റ​ർ വ​രെ​യും ഉ​യ​രു​മെ​ന്നാ​ണ് മു​ന്ന​റി​യി​പ്പ്. ഹാ​ഫ, ദാ​രി​സ്, അ​ൽ​വാ​ദി, സാ​ദ, ഹം​ദാ​ൻ തു​ട​ങ്ങി​യ സ്ഥ​ല​ങ്ങ​ളി​ലും ഉ​ൾ​പ്ര​ദേ​ശ​ങ്ങ​ളി​ലെ റോ​ഡു​ക​ളി​ലും വെ​ള്ളം ക​യ​റി​യി​ട്ടു​ണ്ട്. റൗ​ണ്ട് എ​ബൗ​ട്ടു​ക​ളി​ലു​ൾ​പ്പെ​ട വെ​ള്ളം ക​യ​റി​യി​രി​ക്കു​ന്ന​തു​മൂ​ലം ഗ​താ​ഗ​തം പൂ​ർ​ണ​മാ​യി ത​ട​സ​പ്പെ​ട്ടി​രി​ക്കു​ക​യാ​ണ്.

ശ​ക്ത​മാ​യ കാ​റ്റും, മ​ഴ​യും നി​ല​നി​ൽ​ക്കു​ന്ന​തി​നാ​ൽ ആ​ളു​ക​ൾ താ​മ​സ സ്ഥ​ല​ങ്ങ​ളി​ൽ ത​ന്നെ ക​ഴി​ഞ്ഞു​കൂ​ടു​ക​യാ​ണ്. ര​ക്ഷാ​പ്ര​വ​ർ​ത്ത​ക​ർ ഏ​തു സാ​ഹ​ച​ര്യ​ത്തെ​യും നേ​രി​ടാ​ൻ ത​യാ​റാ​യി ക​ഴി​ഞ്ഞു. വെ​ള്ളി​യാ​ഴ്ച മി​ക്ക മ​സ്ജി​ദു​ക​ളി​ലെ​യും നി​സ്കാ​ര ച​ട​ങ്ങു​ക​ൾ വേ​ണ്ടെ​ന്നു വ​ച്ചു. വ്യാ​ഴാ​ഴ്ച അ​ർ​ധ​രാ​ത്രി മു​ത​ൽ അ​ട​ച്ചി​ട്ടി​രു​ന്ന സ​ലാ​ല അ​ന്താ​രാ​ഷ്ട്ര വി​മാ​ന​ത്താ​വ​ളം 24 മ​ണി​ക്കൂ​ർ​കൂ​ടി അ​ട​ക്കു​വാ​ൻ വ്യോ​മ​യാ​ന അ​ഥോ​റി​റ്റി അ​ധി​കൃ​ത​ർ തീ​രു​മാ​നി​ച്ചു.

ഇ​​തി​​നി​​ടെ, മും​​​ബ​​​യി​​​ൽനി​​​ന്ന് ഇ​​​ന്ത്യ​​​ന്‍ നാ​​​വി​​​ക​​​സേ​​​ന​​​യു​​​ടെ ര​​​ണ്ടു ക​​​പ്പ​​​ലു​​​ക​​​ള്‍ സ​​​ലാ​​​ല​​​യി​​​ലേ​​​ക്കു പു​​​റ​​​പ്പെ​​​ട്ട​​​താ​​​യി ഇ​​​ന്ത്യ​​​ന്‍ സ്ഥാ​​​ന​​​പ​​​തി കാ​​​ര്യാ​​​ല​​​യം സ്ഥി​​​രീ​​​ക​​​രി​​​ച്ചു. നാ​​​വി​​​കസേ​​​ന​​​യു​​​ടെ ക​​​പ്പ​​​ലു​​​ക​​​ളാ​​​യ ഐഎ​​​ൻ​​​എ​​​സ് ദീ​​​പ​​​ക്കും കൊ​​​ച്ചി​​​യു​​​മാ​​​ണ് ഹെ​​​ലി​​​കോ​​​പ്റ്റ​​​റു​​​ക​​​ളും ര​​​ക്ഷാ​​​പ്ര​​​വ​​​ര്‍ത്ത​​​ക​​​രു​​മാ​​യി സ​​ലാ​​ല​​യി​​ലേ​​ക്കു തി​​രി​​ച്ച​​ത്. റോ​​​യ​​​ല്‍ നേ​​​വി​​​യെ ഇ​​​തു സം​​​ബ​​​ന്ധി​​​ച്ചു​​​ള്ള വി​​​വ​​​ര​​​ങ്ങ​​​ള്‍ അ​​​റി​​​യി​​​ച്ച​​​താ​​​യി എം​​​ബ​​​സി വൃ​​​ത്ത​​​ങ്ങ​​​ള്‍ പ​​​റ​​​ഞ്ഞു.

പ​​​ബ്ലി​​​ക് അ​​​ഥോ​​​റി​​​റ്റി ഓ​​​ഫ് സി​​​വി​​​ല്‍ ഡി​​​ഫ​​​ന്‍സും ഗ​​​താ​​​ഗ​​​ത മ​​​ന്ത്രാ​​​ല​​​യ​​​വും സം​​​യു​​​ക്ത​​​മാ​​​യി സ​​​ലാ​​​ല​​​യി​​​ലെ എ​​​ല്ലാ റോ​​​ഡു​​​ക​​​ളും അ​​​ട​​​ച്ചു. സ​​​ലാ​​​ല അ​​​ക്ഷ​​​രാ​​​ര്‍ഥ​​ത്തി​​​ല്‍ ഒ​​​റ്റ​​​പ്പെ​​​ട്ടി​​രി​​ക്കു​​ക​​യാ​​ണ്. സലാല ഉൾപ്പെടുന്ന ദോഫാർ ഗവർണറേറ്റിൽ 75,000 ഇന്ത്യക്കാരുണ്ട്.

റിപ്പോർട്ട് : സേവ്യർ കാവാലം

Copyright @ 2022 , Rashtra Deepika Ltd.