പ്ര​വാ​സി ഹാ​ജി​മാ​രു​ടെ യാ​ത്രാ​പ്ര​ശ്നങ്ങൾ പരിഹരിക്കാൻ നടപടിയെടുക്കും: മു​ക്താ​ർ നഖ്‌വി
Friday, February 16, 2018 8:54 PM IST
ന്യുഡ​ൽ​ഹി: പ്ര​വാ​സി ഹാ​ജി​മാ​രു​ടെ പാ​സ്പോ​ർ​ട്ട് സൗ​ദി ഗ​വ​ണ്‍​മെ​ന്‍റി​ന് സ​മ​ർ​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ട് ഇ​ന്ത്യ​യി​ൽ ഹ​ജ്ജ് ക​മ്മി​റ്റി പു​റ​പ്പെ​ടു​വി​ച്ച ഉ​ത്ത​ര​വി​ലെ പ്ര​വാ​സി​ക​ൾ​ക്ക് ബു​ദ്ധി​മു​ട്ടു​ണ്ടാ​കു​ന്ന വ്യാ​വ​സ്ഥ​ക​ൾ പി​ൻ​വ​ലി​ച്ച് ആ​ശ്വാ​സ​ക​ര​മാ​യ രൂ​പ​ത്തി​ൽ പ​രി​ഷ്ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് മു​സ്ലിം യൂ​ത്ത് ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി സി.​കെ സു​ബൈ​ർ ദു​ബൈ ക​ഐം​സി​സി പ്ര​സി​ഡ​ന്‍റ് പി.​കെ അ​ൻ​വ​ർ ന​ഹ എ​ന്നി​വ​ർ കേ​ന്ദ്ര ന്യൂ​ന​പ​ക്ഷ ഹ​ജ്ജ്കാ​ര്യ മ​ന്ത്രി മു​ക്താ​ർ നഖ്‌വിയു​മാ​യി കൂ​ടി​ക്കാ​ഴ്ച ന​ട​ത്തി.

വി​ഷ​യ​ത്തി​ന് അ​ടി​യ​ന്ത​ര പ​രി​ഹാ​രം ഉ​റ​പ്പാ​ക്കു​മെ​ന്ന് മ​ന്ത്രി ഇ​രു​വ​ർ​ക്കും ഉ​റ​പ്പ് ന​ൽ​കി. മെ​യ് 15നാ​ണ് ഹാ​ജി​മാ​രു​ടെ പാ​സ്പോ​ർ​ട്ട് സൗ​ദി ഭ​ര​ണ​കൂ​ട​ത്തി​ന് സി​സ്റ്റം വ​ഴി സ​മ​ർ​പ്പി​ക്കേ​ണ്ട​ത്. ഇ​ത​നു​സ​രി​ച്ച് ഏ​പ്രി​ൽ 15 നു​ള്ളി​ൽ പാ​സ്പോ​ർ​ട്ട് സ​മ​ർ​പ്പി​ക്കാ​നാ​ണ് ഹ​ജ്ജ് ക​മ്മി​റ്റി ഫെ​ബ്രു​വ​രി 1ന് ​സ​ർ​ക്കു​ല​ർ ഇ​റ​ക്കി​യ​ത്.

ഹ​ജ് ക​ഴി​ഞ്ഞ് ര​ണ്ടാം ഘ​ട്ട​ത്തി​ൽ തീ​ർ​ത്ഥാ​ട​ക​ർ മ​ട​ങ്ങി​യെ​ത്തു​ക സെ​പ്റ്റം​ബ​ർ പ​ത്തി​നാ​ണ്. ഫ​ല​ത്തി​ൽ പ്ര​വാ​സി ഹാ​ജി​മാ​രു​ടെ പാ​സ്പോ​ർ​ട്ട് സെ​പ്റ്റം​ബ​ർ 25ന് ​മാ​ത്ര​മേ തി​രി​കെ ല​ഭി​ക്കു​ക​യു​ള്ളൂ. ഏ​താ​ണ്ട് അ​ഞ്ച് മാ​സ​ത്തോ​ളം പാ​സ്പോ​ർ​ട്ട് കൈ​യ്യി​ലി​ല്ലാ​ത്ത​തു മൂ​ലം ഹ​ജ്ജ് ക​ഴി​ഞ്ഞ് കൃ​ത്യ​സ​മ​യ​ത്ത് തി​രി​കെ ജോ​ലി​യി​ൽ പ്ര​വേ​ശി​ക്കാ​നാ​വാ​തെ നി​ര​വ​ധി ഹാ​ജി​മാ​ർ​ക്ക് ജോ​ലി ന​ഷ്ട​പ്പെ​ടു​ന്ന സാ​ഹ​ച​ര്യ​മു​ണ്ടാ​കും.

ഇ​വ​രു​ടെ ജീ​വ​നോ​പാ​ധി​യെ ബാ​ധി​ക്കു​ന്ന ഈ ​പ്ര​ശ്ന​ത്തി​ൽ അ​ടി​യ​ന്തി​ര ഇ​പെ​ട​ൽ ഉ​ണ്ടാ​ക​ണ​മെ​ന്ന് ഇ​രു​വ​രും കേ​ന്ദ്ര മ​ന്ത്രി​യോ​ട് ആ​വ​ശ്യ​പ്പെ​ട്ടു. പ്ര​മു​ഖ സു​പ്രീം കോ​ട​തി അ​ഭി​ഭാ​ഷ​ക​ൻ ഹാ​രി​സ് ബീ​രാ​ൻ ത​യാ​റാ​ക്കി​യ വി​ശ​ദ​മാ​യ പ​രാ​തി സം​ഘം കേ​ന്ദ്ര​മ​ന്ത്രി​ക്ക് സ​മ​ർ​പ്പി​ച്ചു. ഇ​വ​രു​ടെ പാ​സ്പോ​ർ​ട്ടി​ൽ വി​സ ക്യാ​ൻ​സ​ൽ ചെ​യ്ത് എ​ൻ​ട്രി ചെ​യ്ത ശേ​ഷം തി​രി​കെ ന​ൽ​കു​ന്ന വി​ധം ക്ര​മീ​ക​രി​ക്ക​ണ​മെ​ന്നും സി.​കെ സു​ബൈ​റും, പി.​കെ അ​ൻ​വ​ർ ന​ഹ​യും മു​ക്താ​ർ അ​ബ്ബാ​സ് നഖ്‌വി​യോ​ട് ആ​വ​ശ്യ​പ്പെ​ട്ടു.

നി​ര​വ​ധി പേ​ർ​ക്ക് തൊ​ഴി​ൽ ന​ഷ്ട​മാ​കു​ന്ന ഈ ​പ്ര​ശ്നം ശ്ര​ദ്ധ​യി​ൽ പെ​ടു​ത്തി​യ​തി​ന് അ​ദ്ദേ​ഹം അ​നു​മോ​ദി​ച്ചു. ഉ​ന്ന​ത​ത​ല യോ​ഗം ഉ​ട​ൻ വി​ളി​ച്ചു കൂ​ട്ടി അ​ടി​യ​ന്തി​ര​മാ​യി പ​രി​ഹാ​രം കാ​ണു​മെ​ന്ന് അ​ദ്ദേ​ഹം ഇ​രു​വ​ർ​ക്കും ഉ​റ​പ്പു ന​ൽ​കി.

റി​പ്പോ​ർ​ട്ട്: നി​ഹ്മ​ത്തു​ള്ള ത​യ്യി​ൽ

Copyright @ 2022 , Rashtra Deepika Ltd.