കുവൈത്ത്: 2011 ൽ വിനോദ് ഭാസ്കരൻ എന്ന സാമൂഹ്യ പ്രവർത്തകന്‍റെ നേതൃത്വത്തിൽ കേരളത്തിലാരംഭിച്ച് ഇന്ത്യയിലെ വിവിധ സംസ്ഥാനങ്ങളിലും, കുവൈത്ത് ഉൾപ്പെടെയുള്ള ഗൾഫ് രാജ്യങ്ങളിലും സന്നദ്ധ രക്തദാന രംഗത്ത് സജീവ സാന്നിധ്യമായി പ്രവർത്തിച്ചുവരുന്ന നവമാധ്യമ കൂട്ടായ്മയാ ബ്ലഡ് ഡോണേഴ്സ് കേരള കുവൈത്ത് ചാപ്റ്റർ പുതിയ വർഷത്തെ ഭാരവാഹികളെ തെരഞ്ഞെടുത്തു. കഴിഞ്ഞ ദിവസം മംഗഫിൽ ചേർന്ന വാർഷിക പൊതുയോഗത്തിലാണ് തെരഞ്ഞെടുപ്പ് നടന്നത്. 2016 ൽ പ്രവർത്തനമാരംഭിച്ച കുവൈത്ത് ചാപ്റ്റർ, വിവിധ ക്യാന്പുകളിലൂടെയും, അടിയന്തിര ഘട്ടങ്ങളിലുമായി ആയിരത്തോളം യൂണിറ്റ് രക്തം ഇതിനോടകം സെൻട്രൽ ബ്ലഡ് ബാങ്കിൽ നൽകി കഴിഞ്ഞു. നിലവിൽ ആയിരത്തി അഞ്ഞൂറോളം വാളണ്ടിയർമാർ കൃത്യമായ ഇടവേളകളിൽ രക്തം നൽകാൻ സന്നദ്ധരായി കൂട്ടായ്മയോടൊപ്പമുണ്ട്.
ഭാരവാഹികളായി: മുരളി പണിക്കർ (പ്രസിഡന്‍റ്), മുരളി പീവീസ് (വൈസ് പ്രസിഡന്‍റ്), രഞ്ജിത്ത് രാജ് (ജനറൽ സെക്രട്ടറി), ജോമോൻ (ജോയിന്റ് സെക്രട്ടറി), യാസർ പതിയിൽ (ട്രഷറർ), ബിജി മുരളി (ജനറൽ കണ്‍വീനർ), രഘുബാൽ തെങ്ങുംതുണ്ടിൽ (ജോയിന്റ് സെക്രട്ടറി & മീഡിയ കോഓർഡിനേറ്റർ), പ്രശാന്ത് കൊയിലാണ്ടി, മീഡിയ ടീം കണ്‍വീനർ, ശരത് കാട്ടൂർ (മീഡിയ ടീം ജോയിന്റ് കണ്‍വീനർ), രാജേഷ് ആർ. ജെ. (ക്യാന്പ് കോഓർഡിനേറ്റർ), രമേശൻ മാധവൻ (ഡാറ്റാ കോഓർഡിനേറ്റർ), യമുന രഘുബാൽ (ഏഞ്ചൽസ് ടീം കണ്‍വീനർ), ആൻസി ജോമോൻ (ഏഞ്ചൽസ് ടീം ജോയിന്റ് കണ്‍വീനർ), എന്നിവരേയും; ഏരിയ കോഓർഡിനേറ്റർമാരായി, വിനോദ് വെള്ളാളത്ത് (സാൽമിയ), മുനീർ പി.സി. (ഫർവാനിയ), കുര്യാക്കോസ് കെ.വി. (അബ്ബാസിയ), ടെറൻസ് മതുപ്പുറം (മംഗഫ്), ബതീഷ് സി.എം. (മഹബൂല) എന്നിവരേയും തിരഞ്ഞെടുത്തു. കൂട്ടായ്മയുടെ രക്ഷാധികാരികളായി അനിൽ പി. അലക്സ്, മനോജ് മാവേലിക്കര എന്നിവരെയും യോഗം നാമനിർദ്ദേശം ചെയ്തു.
കുവൈത്തിലും, മറ്റ് ജിസിസി രാജ്യങ്ങളിലും, ഇന്ത്യയിലും അടിയന്തിര അവസരങ്ങളിൽ രക്തം ആവശ്യമായി വരികയാണെങ്കിലും, രക്തം നൽകാൻ സന്നദ്ധരായവരും 6999 7588 / 5151 0076 എന്നീ നന്പറുകളിലൂടെയോ, ബിഡികെ കുവൈത്ത് എന്ന ഒഫീഷ്യൽ ഫേസ്ബുക് പേജിലൂടെയോ കൂട്ടായ്മയെ ബന്ധപ്പെടാവുന്നതാണ്.
റിപ്പോർട്ട്: സലിം കോട്ടയിൽ