കുവൈത്ത് സിറ്റി: കുവൈത്ത് സ്റ്റീൽ കപ്പ് 2018 വിന്നേഴ്സ് ട്രോഫിക്ക് വേണ്ടി മാക് കുവൈത്ത് കേഫാക്കുമായി സഹകരണത്തിൽ മിഷരീഫിലെ പബ്ലിക് അതോറിറ്റി ഫ്‌ളഡ്‌ലൈറ്റ്‌ ഗ്രൗണ്ടിൽ നടത്തിയ എട്ടാമത് ഏകദിന സെവൻസ് ഫുട്ബാൾ ടൂർണമെന്‍റിൽ സിൽവർ സ്റ്റാർ എസ്‌സി ചാന്പ്യൻ പട്ടമണിഞ്ഞു. തുല്യ ശക്തികളുടെ ഫൈനൽ പോരാട്ടത്തിൽ ടൈ ബ്രേക്കറിൽ കരുത്തരായ ചാന്പ്യൻസ് എഫ്സിയെ മറി കടന്നാണ് സിൽവർ സ്റ്റാർ എസ്‌സി നീണ്ട പന്ത്രണ്ടുവർഷത്തെ കിരീട ദൗർലഭ്യത്തിന് വിരാമമിട്ടത്. കേഫാക്കിലെ പ്രമുഖരായ 16 ടീമുകൾ മാറ്റുരച്ച ടൂർണമെന്‍റിൽ യംഗ് ഷൂട്ടേഴ്സ് അബ്ബാസിയ മൂന്നാം സ്ഥാനക്കാരായി.
ബ്ലാസ്റ്റർസ് കുവൈത്ത് ഫെയർ പ്ലേ അവാർഡിന് അർഹരായി. നേരത്തെ യുവ മലയാള നടൻ അമീർ നിയാസ് ടൂർണമെന്‍റിന്‍റെ ഒൗദ്യോഗിക കിക്ക് ഓഫ് നടത്തി. മാക് കുവൈത്ത് മുൻ ജനറൽ സെക്രട്ടറി എസ്.മുഹമ്മദിന്‍റെ പേരിൽ ഏർപ്പെടുത്തിയ മൂന്നാമത് കരിയർ അചീവ്മെന്‍റ് അവാർഡിന് കുവൈത്തിലെ പ്രമുഖ ഫുട്ബോളറായ പ്രിൻസ് പുതുശേരി അർഹനായി. പ്രോമിസിംഗ് പ്ലേയർ ഓഫ് മാക് 2018 കൃഷ്ണ ചന്ദ്രൻ , മാക് പ്ലേയർ ഓഫ് ദി ഡിക്കേഡ് ഷഫീക് പി.കെ , ടോപ് സ്കോറർ ഇർഷാദ് (ചാന്പ്യൻസ് എഫ്സി) , മികച്ച ഗോൾ കീപ്പർ സിബിൻ (സിൽവർ സ്റ്റാർ) , മികച്ച ഡിഫൻഡർ മുഹ്സിൻ (ചാന്പ്യൻസ് എഫ്സി) , മികച്ച കളിക്കാരൻ അഫ്ത്താബ് (സിൽവർ സ്റ്റാർ) എന്നിവരാണ് മറ്റു വ്യക്തിഗത പുരസ്കാരങ്ങൾക്ക് അർഹരായത്.
കുവൈത്തിലെ പ്രവാസി സമൂഹത്തിനിടയിൽ പതിറ്റാണ്ടുകളോളം നീണ്ട ജീവകാരുണ്യ സാമൂഹിക പ്രവർത്തനങ്ങളെ മുൻ നിർത്തി സഗീർ തൃക്കരിപ്പൂർ, മലയിൽ മൂസക്കോയ, അബ്ദുൽ റസാഖ് ഒ.കെ എന്നിവരെ ടൂർണമെന്‍റിന്‍റെ സമാപന ചടങ്ങിൽ വച്ചു പൊന്നാടയും ഫലകവും നൽകി ആദരിച്ചു. കേഫാക് പ്രസിഡന്‍റ് ഗുലാം മുസ്തഫ, സെക്രട്ടറി മൻസൂർ, ആഷിഖ് ഖാദിരി, ഷബീർ കളത്തിങ്കൽ, ബേബി നൗഷാദ് , അബ്ദുൽ സലാം എ.പി, ഷാനവാസ് ഹൈത്തം, സഹീർ ആലാക്കൽ, യാക്കൂബ് എലത്തൂർ, അബ്ദുൽ റസാക്ക് കെ.സി അജ്മൽ, അബ്ദുറഹിമാൻ കെ.ടി എന്നിവർ റഫറിമാർക്കുള്ള ഉപഹാരങ്ങളും വിജയികൾക്കുള്ള ട്രോഫികൾ വിതരണം ചെയ്തു. ടൂർണമെന്‍റ് കണ്‍വീനർ സുബൈർ കുരിക്കൾ, ഷഫീക്, ഹാരിസ്, മുബാശിർ, സജാസ്, ജമ്നാസ്, ജംഷീദ്, അനസ് മുഹമ്മദ്, മഹ്മൂദ് പെരുന്പ, അബ്ദുറഹിമാൻ പടന്ന എന്നിവർ മത്സരങ്ങൾക്ക് നേതൃത്വം നൽകി.
റിപ്പോർട്ട്: സലിം കോട്ടയിൽ