ദമാം: ദമാമിലെ യുവാക്കളുടെ കൂട്ടായ്മയായ ’വിസ്റ്റ’ ക്രിയേഷൻസിന്റെ ബാനറിൽ ’കഫ്ഫാറത്ത്’ എന്ന ഹൃസ്വ ചിത്രത്തിന്റെ ആദ്യ പ്രദർശനം നടന്നു. പ്രവിശ്യയിലെ കലാ, സാംസ്കാരിക, മാധ്യമ, ജീവ കാരുണ്യ മേഖലയിലെ പ്രമുഖരുടെ സാന്നിധ്യത്തിൽ ദമാം അൽ റയ്യാൻ ഓഡിറ്റോറിയത്തിലാണ് റിലീസിംഗ് നടന്നത്.
സാജിദ് ആറാട്ടുപുഴ, പി.എ.എം ഹാരിസ്, അഷ്റഫ് ആളത്ത്, അമീൻ .വി.ചുനൂർ എന്നിവർ സംസാരിച്ചു. ചിത്രത്തിന്റെ സ്വിച്ച് ഓണ് കർമ്മം തനിമ ദമാം പ്രൊവിൻസ് പ്രസിഡന്റ് ഫാറൂഖ് നിർവഹിച്ചു. ഒരു ചലച്ചിത്ര വിദ്യാർഥിയെന്ന നിലയിലുള്ള ചെറിയ ശ്രമമാണിതെന്നും ഒരാളുടെ ജീവിതത്തിൽ അബദ്ധത്തിൽ ചെയ്ത തെറ്റിന്റെ പ്രായശ്ചിത്തത്തിനായുള്ള അന്വേഷണവും അതിനുള്ള പരിഹാരവുമാണ് ഹൃസ്വമായി സംവിധാനിച്ച ആറ് മിനിറ്റ് മാത്രം ദൈർഘ്യമുള്ള ഈ ചിത്രത്തിന്റെ പ്രമേയമെന്നും അമീൻ വി.ചൂനുർ അഭിപ്രായപ്പെട്ടു. അമീൻ. വി.ചൂനൂർ രചനയും സഹസംവിധാനവും നിർവഹിച്ച ചിത്രത്തിനായി കാമറ ചലിപ്പിച്ചതും സംവിധാനം നിർവഹിച്ചതും ബിജു പൂതക്കുളമാണ്.
സഈദ് ഹമദാനി അവതാരകനായിരുന്നു. അണിയറപ്രവർത്തകരായ അമീൻ വി.ചൂനൂർ, ബിജു പൂതക്കുളം, ഫായിസ് ഹമീദ്, ജോഷി പാഷ, മുഹ്സിൻ മുഹമ്മദ്, സിദ്ദിഖ് ആലുവ, അർഷദ് അലി, സുബൈർ പുല്ലാളൂർ, റഉൗഫ് ചാവക്കാട്, ശാമിൽ, സജാദ്, സിനാൻ, ആദിൽ, നബ്ഹാൻ എന്നിവർക്കുള്ള മൊമെന്േറാ ഷബീർ ചാത്തമംഗലം, രാജു നായിഡു, മാലിക്ക് മഖ്ബൂൽ, റഫീഖ് കൂട്ടിലങ്ങാടി, റഷീദ് രണ്ടത്താണി, നൗഷാദ് തഴവ, സുബൈർ ഉദിനൂർ, എം.കെ ഷാജഹാൻ എന്നിവർ സമ്മാനിച്ചു. നബ്ഹാൻ സൈദ് ഖിറാഅത്ത് നടത്തി.
റിപ്പോർട്ട്: അനിൽ കുറിച്ചിമുട്ടം