Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health
January 21, 2018
 
 
    
 
Print this page
 

പോംപെയിലെ കാവൽക്കാരനെപ്പോലെ

ബി.സി. ആറാംനൂറ്റാണ്ടിൽ പണിയപ്പെട്ട ഒരു പട്ടണമായിരുന്നു പോംപെയ്. ഇറ്റലിയുടെ തെക്കുകിഴക്കായി വെസുവിയസ് അഗ്നിപർവതത്തിന്‍റെ അടിവാരത്തിലായിരുന്നു പോംപെയ് സ്ഥിതിചെയ്തിരുന്നത്. എ.ഡി. 79-ൽ വെസുവിയസ് അഗ്നിപർവതം പൊട്ടി പോംപെയ് പട്ടണം പൂർണമായും തകർന്നു.

പതിനേഴു നൂറ്റാണ്ടുകൾക്കുശേഷം ആർക്കിയോളജിസ്റ്റുകൾ പോംപെയ് പട്ടണത്തിന്‍റെ നാശനഷ്ടങ്ങൾക്കിടയിൽ ഗവേഷണം നടത്തുവാനിടയായി. അപ്പോൾ അവർ കണ്ടെടുത്ത വസ്തുക്കളിൽ ഒരു റോമൻ പടയാളിയുടെ അസ്ഥികൂടവുമുണ്ടായിരുന്നു.

പടച്ചട്ടയും തൊപ്പിയുമണിഞ്ഞ് കൈയിൽ കുന്തവും പിടിച്ചുകൊണ്ട് നിൽക്കുന്ന ഒരു അസ്ഥികൂടമായിരുന്നു അത്. ഗവേഷകരുടെ അനുമാനമനുസരിച്ച്, അഗ്നിപർവതം പൊട്ടി ലാവയും മറ്റും പോംപെയ് നഗരത്തിലേക്ക് ഒഴുകിയപ്പോൾ ആ പട്ടണകവാടത്തിൽ കാവൽ നിൽക്കുകയായിരുന്നു ആ റോമൻ പടയാളി.

റോമൻ കാവൽക്കാരുടെ നിയമമനുസരിച്ച്, മറ്റൊരു പടയാളി വന്നു ഡ്യൂട്ടി മാറുകയോ അല്ലെങ്കിൽ മേലധികാരികളിലാരെങ്കിലും കല്പന കൊടുക്കുകയോ ചെയ്താലല്ലാതെ കാവൽ നിൽക്കുന്നയാൾ അവിടെനിന്ന് മാറുവാൻ പാടില്ലായിരുന്നു. അഗ്നിപർവതം പൊട്ടിയ അവസരത്തിൽ ലാവ പോംപെയ് പട്ടണത്തിലേക്കൊഴുകി. അപ്പോൾ പട്ടണവാസികളിൽ നല്ലൊരു പങ്ക് ജീവനും കൊണ്ടോടി. പക്ഷേ പട്ടണകവാടത്തിൽ കാവൽ നിന്നിരുന്ന പടയാളി അനങ്ങിയില്ല. കാരണം മറ്റൊരാൾ വരുന്നതുവരെയോ അല്ലെങ്കിൽ മേലധികാരികളുടെ ആജ്ഞ ലഭിക്കുന്നതുവരെയോ അയാൾ അവിടെ കാവൽ നിൽക്കുവാൻ കടപ്പെട്ടവനായിരുന്നു.

തന്‍റെ കാവൽജോലിയിൽനിന്ന് മാറുവാൻ വിസമ്മതിച്ചതുകൊണ്ട് തിളയ്കുന്ന ലാവാ ഒഴുകിയെത്തിയപ്പോൾ അയാൾ അതിൽ മൂടപ്പെട്ടു! അങ്ങനെയാണത്രേ ആ റോമൻ പടയാളിയുടെ അസ്ഥികൂടം ഡ്യൂട്ടിയിൽ നിൽക്കുന്ന രീതിയിൽ കാണപ്പെട്ടത്!

ഗവേഷകരുടെ ഈ അനുമാനം അതിശയോക്തി നിറഞ്ഞതായി തോന്നാം. എന്നാൽ അവർ കണ്ടെത്തിയ ഈ അസ്ഥികൂടത്തെക്കുറിച്ച് മറ്റെന്തെങ്കിലും ന്യായമായ അനുമാനംആർക്കും എടുക്കാനാവില്ലെന്നതാണ് വസ്തുത. കൃത്യനിർവഹണത്തിൽ റോമൻ പടയാളികളുടെ പാരന്പര്യം കൂടി വച്ചുനോക്കുന്പോൾ ആർക്കിയോളജിസ്റ്റുകളുടെ നിഗമനം പൂർണമായും ശരിയായിരിക്കാനാണ് സാധ്യത.

കൃത്യനിർവഹണത്തിന്‍റെപേരിൽ സ്വജീവൻപോലും ഉപേക്ഷിക്കാൻ തയാറായ ഈ റോമൻ പടയാളിയെ നമുക്കാർക്കെങ്കിലും മനസിലാക്കാൻ സാധിക്കുമോ? അയാൾ ഒരു ഭോഷൻ തന്നെ എന്നായിരിക്കുകയില്ലേ നമ്മുടെ വിലയിരുത്തൽ?

ഒരുപക്ഷേ ആദ്യ വിലയിരുത്തലിൽ അയാൾ ഒരു ഭോഷനാണെന്ന് നമുക്കു തോന്നിയേക്കാം. എന്നാൽ സ്വന്തം കൃത്യനിർവഹണത്തിൽ അയാൾ പ്രദർശിപ്പിച്ച അർപ്പണബോധത്തെ നമുക്കു പ്രശംസിക്കാതിരിക്കാനാവുമോ? സ്വന്തം ജീവൻ ബലികഴിക്കാൻ തയാറായിക്കൊണ്ടുപോലും കടമ നിർവഹിച്ച അയാളെ നമുക്കു പുകഴ്ത്താതിരിക്കാനാവുമോ?

ജീവിതത്തിൽ ഒട്ടേറെ കടമകളുള്ളവരാണ് നമ്മൾ. കടമകൾ പാലിക്കുന്ന കാര്യത്തിൽ നാം വിശ്വസ്തത കാണിക്കണമെന്ന് നമുക്കറിയുകയും ചെയ്യാം. എന്നാൽ, കടമകളിൽനിന്ന് വഴുതിമാറുവാനല്ലേ പലപ്പോഴും നമുക്കും താൽപര്യം? സാധിക്കുമെങ്കിൽ സ്വന്തം കടമകൾ മറ്റുള്ളവരുടെ തലയിൽ വച്ചുകൊടുക്കുവാനല്ലേ പലപ്പോഴും നമ്മുടെ ശ്രമം?

കൃത്യനിർവഹണത്തിന്‍റെപേരിൽ പോംപെയിലെ റോമൻ പടയാളി ചെയ്തതുപോലെ നമ്മുടെ ജീവൻ ബലികഴിക്കേണ്ട സ്ഥിതിവിശേഷം നമുക്കാർക്കും ഉണ്ടാകാനിടയില്ല. എന്നാൽ നമ്മുടെ കടമകൾ പാലിക്കുന്ന കാര്യത്തിൽ നാം വിശ്വസ്തതയുള്ളവരായാൽ അതുവഴി നമുക്കു ബുദ്ധിമുട്ടുകൾ ഉണ്ടാകുകയില്ല എന്നു നാം ധരിക്കേണ്ട. നേരെമറിച്ച് കടമകൾ പാലിക്കുന്ന കാര്യത്തിൽ നാം എത്രമാത്രം വിശ്വസ്തത പ്രകടിപ്പിക്കുന്നുവോ അത്രമാത്രം ബുദ്ധിമുട്ടുകളും നമുക്ക് ഉണ്ടാകുവാനാണ് സാധ്യത. പക്ഷേ അപ്പോഴും പിടിച്ചുനിൽക്കാൻ നമുക്കു സാധിച്ചാൽ ജീവിതത്തിൽ നാം വിജയിച്ചുവെന്നതിൽ സംശയം വേണ്ട.

റോമൻ ചക്രവർത്തിയായിരുന്ന മാർക്കസ് ഒൗറേലിയൂസിനെക്കുറിച്ച് (121- 180) ഒരു കഥയുണ്ട്. റോമിലെ പ്രിറ്റോറിയത്തിന്‍റെ പ്രീഫെക്ടായി അദ്ദേഹം ആദ്യം നിയമിക്കപ്പെട്ടപ്പോൾ അദ്ദേഹം തന്‍റെ അംഗരക്ഷകന് ഒരു വാൾ കൊടുത്തുകൊണ്ടു പറഞ്ഞു: ന്ധന്ധനീ ഈ വാൾ ഉപയോഗിച്ച് എന്നെ പരിരക്ഷിക്കണം. എന്നാൽ ഞാൻ എന്‍റെ ജോലിയിൽ വിശ്വസ്തത കാണിക്കുന്നിടത്തോളംകാലം അങ്ങനെ ചെയ്താൽ മതിയാകും. ഞാൻ എന്‍റെ ജോലിയിൽ വിശ്വസ്തത കാണിക്കുന്നില്ലെന്ന് നിനക്കു ബോധ്യംവന്നാൽ ഈ വാൾ ഉപയോഗിച്ച് എന്നെ ശിക്ഷിക്കുകയും ചെയ്യാം.’’

തന്‍റെ ജോലിയിലും മറ്റു കടമകളിലും പൂർണമായ വിശ്വസ്തത പാലിക്കേണ്ടതിനെക്കുറിച്ച് മാർക്കസ് ഒൗറേലിയൂസിന് നല്ല ബോധ്യമുണ്ടായിരുന്നു. ത·ൂലമാണ് താൻ തന്‍റെ കടമകളിൽ വിശ്വസ്തത പാലിക്കുന്നിടത്തോളംകാലം മാത്രം തന്നെ സംരക്ഷിച്ചാൽ മതിയെന്ന് അദ്ദേഹം അംഗരക്ഷകനോടു പറഞ്ഞത്.

കൃത്യനിർവഹണത്തിൽ മാർക്കസ് ഒൗറേലിയൂസ് പ്രദർശിപ്പിച്ച താൽപര്യം നമുക്കു മാതൃകയാവണം. രാജ്യത്തെ പൗര·ാരെന്ന നിലയിലും സമൂഹത്തിലെയും കുടുംബങ്ങളിലെയും അംഗങ്ങളെന്നനിലയിലുമുള്ള നമ്മുടെ കടമകൾ പാലിക്കുന്നകാര്യത്തിൽ നാം പൂർണമായ വിശ്വസ്തത പാലിക്കണം. എങ്കിൽമാത്രമേ നാംകൂടി ഉൾക്കൊള്ളുന്ന സമൂഹത്തിൽ വളർച്ചയുണ്ടാകൂ; നമുക്കു സംതൃപ്തിയും സന്തോഷവുമുണ്ടാകൂ.

 


 
    
 
To send your comments, please click here
 
 
Rashtra Deepika LTD
Copyright @ 2018 , Rashtra Deepika Ltd.