ടോക്സോപ്ലാസ്മോസിസ്
Friday, January 1, 2016 5:48 AM IST
? ഡോക്ടർ, ഞാൻ 30 വയസുള്ള യുവതിയാണ്. കല്യാണം കഴിഞ്ഞിട്ട് മൂന്നുവർഷമായി. ഇതുവരെയായിട്ടും കുട്ടികൾ ഉണ്ടായില്ല. ഒരു ഇൻഫെർട്ടിലിറ്റി ക്ലിനിക്കിൽ ചികിത്സ തേടി. എന്റെ രക്‌തം പരിശോധിച്ചപ്പോൾ Toxoplasmosis ഉണ്ടെന്നും ട്രീറ്റ്മെന്റ് വേണമെന്നും പറഞ്ഞു. എന്താണ് Toxoplasmosis

– Toxoplasma ഗ്രന്ഥി എന്ന പരാദം പരത്തുന്ന രോഗമാണ് ഠീഃീുഹമൊീശെെ. അണുബാധയേറ്റ വളർത്തുമൃഗങ്ങളുടെ വിസർജനവസ്തുക്കളിൽ നിന്നോ, നല്ലവണ്ണം വേവിക്കാത്ത മാംസഭക്ഷണത്തിലൂടെയോ ഈ അണുബാധ മനുഷ്യരിലേക്ക് പകരുന്നു.

ഈ അണുബാധ മുതിർന്നവരിൽ പ്രത്യേകിച്ച് ഒരു രോഗലക്ഷണവും കാണിക്കാറില്ല. ചില ആളുകളിൽ ആഴ്ചകളോ, മാസങ്ങളോ നീണ്ടുനിൽക്കുന്ന ചെറിയപനി, പേശിവേദന എന്നിവ ഈ അണുബാധയുടെ ലക്ഷണമായി കാണാറുണ്ട്.

ഗർഭിണികളിൽ ഈ അണുബാധയുടെ തീവ്രത വളരെ കൂടുതലായിരിക്കും. ചിലപ്പോൾ അമ്മയെ ഗുരുതരമായി ബാധിച്ചില്ലെങ്കിൽപ്പോലും ഗർഭസ്‌ഥശിശുവിനെ ഇത് മാരകമായി ബാധിക്കും. ഈ അവസ്‌ഥയ്ക്ക് Congenital Toxoplasmosis എന്നു പറയുന്നു. ഗർഭസ്‌ഥശിശു മരിക്കുന്നതിനോ, അബോർഷൻ സംഭവിക്കുന്നതിനോ ഇത് കാരണമാകുന്നു. ജനിക്കുന്ന കുട്ടിയുടെ തലയിൽ വെള്ളം കെട്ടിക്കിടക്കുക, അന്ധത, തൂക്കക്കുറവ് എന്നിവ ഉണ്ടാകുന്നതിനോ ഈ അണുബാധ കാരണമാകുന്നു. അതിനാൽ ഗർഭിണിയാകുന്നതിന് മുൻപ് ട്രീറ്റ്മെന്റ് എടുക്കേണ്ടത് ആവശ്യമാണ്.


നിങ്ങളുടെ കാര്യത്തിൽ വിദഗ്ധമായ പരിശോധനകൾ നടത്തുകയും അതോടൊപ്പം തന്നെ നിങ്ങളുടെ ഭർത്താവിന്റെ ശുക്ലപരിശോധനയും നടത്തി ഒരു വിദഗ്ധനായ വന്ധ്യതാ ചികിത്സകന്റെ സേവനം തേടുകയാണ് അഭികാമ്യം.

Copyright @ 2022 , Rashtra Deepika Ltd.