Auot Spot
ടൊയോട്ട പ്ലാന്‍റിൽ മാരുതിയുടെ നിക്ഷേപം
ടൊയോട്ട പ്ലാന്‍റിൽ മാരുതിയുടെ നിക്ഷേപം
Wednesday, August 8, 2018 4:38 PM IST
മും​ബൈ: ടൊ​യോ​ട്ട​യു​ടെ ക​ർ​ണാ​ട​ക​യി​ലെ ബി​ദാ​ദി പ്ലാ​ന്‍റി​ൽ 100 കോ​ടി ഡോ​ള​റി​ന്‍റെ (ഏ​ക​ദേ​ശം 7000 കോ​ടി രൂ​പ) നി​ക്ഷേ​പം ന​ട​ത്താ​നൊ​രു​ങ്ങി മാ​രു​തി സു​സു​കി. മാ​രു​തി​യു​ടെ വാ​ഹ​ന​ങ്ങ​ൾ ഉ​ത്പാ​ദി​പ്പി​ക്കാ​നു​ള്ള സൗ​ക​ര്യ​ങ്ങ​ൾ ഒ​രു​ക്കു​ന്ന​തി​നു​വേ​ണ്ടി​യാ​ണ് രാ​ജ്യ​ത്തെ ഏ​റ്റ​വും വ​ലി​യ വാ​ഹ​ന​നി​ർ​മാ​താ​ക്ക​ളു​ടെ ഈ ​നി​ക്ഷേ​പം.

ടൊ​യോ​ട്ട​യു​ടെ ക​ർ​ണാ​ട​ക​യി​ലെ പ്ലാ​ന്‍റ​ിന് വ​ർ​ഷം മൂ​ന്നു ല​ക്ഷം വാ​ഹ​ന​ങ്ങ​ൾ ഉ​ത്പാ​ദി​പ്പി​ക്കാ​നു​ള്ള ശേ​ഷി​യു​ണ്ട്. ഇ​തി​ന്‍റെ 50 ശ​ത​മാ​നം മാ​ത്ര​മേ ഉ​ത്പാ​ദി​പ്പി​ക്കാ​റു​ള്ളൂ. അ​വ​ശേ​ഷി​ക്കു​ന്ന ശേ​ഷി മാ​രു​തി ഏ​റ്റെ​ടു​ക്കു​ന്ന​തോ​ടെ ജ​ന​പ്രി​യ മോ​ഡ​ലു​ക​ളാ​യ ബ​ലേ​നോ​യും വി​റ്റാ​ര ബ്രെ​സ​യും ഇ​വി​ടെ നി​ർ​മി​ക്കും. നി​ല​വി​ൽ ഗു​ജ​റാ​ത്തി​ലും ഹ​രി​യാ​ന​യി​ലു​മാ​യി മൂ​ന്നു നി​ർ​മാ​ണ യൂ​ണി​റ്റു​ക​ളു​ള്ള മാ​രു​തി സു​സു​കി​ക്ക് പു​തി​യ സം​വി​ധാ​ന​ത്തി​ലൂ​ടെ ദ​ക്ഷി​ണേ​ന്ത്യ​ൻ ഉ​പ​യോ​ക്താ​ക്ക​ളി​ലേ​ക്ക് കൂ​ടു​ത​ൽ അ​ടു​ക്കാ​ൻ ക​ഴി​യും. എ​ന്നാ​ൽ, ടൊ​യോ​ട്ട​യു​ടെ പ്ലാ​ന്‍റി​ൽ നി​ർ​മി​ക്കു​ന്ന വാ​ഹ​ന​ങ്ങ​ൾ ടൊ​യോ​ട്ട​യു​ടെ ക്രോ​സ് ബാ​ഡ്ജിം​ഗ് നെ​യി​മി​ലാ​യി​രി​ക്കും നി​ര​ത്തി​ലെ​ത്തു​ക. 2022 ആ​കു​ന്പോ​ഴേ​ക്കും മാ​രു​തി​യു​ടെ മ​റ്റു മോ​ഡ​ലു​ക​ളും ക​ർ​ണാ​ട​ക​യി​ൽ ഉ​ത്പാ​ദി​പ്പി​ച്ചു തു​ട​ങ്ങും.


സ​മീ​പ​കാ​ല​ത്ത് ഇ​രുക​മ്പ​നി​ക​ളും ത​മ്മി​ലു​ള്ള സ​ഹ​ക​ര​ണ ക​രാ​റി​ൽ ഹൈ​ബ്രി​ഡ് ആ​ൻ​ഡ് ഇ​ല​ക്‌​ട്രി​ക് വെ​ഹി​ക്കി​ൾ ടെ​ക്നോ​ള​ജി കൈ​മാ​റ്റ​വു​മു​ണ്ട്. ഒ​പ്പം ടൊ​യോ​ട്ട​യു​ടെ ജ​ന​പ്രി​യ മോ​ഡ​ലാ​യ കൊ​റോ​ള മാ​രു​തി സു​സു​കി ബാ​ഡ്ജിം​ഗി​ൽ ഇ​റ​ക്കാ​നും തീ​രു​മാ​ന​മു​ണ്ട്.
Copyright @ 2022 , Rashtra Deepika Ltd.