സീ എന്റർടെയ്ൻമെന്റ് എന്റർപ്രൈസസ് ഡിജിറ്റൽ എന്റർടെയ്ൻമെന്റ് പ്ലാറ്റ്ഫോം സീ 5 അവതരിപ്പിച്ചു. സീ ഇന്റർനാഷണലിന്റെയും സി 5 ഗ്ലോബലിന്റെയും സി ഇ ഒ അമിത് ഗോയങ്കയാണ് പുതിയ പ്ലാറ്റ്ഫോമിന്റെ പ്രഖ്യാപനം നടത്തിയത്.
ഡിജിറ്റൽ യുഗത്തിലേക്ക് പ്രവേശിക്കുകയും വിനോദ വിജ്ഞാന ലോകവുമായി ബന്ധപ്പെട്ടു നിൽക്കുകയും ചെയ്യുന്ന നവീന ഇന്ത്യയുടെ വിനോദ ആവശ്യങ്ങളെയാണ് സീ 5 സംബോധന ചെയ്യുന്നത്. ലൈവ് ടി വി പരിപാടികളും ഓണ് ഡിമാൻഡ് പരിപാടികളും സമന്വയിപ്പിച്ചുകൊണ്ടുള്ള ഒരു സന്പൂർണ ദൃശ്യാനുഭവമാണ് സീ 5 ഉറപ്പു നൽകുന്നത്. ഒരു ലക്ഷം മണിക്കൂറിന്റെ ഓണ് ഡിമാൻഡ് പരിപാടികൾ സി 5ൽ ലഭ്യമായിരിക്കും.
ഇന്ത്യൻ സിനിമകൾ, വിദേശ സിനിമകൾ, ടി വി ഷോകൾ, സംഗീതം, ആരോഗ്യം, ലൈഫ്സ്റ്റൈൽ തുടങ്ങിയ പരിപാടികളുടെ വിവിധ ഭാഷകളിലുള്ള ഒറിജിനൽ സീ 5ൽ ലഭ്യമായിരിക്കും. തൊണ്ണൂറിലധികം ജനപ്രിയ ലൈവ് ടി വി ചാനലുകളുടെ ലൈവ് പരിപാടികളും ലഭ്യമാണ്. ഇതെല്ലാം ഒറ്റ പ്ലാറ്റ്ഫോമിൽ ലഭ്യമാകുന്നുവെന്നതാണ് സി 5നെ ഇന്ത്യയിലെ ഏറ്റവും സമഗ്രതയുള്ള എന്റർടെയ്ൻമെന്റ് പ്ലാറ്റ്ഫോമാക്കി മാറ്റുന്നത്.
ഇംഗ്ലീഷ്, ഹിന്ദി, മലയാളം, ബംഗാളി, തമിഴ്, തെലുങ്ക്, കന്നഡ, മറാത്തി, ഒറിയ, ഭോജ്പുരി, ഗുജറാത്തി, പഞ്ചാബി എന്നിങ്ങനെ 12 ഭാഷകളിലുള്ള പരിപാടികൾ സി 5ൽ കാണാനാകും. ഇതിൽ ഒറിയ ഒഴിച്ചുള്ള 11 ഭാഷകളിൽ ഡിസ്പ്ലെ ലാംഗ്വേജ് തിരഞ്ഞെടുക്കാനുള്ള അവസരം ഇന്ത്യയിൽ ആദ്യമായി സീ 5-ൽ ഉള്ളത്.