എലൂഗ, പി സീരീസ് ഫോണുകളിലേക്ക് പാനസോണിക് പുതിയ രണ്ടു മോഡലുകൾകൂടി അവതരിപ്പിച്ചു. എലൂഗ റേ, പി85 എന്നീ മോഡലുകൾക്ക് യഥാക്രമം 7,999, 6,499 രൂപയാണ് വില. ഫ്ളിപ്കാർട്ടിലൂടെയാണ് വില്പന. ഓണ്ലൈനിൽ ഇപ്പോൾ ഓഫറുകളോടെ സ്വന്തമാക്കാം.
അർബോ എന്ന ബിൽറ്റ് ഇൻ സ്മാർട്ട് അസിസ്റ്റന്റ് അടക്കമാണ് എലൂഗ റേ വരുന്നത്. ഉപയോക്താക്കളുടെ യൂസേജ് രീതികൾ അപഗ്രഥിച്ച് നിർദേശങ്ങൾ നൽകുന്നതാണ് അർബോയുടെ ജോലി. അതേസമയം ഫിഗംർപ്രിന്റ് സ്കാനർ രണ്ടു മോഡലുകളിലും ഇല്ല.
എലൂഗ റേയുടെ ഫീച്ചറുകൾ ഇപ്രകാരം: 5 ഇഞ്ച് എച്ച്ഡി ഐപിഎസ് ഡിസ്പ്ലേ, 1.3 ജിഗാഹെർട്സ് മീഡിയാടെക് ക്വാഡ്-കോർ ചിപ്സെറ്റ്, 3 ജിബി റാം, 16 ജിബി ഇന്റേണൽ സ്റ്റോറേജ് (കാർഡ് വഴി 64 ജിബി വരെ), 13 എംപി, 5 എംപി കാമറകൾ, എൽഇഡി ഫ്ളാഷ്, 4000 എംഎഎച്ച് ബാറ്ററി, 4ജി വോൾട്ടി, ആൻഡ്രോയ്ഡ് മാർഷ്മലോ.
പി85-ന്റെ സവിശേഷതകൾ ഇങ്ങനെ: 5 ഇഞ്ച് എച്ച്ഡി ഡിസ്പ്ലേ, 1 ജിഗാ ഹെർട്സ് ക്വാഡ്-കോർ പ്രോസസർ, 2 ജിബി റാം, 16 ജിബി സ്റ്റോറേജ് (64 ജിബി വരെ), 8 എംപി, 2 എംപി കാമറകൾ, 4,000 എംഎഎച്ച് ബാറ്ററി, 4ജി വോൾട്ടി, ആൻഡ്രോയ്ഡ് മാർഷ്മലോ.