Deepika.com Career News :കെൽട്രോണിൽ 22 ഒഴിവ്.......

പൊതുമേഖലാ സ്ഥാപനമായ കെൽട്രോണിൽ ഓപ്പറേറ്റർ, ടെക്നിക്കൽ അസിസ്റ്റന്‍റ് തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. ഐഎസ്ആർഒയുടെ ബംഗളൂരുവിലെ പ്രോജക്ടിലേക്കാണ് നിയമനം. 22 ഒഴിവുണ്ട്. ഒരു വർഷത്തെ കരാർ നിയമനമാണ്. ഓണ്‍ലൈനായും വോക്ക് ഇൻ ഇന്‍റർവ്യൂ വഴിയും അപേക്ഷിക്കാം.

ഓണ്‍ലൈൻ അപേക്ഷ സ്വീകരിക്കുന്ന അവസാന തീയതി: ഏപ്രിൽ 19.
ഓപ്പറേറ്റർ: 18 ഒഴിവ്.

യോഗ്യത: മൊത്തം കുറഞ്ഞത് അറുപതു ശതമാനം മാർക്കോടെ ഐടിഐ (ഇലക്‌ട്രോണിക്സ്/ ഇലക്‌ട്രോണിക് മെക്കാനിക്ക്). യോഗ്യതാനന്തര പ്രവൃത്തിപരിചയം ഉണ്ടായിരിക്കണം.

ഓപ്പറേറ്റർ: ഒരു ഒഴിവ്.

യോഗ്യത: മൊത്തം അറുപതു ശതമാനം മാർക്കടെ ഐടിഐ (ഫിറ്റർ), യോഗ്യതാനന്തര പ്രവൃത്തിപരിചയം.

ടെക്നിക്കൽ അസിസ്റ്റന്‍റ്: മൂന്ന് ഒഴിവ്.
യോഗ്യത: മൊത്തം കുറഞ്ഞത് അറുപതു ശതമാനം മാർക്കോടെ ഇലക്‌ട്രോണിക്സ്/ ഇലക്‌ട്രോണിക്സ് ആൻഡ് കമ്യൂണിക്കേഷനിൽ ഫുൾടൈം ത്രിവത്സര ഡിപ്ലോമ, യോഗ്യതതാനന്തര പ്രവൃത്തിപരിചയം.

ശന്പളം: ഓപ്പറേറ്റർ: 14, 800- 15100 രൂപ.
അപേക്ഷാ ഫീസ്: 250രൂപ. സ്റ്റേറ്റ് ബാങ്കിന്‍റെ(www.onlinesbi.com) ഇ-കളക്റ്റ് ഫെസിലിറ്റി വഴി ഫീസടയ്ക്കണം. എസ്്സി/ എസ്ടി വിഭാഗക്കാർക്ക് അപേക്ഷാ ഫീസില്ല.

യോഗ്യത, പ്രവൃത്തിപരിചയം എന്നിവയ്ക്കു പുറമേ ബംഗളൂരിൽ നടത്തുന്ന എഴുത്തു പരീക്ഷ, സ്കിൽ ടെസ്റ്റ്, ഗ്രൂപ്പ് ഡിസ്കഷൻ, ഇന്‍റർവ്യൂ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്.

മേൽപ്പറഞ്ഞ യോഗ്യതയുള്ള വർക്ക് സർട്ടിഫിക്കറ്റ് വെരിഫിക്കേഷനായയി ഏപ്രിൽ 23 ന് രാവിലെ എട്ടിന് താഴെപ്പറയുന്ന വിലാസത്തിൽ ഹാജരാകാവുന്നതാണ്. ബന്ധപ്പെട്ട രേഖകളുടെ അസലും ഒരു സെറ്റ് സ്വയം സാക്ഷ്യപ്പെടുത്തിയ പകർപ്പുകളും ഒരു പാസ്പോർട്ട് സൈസ് കളർ ഫോട്ടോയും അപേക്ഷാ ഫീസായി KSEDC Ltd ന്‍റെ പേരിലെടുത്ത് തിരുവനന്തപുരത്ത് മാറാവുന്ന 250 രൂപയുടെ ഡിമാൻഡ് ഡ്രാഫ്റ്റും പരിശോധനാ സമയത്ത് ഹാജരാക്കണം.
വിലാസം:Keltron Marketing office, No. 52, St Johns Road Banglore- 560042.
വിശദവിവരങ്ങൾക്ക്: www.keltron.org.