Deepika.com Career News :എൻഎംഡിസിയിൽ 101 ട്രെയിനി ഒഴിവുകൾ.......

നവരത്ന കന്പനിയായ എൻഎംഡിസി ദന്തേവാഡയിലെ ഇരുന്പയിര് ഖനിയിൽ വിവിധ തസ്തികകളിലെ ട്രെയിനി ഒഴിവുകളിലേക്ക് അപേക്ഷ ക്ഷണിച്ചു. 101 ഒഴിവുകളാണുള്ളത്. അപേക്ഷ സ്വീകരിക്കുന്ന അവസാന തീയതി ജനുവരി 27. പരസ്യനന്പർ: 04/2017

തസ്തിക, ഒഴിവുകളുടെ എണ്ണം, യോഗ്യത എന്നിവ ചുവടെ.

മെയിന്‍റനൻസ് അസിസ്റ്റന്‍റ് (മെക്ക്) (ട്രെയിനി) (45 ഒഴിവ്): വെൽഡിംഗ്/ ഫിറ്റിംഗ്/ മോട്ടോർ മെക്കാനിക്/ ഡീസൽ മെക്കാനിക്/ ഓട്ടോ ഇലക്‌ട്രീഷൻ ട്രേഡുകളിൽ ഐടിഐ.
മെയിന്‍റനൻസ് അസിസ്റ്റന്‍റ് (ഇലക്) (ട്രെയിനി) (47 ഒഴിവ്): ഇലക്‌ട്രിക് ട്രേഡിൽ ഐടിഐ.
അസിസ്റ്റന്‍റ് ഫിസിയോ തെറാപ്പിസ്റ്റ് ഗ്രേഡ്-3 ട്രെയിനി (ഒരൊഴിവ്): ഫിസിയോ തെറാപ്പിയിൽ ബിരുദം, മൂന്നു വർഷത്തെ യോഗ്യതാനന്തര പ്രവൃത്തിപരിചയം.

അസിസ്റ്റന്‍റ് ലാബ് ടെക്നീഷൻ ഗ്രേഡ് 111 ട്രെയിനി (ഒരൊഴിവ്): സയൻസ് ബിരുദം, മെഡിക്കൽ ലബോറട്ടറി ടെക്നീഷൻ സർട്ടിഫിക്കറ്റ്/ പത്താംക്ലാസ് ജയം. മെഡിക്കൽ ലാബ് ടെക്നീഷൻ സർട്ടിഫിക്കറ്റ്/ ഡിപ്ലോമ, രണ്ടു വർഷത്തെ യോഗ്യതാനന്തര പ്രവൃത്തിപരിചയം.
അസിസ്റ്റന്‍റ് ഫാർമസിസ്റ്റ് ഗ്രേഡ് -3 ട്രെയിനി( ഒരൊഴിവ്): പത്താം ക്ലാസ് ജയം, സയൻസിൽ ബിരുദം, ഫാർമസിയിൽ ഡിപ്ലോമ അല്ലെങ്കിൽ ഫാർമസിയിൽ ബിരുദം, മൂന്നു വർഷത്തെ യോഗ്യതാനന്തര പ്രവൃത്തിപരിചയം.

അസിസ്റ്റന്‍റ് ഡയറ്റീഷൻ ഗ്രേഡ് ട്രെയിനി (ഒരൊഴിവ്): ബിഎസ്‌സി/ ഹോം സയൻസിൽ ബിരുദം, ഡയറ്റിറ്റിക്സിൽ ഡിപ്ലോമ അല്ലെങ്കിൽ ന്യൂട്രീഷൻ/ ഡയറ്റിറ്റിക്സിൽ ബിരുദം അല്ലെങ്കിൽ ഫുഡ് ആൻഡ് ന്യൂട്രീഷനിൽ ബിഎസ്‌സി, മൂന്നു വർഷത്തെ യോഗ്യതാനന്തര പ്രവൃത്തിപരിചയം.
എച്ച്ഇഎം (മെക്)/എംസിഒ ഗ്രേഡ് -3 ട്രെയിനി (5 ഒഴിവ്): മെക്കാനിക്കൽ എൻജിനിയറിംഗിൽ ത്രിവത്സര ഡിപ്ലോമ, ഹെവി വെഹിക്കിൾ ഡ്രൈവിംഗ് ലൈസൻസ് അഭിലഷണീയം.

പ്രായം: 30 വയസ്, അർഹരായവർക്ക് പ്രായപരിധിയിൽ ചട്ടപ്രകാരം ഇളവു ലഭിക്കും.
അപേക്ഷാഫീസ്: 150 രൂപ. എസ്‌സി/ എസ്ടി/ ഭിന്നശേഷിക്കാർ/ വിമുക്തഭടൻമാർ എന്നിവർക്കു ഫീസില്ല. കൂടുതൽ വിവരങ്ങൾക്ക് www.nmdc.co.in എന്ന വെബ്സൈറ്റ് സന്ദർശിക്കുക.