എസ്ബിഐയിൽ സ്പെഷലിസ്റ്റ് കേഡർ തസ്തികകളിലേക്ക് 50 ഒഴിവുകൾ. ഡെപ്യൂട്ടി മാനേജർ (ഇന്‍റേണൽ )തസ്തികയിലാണ് നിയമനം. ഓൺലൈൻവഴി അപേക്ഷിക്കണം. അവസാന തീയതി ജനുവരി 28.
മിഡിൽ മനേജ്മെന്‍റ് ഗ്രേഡ് സ്കെയിൽ-2 തസ്തികയാണ്. ചാർട്ടേഡ് അക്കൗണ്ടന്‍റുമാർക്ക് അപേക്ഷിക്കാം.
സിഐഎസ്എ യോഗ്യതയുള്ളവർക്കു മുൻഗണന. കുറഞ്ഞതു രണ്ടുവർഷം യോഗ്യതാനന്തര പരിചയമുള്ളവർക്കാണ് അവസരം.
പ്രായം: 21-35. ഉയർന്ന പ്രായപരിധിയിൽ പട്ടികവിഭാഗക്കാർക്ക് അഞ്ചും ഒബിസിക്ക് മൂന്നും വികലാംഗർക്ക് പത്തും വർഷം ഇളവു ലഭിക്കും. വിമുക്തഭടൻമാർക്ക് നിയമാനുസൃത ഇളവ്.
ശന്പളം: 31,705-45,950 രൂപ
എഴുത്തുപരീക്ഷ, ഗ്രൂപ്പ് ഡിസ്കഷൻ, ഇന്‍റർവ്യൂ അടിസ്ഥാനമാക്കിയാണ് തെരഞ്ഞെടുപ്പ്. പരീക്ഷ ഫെബ്രുവരി 25ന് നടത്തും. പരീക്ഷാകേന്ദ്രങ്ങൾ തിരുവനന്തപുരവും കൊച്ചിയും ആണ്.
അപേക്ഷാ ഫീസ്: 600 രൂപ. പട്ടികവിഭാഗക്കാർക്കും വികലാംഗർക്കും 100 രൂപ. ഫീസ് ഓൺലൈൻവഴി അടയ്ക്കാം. അപേക്ഷിക്കേണ്ട വിധം: www.bank.sbi, www.sbi.co.in എന്നീ വെബ്സൈറ്റുകൾവഴി അയയ്ക്കാം. കൂടുതൽ നിർദേശങ്ങൾ വെബ്സൈറ്റിൽ.
റെയിൽവേയിൽ അപ്രന്‍റിസ്
നോർത്തേൺ റെയിൽവേ വിവിധ ഡിവിഷൻ/യൂണിറ്റ്/വർക്ക്ഷോപ്പുകളിൽ അപ്രന്‍റിസ് ഒഴിവുകളിലേക്ക് അപേക്ഷ ക്ഷണിച്ചു. 3162 ഒഴിവുകളുണ്ട്. ഒാൺലൈനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി ജനുവരി 27.
മെക്കാനിക്ക് ഡീസൽ, ഇലക്‌ട്രീഷ്യൻ, ഫിറ്റർ, കാർപെന്‍റർ, മെക്കാനിക് മോട്ടോർ വെഹിക്കിൾ, ഫോർജർ ആൻഡ് ഹീറ്റ് ട്രീറ്റർ, പെയിന്‍റർ ജനറൽ, മെഷിനിസ്റ്റ്, മെറ്റീരിയൽ ഹാൻഡ്‌ലിംഗ് എക്യുപ്മെന്‍റ് മെക്ക് കം ഓപറേറ്റർ, മെക്കാനിക്ക് മെഷീൻ ടൂൾ മെയിന്‍റനൻസ്, വെൽഡർ, റഫ്രിജറേഷൻ ആൻഡ് എയർ കണ്ടീഷനർ, വയർമാൻ, കംപ്യൂട്ടർ ഓപറേറ്റർ ആൻഡ് പ്രോഗ്രാമിംഗ് അസിസ്റ്റന്‍റ്, ഓഫ്സെറ്റ് മെഷീൻ മൈൻഡർ, ബുക്ക് ബൈൻഡർ, മേസൺ (ബിൽഡിംഗ് കൺസ്ട്രക‌്ഷൻ), ടർണർ എന്നീ ട്രേഡുകളിലാണ് ഒഴിവ്. കൂടുതൽ വിവരങ്ങൾക്ക് www.rrcnr.org, www. indianrailways.gov.in .