ഫിറ്റ്നസ് ചലഞ്ച് പോലീസ് സേനയിലും; വെല്ലുവിളി ഏറ്റെടുത്ത് തൃശൂർ സിറ്റി പോലീസ് കമ്മീഷണറും കാസർഗോഡ് എസ്പിയും

Saturday, June 16, 2018 4:58 PM IST

കേന്ദ്രമന്ത്രി രാജ്യവർദ്ധൻ സിംഗ് റാത്തോഡിന്‍റെ ഫിറ്റ്നസ് ചലഞ്ച് ഏറ്റെടുത്ത് രംഗത്തെത്തിയ പ്രമുഖർ നിരവധിയാണ്. പ്രധാനമന്ത്രി നരേന്ദ്രമോഡി മുതൽ ക്രിക്കറ്റ് താരം വിരാട് കൊഹ്‌ലിയും മോഹൻലാൽ ഉൾപ്പടെയുള്ള നിരവധി ചലച്ചിത്ര താരങ്ങളും ഈ ചലഞ്ച് ഏറ്റെടുത്ത് തങ്ങളുടെ കഴിവ് പ്രകടിപ്പിച്ച് രംഗത്തെത്തിയിരുന്നു.

ഇപ്പൊഴിതാ ഈ വെല്ലുവിളി ഏറ്റെടുത്ത് വാർത്തകളിൽ താരമാകുകയാണ് തൃശൂർ സിറ്റി പോലീസ് കമ്മീഷണർ ജി.എച്ച്. യതീഷ് ചന്ദ്രയും കാസർഗോഡ് എസ്പി ഡോ. എ. ശ്രീനിവാസും. പ്രധാനമന്ത്രി നിർദ്ദേശിച്ച ഫിറ്റനസ് ചലഞ്ച് പോലീസ് ഉദ്യോഗസ്ഥരും ഏറ്റെടുക്കണമെന്ന ഡിജിപി ലോകനാഥ് ബഹ്റയുടെ നിർദ്ദേശത്തെ തുടർന്നാണ് ഇരുവരും വെല്ലുവിളിഏറ്റെടുത്ത് രംഗത്തെത്തിയത്.

തൃശൂരിലെ ഒരു ഫിറ്റ്നസ് ക്ലബ്ബിൽ വെച്ച് പുഷ് അപ്പ് ചെയ്യുന്നതിന്‍റെയും പുള്ള് അപ്പ് ചെയ്യുന്നതിന്‍റെയും മറ്റ് കായികാഭ്യാസങ്ങൾ കാണിക്കുന്നതിന്‍റെയും ദൃശ്യങ്ങളാണ് യതീഷ് ചന്ദ്ര പങ്കുവെച്ചിരിക്കുന്നത്. ചുറുചുറുക്കോടെ അദ്ദേഹം കായികാഭ്യാസം കാണിക്കുന്നതിന്‍റെ ദൃശ്യങ്ങൾ ഇതിനോടകം തന്നെ വൈറലായി മാറിയിരിക്കുകയാണ്.

യോഗ ചെയ്യുന്നതിന്‍റെ വീഡിയോ ദൃശ്യങ്ങളാണ് കാസർഗോഡ് എസ്പി ഡോ. എ. ശ്രീനിവാസ് പങ്കുവെച്ചിരിക്കുന്നത്. അസാമാന്യ മെയ് വഴക്കത്തോടെ അൽപ്പം സാഹസികമായി തന്നെയാണ് അദ്ദേഹം നിരവധി യോഗാമുറകൾ പൂർത്തിയാക്കിയിരിക്കുന്നത്. എന്തായാലും വെല്ലുവിളി സ്വീകരിച്ചുള്ള ഇരുവരുടെയും വീഡിയോ ദൃശ്യങ്ങൾ നിരവധിയാളുകളാണ് കണ്ടു കഴിഞ്ഞിരിക്കുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.