ജനിച്ചത് 30 മിനിറ്റുകളുടെ വ്യത്യാസത്തിൽ; വിരമിച്ചത് 30 സെ​ക്ക​ൻ​ഡു​ക​ളു​ടെ വ്യ​ത്യാ​സ​ത്തി​ൽ
Monday, October 2, 2017 5:29 AM IST
ജ​നി​ച്ചു​വീ​ണ​ത് 30 മി​നി​റ്റു​ക​ളു​ടെ വ്യ​ത്യാ​സ​ത്തി​ലാ​ണെ​ങ്കി​ൽ ഒൗ​ദ്യോ​ഗി​ക ജീ​വി​ത​ത്തി​ൽ​നി​ന്നു വി​ര​മി​ച്ച​ത് 30 സെ​ക്ക​ൻ​ഡു​ക​ളു​ടെ വ്യ​ത്യാ​സ​ത്തി​ൽ. ‌ഇരട്ടകളായ ജറ​മി​യും നി​ക്കു​മാ​ണ് ഈ ​അ​പൂ​ർ​വ നി​മി​ഷ​ങ്ങ​ളു​ടെ കാ​ര​ണ​ഭൂ​ത​ർ. ഇ​രു​വ​രു​ടെ​യും അ​റു​പ​താം പി​റ​ന്നാ​ളാ​യി​രു​ന്നു ക​ഴി​ഞ്ഞ ദി​വ​സം. ഒപ്പം ഒൗ​ദ്യോ​ഗി​ക ജീ​വി​ത​ത്തി​ൽ​നി​ന്നു വി​ര​മി​ച്ച ദി​വ​സവും. അ​ഞ്ചു വ​ർ​ഷ​മാ​യി ബ്രി​ട്ടീ​ഷ് എ​യ​ർ​വേ​സി​ന്‍റെ വൈ​മാ​നി​ക​രാ​യി​രു​ന്നു ഇ​രു​വ​രും. ഇ​രു​വ​രും സീ​നി​യ​ർ റാ​ങ്കി​ലു​ള്ള​വ​രാ​യ​തി​നാ​ൽ ഇ​തു​വ​രെ ഒ​രു​മി​ച്ച് വി​മാ​നം പ​റ​ത്തി​യി​ട്ടി​ല്ല.

സ്വീ​ഡ​നി​ലെ ഗോ​ഥ​ൻ​ബ​ർ​ഗി​ൽ​നി​ന്ന് അ​വ​സാ​ന യാ​ത്ര തു​ട​ങ്ങി​യ നി​ക്ക് വ്യാ​ഴാ​ഴ്ച ഉ​ച്ച​യ്ക്ക് 12.34ന് ​ല​ണ്ട​നി​ൽ ലാ​ൻ​ഡ് ചെ​യ്തു. സ്വി​റ്റ്സ​ർ​ല​ൻ​ഡി​ലെ ജ​നീ​വ​യി​ൽ​നി​ന്നു തി​രി​ച്ച ജ​റ​മി​യാ​വ​ട്ടെ 12.35ന് ​ലാ​ൻ​ഡ് ചെ​യ്തു. കേ​വ​ലം 30 സെ​ക്ക​ൻ​ഡു​ക​ളു​ടെ വ്യ​ത്യാ​സ​ത്തി​ൽ ഇ​രു​വ​രും ഒൗ​ദ്യോ​ഗി​ക ജീ​വി​ത​ത്തി​ൽ​നി​ന്നു വി​ര​മി​ച്ചു. ഇ​രു​വ​രും ആ​കെ 45,000 മ​ണി​ക്കൂ​റു​ക​ൾ വി​മാ​നം പ​റ​ത്തി​യി​ട്ടു​ണ്ട്. 20 ല​ക്ഷം യാ​ത്ര​ക്കാ​രെ ല​ക്ഷ്യ​സ്ഥാ​ന​ങ്ങ​ളി​ൽ എ​ത്തി​ച്ചി​ട്ടു​മു​ണ്ട്.



ആ​ദ്യകാ​ല​ത്ത് ഇ​രു​വ​രും ര​ണ്ടു വി​മാ​ന​ക്ക​മ്പ​നി​ക​ളി​ലാ​യി​രു​ന്നു ജോ​ലി​ചെ​യ്​തി​രു​ന്ന​ത്. ജ​റ​മി ബ്രി​ട്ടീ​ഷ് എ​യ​ർ​വേ​സി​ലാ​യി​രു​ന്ന​പ്പോ​ൾ നി​ക്ക് ബ്രി​ട്ടീ​ഷ് മി​ഡ്‌​ലാ​ൻ​ഡി​ലെ പൈ​ല​റ്റാ​യി​രു​ന്നു. നി​ക്കി​നെ ക​ണ്ട് ജ​റ​മി​യാ​ണെ​ന്നു തെ​റ്റി​ദ്ധ​രി​ച്ച് സ​ഹ​പ്ര​വ​ർ​ത്ത​ക​ൻ എ​ന്തി​നാ​ണ് ബ്രി​ട്ടീ​ഷ് മി​ഡ്‌​ലാ​ൻ​ഡി​ന്‍റെ യൂ​ണി​ഫോം അ​ണി​ഞ്ഞ​തെ​ന്നു ചോ​ദി​ച്ച് വ​ഴ​ക്കു​ണ്ടാ​ക്കി​യി​ട്ടു​ണ്ട്. താ​ൻ ജ​റ​മി​യ​ല്ല എ​ന്ന് പ​റ​ഞ്ഞു​ മ​ന​സി​ലാ​ക്കാ​ൻ കു​റേ പാ​ടു​പെ​ട്ടെ​ന്ന് നി​ക്ക് പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.