തെരുവിലെ കൂട്ടുകാരന് പുതപ്പ് നൽകി നായയുടെ സ്നേഹം; ചിത്രം വൈറൽ

Saturday, July 15, 2017 10:59 AM IST

സുലെൻ ഷോംലോഫെൽ.. ബ്രസീലിലെ മാധ്യമപ്രവർത്തകരിലൊരാളായിരുന്നു ഇദ്ദേഹവും. എന്നാൽ ഈ പേരാണ് ഇപ്പോൾ എല്ലായിടത്തും ഉയർന്നുകേട്ടുകൊണ്ടിരിക്കുന്നത്. അദ്ദേഹം ഫേസ്ബുക്കിൽ പങ്കുവച്ച ഒരു ചിത്രമായിരുന്നു ഇതിനു കാരണം.

തെരുവിൽ നിന്ന് എടുത്ത് വളർത്തിയ തന്‍റെ പൊന്നോമന നായ ലന കൂടിന് സമീപം കിടക്കുന്ന ഒരു തെരുവു നായയ്ക്ക് പുതപ്പ് പങ്കുവയ്ക്കുന്നതാണ് ചിത്രത്തിൽ നിന്നും വ്യക്തമാകുന്നത്. രണ്ടാഴ്ച മുൻപ് അദ്ദേഹം ഫേസ്ബുക്ക് വഴി പങ്കുവച്ച ചിത്രം പകർത്തിയത് ഇദ്ദേഹത്തിന്‍റെ പ്രതിശ്രുത വധുവാണ്.

എട്ടു മാസം പ്രായമുള്ള നായയാണ് ലന. വലിയ കന്പികൾ കൊണ്ട് നിർമിച്ച വേലിയുടെ സമീപം പുതപ്പ് പുതച്ച് കിടക്കുന്ന ലന വേലിയുടെ പുറത്ത് കിടക്കുന്ന മറ്റൊരു നായയ്ക്ക് തണുപ്പകറ്റാൻ തന്‍റെ പുതപ്പിന്‍റെ പകുതി നൽകുകയായിരുന്നു. ഈ നായയ്ക്കും ഭക്ഷണവും വെള്ളവും നൽകി താമസിക്കാൻ ഒരിടം കണ്ടെത്താനുള്ള തീരുമാനത്തിലാണ് ഇവർ ഇരുവരും. ചിത്രം ഫേസ്ബുക്കിൽ പോസ്റ്റ് പങ്കുവച്ചതിനെ തുടർന്ന് നിരവധിയാളുകളാണ് മികച്ച പ്രതികരണവുമായി എത്തിയിരിക്കുന്നത്. ആയിരക്കണക്കിനാളുകൾ ചിത്രം ഷെയർ ചെയ്തിട്ടുമുണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.