കലിപ്പ് ലുക്കിൽ പൃഥ്വി; ആദത്തിന്‍റെ ഫസ്റ്റ് ലുക്ക് എത്തി

Monday, April 10, 2017 8:01 AM IST

യൂത്ത് സ്റ്റാർ പൃഥ്വിരാജും ഭാവനയും വീണ്ടുമൊന്നിക്കുന്ന ആദം ജോണിന്‍റെ ഫസ്റ്റ് ലുക്ക് പോസ്റ്റർ എത്തി. താരം തന്നെയാണ് ഫേസ്ബുക്ക് പേജിലൂടെ പോസ്റ്റർ പുറത്തുവിട്ടത്. കൈയിൽ തോക്കുമേന്തി രൗദ്രഭാവത്തിൽ നിൽക്കുന്ന പൃഥ്വിരാജിന്‍റെ കഥാപാത്രമാണ് പോസ്റ്ററിൽ. ത്രില്ലർ സ്വഭാവമുള്ള ചിത്രമായിരിക്കും ആദമെന്ന സൂചന നല്കുന്നതാണ് ഫസ്റ്റ് ലുക്ക്.

ജിനു ഏബ്രഹാമാണ് ചിത്രത്തിന്‍റെ സംവിധായകൻ. പ്രണയവും പ്രതികാരവുമാണ് ചിത്രത്തിന്‍റെ പ്രധാന പ്രമേയം. ഭാവനയ്ക്കൊപ്പം ബോളിവുഡ് താരം മിഷ്തി ചക്രബർത്തിയും നായികാവേഷങ്ങളിലെത്തുന്നു. നരേനും വളരെ പ്രധാനപ്പെട്ട ഒരു വേഷം കൈകാര്യം ചെയ്യുന്നുണ്ട്.

രാഹുൽ മാധവ്, സിദ്ധിഖ്, മണിയൻപിള്ള രാജു, സിദ്ധാർഥ് ശിവ, ജയമേനോൻ, മധുസൂധൻ റാവു എന്നിവർ ചിത്രത്തിൽ മറ്റുവേഷങ്ങളിൽ എത്തും. ജിനു ഏബ്രഹാം തന്നെ തിരക്കഥ ഒരുക്കിയിരിക്കുന്ന ചിത്രത്തിന്‍റെ ഛായാഗ്രാഹകൻ ജിത്തു ദാമോദറാണ്. ദീപക് ദേവാണ് സംഗീതം. രണ്‍ജി പണിക്കർ എന്‍റർടെയിൻമെന്‍റിനും ബി സിനിമാസിനും വേണ്ടി നടനും സംവിധായകനുമായ രണ്‍ജി പണിക്കർ, ബ്രിജീഷ് മൊഹമ്മദ്, ജോസ് സൈമണ്‍, നിഹാൽ എന്നിവരാണ് ചിത്രം നിർമിക്കുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.