കൈവീശി നീങ്ങുന്ന... ദ ഗ്രേറ്റ് ഫാദറിലെ മനോഹരഗാനമെത്തി
Thursday, March 23, 2017 6:23 AM IST
ആരാധകർ ആകാംക്ഷയോടെ കാത്തിരിക്കുന്ന മമ്മൂട്ടി ചിത്രം "ദ് ഗ്രേറ്റ് ഫാദറി'ലെ രണ്ടാമത്തെ ഗാനം പുറത്തിറങ്ങി. "കൈവീശി നീങ്ങുന്ന..' എന്നു തുടങ്ങുന്ന ഗാനത്തിന്‍റെ ലിറിക്കൽ വീഡിയോ മെഗാസ്റ്റാർ തന്നെയാണ് ഫേസ്ബുക്കിൽ ഷെയർ ചെയ്തത്. വിജയ് യേശുദാസ് ആണ് ഗാനം ആലപിച്ചിരിക്കുന്നത്. മമ്മൂട്ടിക്കൊപ്പം ബേബി അനിഘ, സ്നേഹ, മിയ, ആര്യ എന്നിവരും വീഡിയോയിലെത്തുന്നു. ബി.കെ. ഹരിനാരായണന്‍റെ വരികൾക്ക് ഗോപിസുന്ദർ ഈണംപകർന്നിരിക്കുന്നു.

നവാഗതനായ ഹനീഫ് അദേനി എഴുതി സംവിധാനം ചെയ്യുന്ന ചിത്രത്തിൽ ഡേവിഡ് നൈനാൻ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ആഗസ്റ്റ് സിനിമയുടെ ബാനറിൽ സന്തോഷ് ശിവൻ, പൃഥ്വിരാജ്, ഷാജി നടേശൻ, ആര്യ എന്നിവർ ചേർന്നാണ് ചിത്രം നിർമിച്ചിരിക്കുന്നത്. മാർച്ച് 31ന് ഗ്രേറ്റ് ഫാദർ തീയറ്ററുകളിലെത്തും.

അച്ഛന്‍റെയും മകളുടെയും കഥ പറയുന്ന ചിത്രത്തിൽ ബേബി അനിഘ മമ്മൂട്ടിയുടെ മകളായി വേഷമിടുന്നു.

വീഡിയോ ഗാനം കാണാം..
https://www.youtube.com/embed/Ip98dBc6Urg
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.