വരുന്നു, നയൻസിന്‍റെ എ സർട്ടിഫിക്കറ്റ് ചിത്രം

Thursday, March 23, 2017 5:24 AM IST

നായികമാരുടെ ഓവർ ഗ്ലാമർ വേഷം കൊണ്ട് സന്പന്നമായ ചിത്രങ്ങളാണ് സാധാരണ എ പടം എന്ന ലേബലിൽ വരുന്നത് എന്നാണ് ഒരു കാലം വരെ പ്രേക്ഷകർ വിശ്വസിച്ചിരുന്നത്. പ്രായപൂർത്തിയെത്തിയവർ മാത്രം കാണുക എന്ന നിർദേശത്തോടെയാണ് സെൻസർ ബോർഡ് ചില സിനിമകൾക്ക് എ സർട്ടിഫിക്കറ്റ് നൽകുന്നതെന്നതാണ് വാസ്തവം.

നയൻതാര കേന്ദ്ര കഥാപാത്രമായി എത്തുന്ന ഡോറ എന്ന ചിത്രത്തിന്‍റെ സെൻസറിങ് കഴിഞ്ഞു. ഡോറ പ്രായപൂർത്തിയായവർ മാത്രമേ കാണാൻ പാടുള്ളൂ എന്നാണ് സെൻസർ ബോർഡിന്‍റെ നിർദ്ദേശം. എ സർട്ടിഫിക്കറ്റാണ് ഡോറയ്ക്ക് നൽകിയിരിക്കുന്നത്.
പേടിപ്പെടുത്തുന്ന രംഗങ്ങൾ അമിതമായി ഉള്ളതിനാലാണ് ഡോറ എന്ന ഹൊറർ ചിത്രത്തിന് സെൻസർ ബോർഡ് എ സർട്ടിഫിക്കറ്റ് നൽകിയത് എന്നാണ് വിശദീകരണം. യു/എ സർട്ടിഫിക്കറ്റിന് വേണ്ടി അണിയറപ്രവർത്തകർ ശ്രമിച്ചെങ്കിലും ലഭിച്ചില്ല.

31 ന് ഡോറ തിയറ്ററുകളിലെത്തും. ദോസ് രാമസ്വാമി സംവിധാനം ചെയ്യുന്ന ചിത്രത്തിൽ നയൻതാരയ്ക്കൊപ്പം തന്പി രാമയ്യയും ഹാരിഷ് ഉത്തമനും പ്രധാന കഥാപാത്രങ്ങളായി എത്തുന്നു. എ സർക്കുണമാണ് ചിത്രം നിർമിക്കുന്നത്.ഇപ്പോൾ ഹൊറർ ചിത്രങ്ങളിൽ മാത്രം ശ്രദ്ധകേന്ദ്രീകരിച്ചിരിക്കുകയാണോ നയൻ എന്ന് തോന്നിപ്പോകുന്ന തരത്തിലാണ് താരത്തിന്‍റെ സിനിമാ സെലക്്ഷൻ. മായ എന്ന ഹൊറർ ചിത്രം ഹിറ്റായതിന് പിന്നാലെയാണ് നയൻ ഡോറ ചെയ്തത്. ഡോറയ്ക്ക് ശേഷം നയൻ ചെയ്യുന്ന ഇമയ്ക്കാ നൊടികൾ എന്ന ചിത്രവും ഹൊറർ കാറ്റഗറിയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.