സം​സാ​രി​ക്കാ​ൻ ശ്ര​മി​ക്കു​ന്ന പ്രാ​യ​ത്തി​ൽ പു​സ്ത​ക​മെ​ഴു​തി ഗി​ന്ന​സ് റി​ക്കാ​ർ​ഡി​ൽ ഇ​ടം​നേ​ടി നാലു വയസുകാരൻ
Wednesday, June 6, 2018 9:25 AM IST
വാ​ക്കു​ക​ൾ തെ​റ്റാ​തെ വാ​ച​ക​മു​ണ്ടാ​ക്കി സം​സാ​രി​ക്കാ​ൻ ശ്ര​മി​ക്കു​ന്ന പ്രാ​യ​ത്തി​ൽ പു​സ്ത​ക​മെ​ഴു​തി ഗി​ന്ന​സ് റി​ക്കാ​ർ​ഡി​ൽ ഇ​ടം​നേ​ടി​യി​രി​ക്കു​ക​യാ​ണ് ആ​സാം സ്വ​ദേ​ശി​യാ​യ അ​യാ​ൻ ഗോ​ഗോ​യ് ഗൊ​ഹെ​യ്‌​ൻ എ​ന്ന നാ​ലു​വ​യ​സു​കാ​ര​ൻ. സ​മ​പ്രാ​യ​ക്കാ​രാ​യ കു​ട്ടി​ക​ൾ ഭി​ത്തി​യി​ലും നി​ല​ത്തു​മൊ​ക്കെ അ​ക്ഷ​ര​ങ്ങ​ൾ കു​ത്തി​ക്കു​റി​ക്കു​ന്പോ​ൾ അ​യാ​ൻ എ​ഴു​തി​യ​ത് ഒ​രു പു​സ്ത​ക​മാ​ണ്. ഒ​പ്പം ഇ​ന്ത്യ​യി​ലെ ഏ​റ്റ​വും പ്രാ​യം​കു​റ​ഞ്ഞ എ​ഴു​ത്തു​കാ​ര​നെ​ന്ന റി​ക്കാ​ർ​ഡും.

ആ​സാ​മി​ലെ ഉ​ത്ത​ര ല​ഖിം​പു​ർ ജി​ല്ല​യി​ലെ സെ​ന്‍റ് മേ​രീ​സ് സ്കൂ​ൾ വി​ദ്യാ​ർ​ഥി​യാ​യ അ​യാ​ന്‍റെ പു​സ്ത​കം ഈ ​വ​ർ​ഷം ജ​നു​വ​രി​യി​ലാ​ണ് പ്ര​കാ​ശ​നം ചെ​യ്ത​ത്. പേ​ര് ഹ​ണി കോം​ബ് (തേ​ന​ട). 250 രൂ​പ വി​ല​യു​ള്ള ഈ ​പു​സ്ത​ക​ത്തി​ൽ അ​യാ​ൻ ത​യാ​റാ​ക്കി​യ 30 ചെ​റു​ക​ഥ​ക​ൾ​ക്കൊ​പ്പം സ്വ​ന്ത​മാ​യി വ​ര​ച്ച ചി​ത്ര​ങ്ങ​ളും ഉ​ൾ​പ്പെ​ടു​ത്തി​യി​രി​ക്കു​ന്നു.

ഒ​രു നാ​ലു​വ​യ​സു​കാ​ര​ന്‍റെ ക​ഴി​വി​നെ പ്ര​ശം​സി​ച്ച ഇ​ന്ത്യ ബു​ക്ക് ഓ​ഫ് റി​ക്കാ​ർ​ഡ്സ് ജ​നു​വ​രി​യി​ൽ​ത്ത​ന്നെ പ്ര​ശം​സാ​പ​ത്രം ന​ല്കി​യി​രു​ന്നു. ഒ​ന്നാം വ​യ​സു മു​ത​ലാ​ണ് അ​യാ​ൻ ചി​ത്ര​ങ്ങ​ൾ വ​ര​യ്ക്കാ​ൻ തു​ട​ങ്ങി​യ​ത്. മൂ​ന്നു വ​യ​സാ​യ​പ്പോ​ൾ ചെ​റുക​ഥ​ക​ളും ര​ചി​ക്കാ​ൻ തു​ട​ങ്ങി. അ‍യാ​ൻ എ​ന്ന കൊ​ച്ചു​കു​ട്ടി അ​നു​ഭ​വി​ച്ച​റി​ഞ്ഞ വാ​ക്കു​ക​ളും നി​റ​ങ്ങ​ളും ശ​ബ്ദ​വും രു​ചി​ക​ളും കാ​ഴ്ച​ക​ളു​മാണ് "ഹ​ണി​കോം​ബി​'ന്‍റെ ഇ​തി​വൃ​ത്തം.

മു​ത്ത​ച്ഛ​നാ​യ പു​ർ​ണോ കാ​ന്ത ഗോ​ഗോ​യ് ആ​ണ് അ​യാ​ന്‍റെ സു​ഹൃ​ത്തും ഹീ​റോ​യും വ​ഴി​കാ​ട്ടി​യു​മെ​ല്ലാം. ചി​ത്ര​ങ്ങ​ളു​ടെയും അ​ക്ഷ​ര​ങ്ങ​ളു​ടെ​യും ലോ​ക​ത്തേ​ക്ക് അ​യാ​നെ കൈ​പി​ടി​ച്ചു​ന​ട​ത്തി​യതും അ​ദ്ദേ​ഹ​മാ​ണ്. പു​സ്ത​ക​ത്തി​ന്‍റെ ക​വ​ർ​ചി​ത്ര​വും അ​യാ​ൻ​ത​ന്നെ​യാ​ണ് ഡി​സൈ​ൻ ചെ​യ്ത​തെ​ന്ന് ബാ​ങ്ക് ഉ​ദ്യോ​ഗ​സ്ഥ​നാ​യി​രു​ന്ന മുത്തച്ഛൻ പ​റ​യു​ന്നു. യോ​ഗ​ വ​ള​രെ​യ​ധി​കം ഇ​ഷ്ട​പ്പെ​ടു​ന്ന, കാ​ർ​ട്ടൂ​ണു​ക​ൾ കാ​ണാ​ൻ ഇ​ഷ്ട​പ്പെ​ടു​ന്ന, ബാ​ഡ്മി​ന്‍റ​ണും ഫു​ട്ബോ​ളും ക​ളി​ക്കാ​ൻ ഇ​ഷ്ട​പ്പെ​ടു​ന്ന, പാ​ച​കം ചെ​യ്യാ​ൻ താ​ത്പ​ര്യ​പ്പെ​ടു​ന്ന, ഹാ​ർ​ഡ​നിം​ഗ് ഇ​ഷ്ട​പ്പെ​ടു​ന്ന, ഓ​റി​യോ എ​ന്ന നാ​യ്ക്കു​ട്ടി​യു​മാ​യി ക​ളി​ച്ചു​ന​ട​ക്കു​ന്ന ഒ​രു അ​മേ​സിം​ഗ് കി​ഡ് ആ​ണ് ത​ന്‍റെ അ​യാ​ൻ എ​ന്നൊക്കെയാണ് മു​ത്ത​ച്ഛ​ന്‍റെ വാഴ്ത്തുമൊഴികൾ.

ഒ​രു നാ​ലു​വ​യ​സു​കാ​ര​ന്‍റെ സൃ​ഷ്ടി​യാ​ണെ​ങ്കി​ലും നി​ര​വ​ധി പ്ര​ശ​സ്ത​ർ ഈ ​പു​സ്ത​കം നി​രൂ​പ​ണ​ത്തി​നു വി​ധേ‍യ​മാ​ക്കി​യി​ട്ടു​ണ്ട്. കേ​വ​ലം തേ​ൻ ശേ​ഖ​രി​ക്കാ​നു​ള്ള ഷ​ഡ്ഭു​ജ അ​റ​ക​ളു​ടെ ഒ​രു കൂ​ട്ടം മാ​ത്ര​മ​ല്ല, അ​തു​ക്കും മേ​ലേയാ​ണ് "ഹ​ണി കോം​ബ്' എ​ന്നാ​ണ് നി​രൂ​പ​ക​രു​ടെ വി​ല​യി​രു​ത്ത​ൽ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.