പുലിമുരുകനുശേഷം തിരക്കഥാകൃത്ത് ഉദയ്കൃഷ്ണ എഴുതുന്ന മാസ് ത്രില്ലറായ മാസ്റ്റർ പീസിന്റെ രണ്ടാംഘട്ട ചിത്രീകരണം കോഴിക്കോടും പരിസരപ്രദേശങ്ങളിലുമായി പുരോഗമിക്കുന്നു. അജയ് വാസുദേവാണു സംവിധായകൻ. എഡ്ഡി എന്ന ചുരുക്കപ്പേരിൽ അറിയപ്പെടുന്ന എഡ്വേർഡ് ലിവിംഗ്സ്റ്റണ് എന്ന കോളജ് അധ്യാപകനായാണു മമ്മൂട്ടി ചിത്രത്തിൽ എത്തുന്നത്.
റോയൽ സിനിമാസിന്റെ ബാനറിൽ പ്രവാസി കഥാകൃത്തായ സി.എച്ച്. മുഹമ്മദാണ് ഈ ബിഗ് ബജറ്റ് ചിത്രം നിർമിക്കുന്നത്. മുകേഷ്, ഉണ്ണി മുകുന്ദൻ, ഗണേഷ് കുമാർ, പൂനം ബജ്വ, വരലക്ഷ്മി ശരത്കുമാർ, മഹിമ നന്പ്യാർ, ലെന, തെസ്നിഖാൻ, ക്യാപ്റ്റൻ രാജു, പാഷാണം ഷാജി, കലാഭവൻ ഷാജോണ്, ഗോകുൽദാസ്, മഖ്ബൂൽ സൽമാൻ, കൈലാഷ്, ദിവ്യദർശൻ, സുഗുണേഷ്, ജോണ്, ബിജുക്കുട്ടൻ, ശിവജി ഗുരുവായൂർ, മഞ്ജു സതീഷ്, നന്ദു തുടങ്ങി ഒട്ടേറെ പുതുമുഖങ്ങളും അഭിനയിക്കുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.