ജലമാന്ത്രികൻ
വ​ര​ൾ​ച്ച​യെ വ​രു​തി​യി​ലാ​ക്കി​യ ഒ​രാ​ൾ ന​മ്മു​ടെ അ​യൽ​പ​ക്ക​ത്തു​ണ്ട്. കൊ​ടി​യ വേ​ന​ലി​ലും തെ​ല്ലും പ​ത​റാ​ത്ത ഒ​രു എ​ൻ​ജി​നി​യ​ർ. പേ​ര് അ​യ്യ​പ്പ മ​ഹാ​ദേ​വ​പ്പ മ​സ​ഗി. ജ​ല​മാ​ന്ത്രി​ക​ൻ, ജ​ല​യോ​ദ്ധാ​വ്, ജ​ല​ഗാ​ഡി തു​ട​ങ്ങി​യ പേ​രു​ക​ളി​ലാ​ണ് ഇ​ദ്ദേ​ഹം അ​റി​യ​പ്പെ​ടു​ന്ന​ത്. ഇ​പ്പോ​ൾ ബം​ഗ​ളൂ​രു​വി​ൽ താ​മ​സി​ക്കു​ന്ന അ​യ്യ​പ്പ മ​സ​ഗി 26 വ​ർ​ഷം ലാ​ർ​സ​​ൻ ആ​ൻ​ഡ് ടു​ബ്രോ​യി​ൽ എ​ൻ​ജി​നി​യ​റാ​യി​രു​ന്നു. 15 വ​ർ​ഷം മു​ന്പാ​ണ് സ്വ​യം വി​ര​മി​ച്ച് ജ​ല​സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ​ക്കാ​യി ഇ​റ​ങ്ങി​ത്തി​രി​ച്ച​ത്.

അ​യ്യ​പ്പ മ​സ​ഗി​യു​ടെ ജാ​ല​വി​ദ്യ അ​റി​യാ​ൻ ആ​ന്ധ്ര -​ ക​ർ​ണാ​ട​ക അ​തി​ർ​ത്തി​യി​ലെ സു​ബ്ബ​രാ​യ​പേ​ട്ട് എ​ന്ന ഗ്രാ​മം വ​രെ പോ​ക​ണം. ആ​ന്ധ്ര​പ്ര​ദേ​ശി​ലെ റാ​യ​ല​സീ​മ മേ​ഖ​ല​യി​ലെ ഒ​രു സ്ഥി​രം വ​ര​ൾ​ച്ച​ബാ​ധി​ത പ്ര​ദേ​ശ​മാ​ണ് സു​ബ്ബ​രാ​യ​പേ​ട്ട്. ക​ർ​ണാ​ട​ക​യോ​ട് അ​തി​ർ​ത്തി​പ​ങ്കി​ടു​ന്ന അ​ന​ന്ത​പൂ​ർ ജി​ല്ല​യി​ലെ ചി​ല​മാ​ന്തൂ​രി​ലാ​ണ് ഈ ​ഗ്രാ​മം. താ​ലൂ​ക്ക് ആ​സ്ഥാ​ന​മാ​യ ഹി​ന്ദു​പൂ​രി​ൽ​നി​ന്നു 40 കി​ലോ​മീ​റ്റ​ർ ബം​ഗ​ളൂ​രു​ഹൈ​ദ​രാ​ബാ​ദ് ദേ​ശീ​യ​പാ​ത​യി​ലൂ​ടെ യാ​ത്ര​ചെ​യ്യ​ണം. പു​ട്ട​പ​ർ​ത്തി റോ​ഡ് തി​രി​യു​ന്ന കോ​ട്ടൂ​രി​ൽ നി​ന്ന് വി​ശാ​ല​മാ​യ ത​രി​ശു​ഭൂ​മി​യി​ലൂ​ടെ​യാ​ണ് സു​ബ്ബ​രാ​യ​പേ​ട്ടി​ലേ​ക്കു പോ​കു​ന്ന​ത്. മ​ഴ​യെ ആ​ശ്ര​യി​ച്ചു മാ​ത്രം കൃ​ഷി​യി​റ​ക്കു​ന്ന കൃ​ഷി​യി​ട​ങ്ങ​ളാ​ണ് റോ​ഡി​ന് ഇ​രു​വ​ശ​വും. ഇ​തു​വ​ഴി ഏ​താ​നും കി​ലോ​മീ​റ്റ​ർ പോ​യാ​ൽ ഹ​രി​താ​ഭ​മാ​യൊ​രു കൃ​ഷി​യി​ടം കാ​ണാം. വ​ര​ണ്ട​ഭൂ​മി​യി​ലെ ഈ ​മ​രു​പ്പ​ച്ച ആ​രെ​യും ആ​ക​ർ​ഷി​ക്കും.
‌
സു​ബ്ബ​രാ​യ​പേ​ട്ടി​ലെ 250 ഏ​ക്ക​ർ

മ​സ​ഗി​യു​ടെ സു​ഹൃ​ത്തു​ക്ക​ളാ​യ ഏ​താ​നും പേ​ർ ചേ​ർ​ന്ന് സു​ബ്ബ​രാ​യ​പേ​ട്ടി​ൽ 250 ഏ​ക്ക​ർ ഭൂ​മി വാ​ങ്ങു​ന്ന​ത് 2014 ലാ​ണ്. മ​ഴ​ക്കാ​ല​ത്ത് മാ​ത്രം വെ​ള്ളം കി​ട്ടു​ന്ന പ്ര​ദേ​ശം. മ​ഴ​നി​ല​യ്ക്കു​ന്ന​തോ​ടെ വ​റ്റി​പ്പോ​കു​ന്ന ഒ​രു തോ​ടാ​ണ് ഈ ​ഭൂ​മി​യു​ടെ ഒ​ര​തി​ര്. ഈ 250 ​ഏ​ക്ക​റി​ൽ 85 ഏ​ക്ക​റാ​ണ് ഇ​പ്പോ​ൾ കു​ളി​ർ​മ​യേ​കു​ന്ന കാ​ട്ടു​മ​ര​ങ്ങ​ളും കൊ​തി​യൂ​റു​ന്ന ഫ​ല​വൃ​ക്ഷ​ങ്ങ​ളും വ​ർ​ണാ​ഭ​മാ​യ പ​ച്ച​ക്ക​റി​ക​ളും നി​റ​ഞ്ഞ് ഹ​രി​ത​ശോ​ഭ തീ​ർ​ത്തി​രി​ക്കു​ന്ന​ത്. കാ​ൽ​ല​ക്ഷ​ത്തോ​ളം വൃ​ക്ഷ​ത്തൈ​ക​ളാ​ണ് വ​ള​ർ​ന്നു​വ​രു​ന്ന​ത്.

ഇ​തി​ൽ 60 ശ​ത​മാ​ന​വും മ​ഹാ​ഗ​ണി, വീ​ട്ടി തു​ട​ങ്ങി​യ കാ​ട്ടു​മ​ര​ങ്ങ​ളാ​ണ്. ത​ക്കാ​ളി, പ​ച്ച​മു​ള​ക്, പ​യ​ർ തു​ട​ങ്ങി​യ പ​ച്ച​ക്ക​റി​ക​ൾ ധാ​രാ​ള​മു​ണ്ട്. സ​പ്പോ​ട്ട, നെ​ല്ലി, മാ​വ്, പ്ലാ​വ്, ആ​ത്ത തു​ട​ങ്ങി​യ ഫ​ല​വൃ​ക്ഷ​ങ്ങ​ൾ കാ​യ്ചുതു​ട​ങ്ങി​യി​രി​ക്കു​ന്നു. പ​ശു ആ​ട് ഫാ​മു​മു​ണ്ട്. ജ​ല​സ​മൃ​ദ്ധ​മാ​യ കൃ​ഷി​യി​ട​മാ​ക്കി ഈ ​വ​ര​ണ്ട​ഭൂ​മി​യെ മാ​റ്റി​യെ​ടു​ത്തി​രി​ക്കു​ന്ന​തു കാ​ണു​ന്പോ​ൾ അ​യ്യ​പ്പ മ​സ​ഗി​യെ മാ​ന്ത്രി​ക​ൻ എ​ന്ന് ആ​രും വി​ളി​ച്ചു​പോ​കും.

മ​സ​ഗി ഇ​വി​ടെ ആ​ദ്യം ചെ​യ്ത​ത് ഭൂ​മി ചെ​റി​യ ത​ട്ടു​ക​ളാ​ക്കി തി​രി​ച്ച് പ​തി​നാ​യി​രം മ​ഴ​ക്കു​ഴി​ക​ൾ എ​ടു​ക്കു​ക​യാ​യി​രു​ന്നു. പി​ന്നീ​ട് ഇ​തി​ൽ മ​ണ​ൽ നി​റ​ച്ച് മൂ​ടി. മ​ഴവെ​ള്ള​ത്തി​ന്‍റെ ഒ​ഴു​ക്കി​ന​നു​സ​രി​ച്ച് കു​ള​ങ്ങ​ൾ നി​ർ​മി​ച്ചു. മു​ന്പു​ണ്ടാ​യി​രു​ന്ന കു​ള​ങ്ങ​ൾ ന​വീ​ക​രി​ച്ചു. 35 സെ​ന്‍റി​മീ​റ്റ​ർ മാ​ത്രം മ​ഴ ല​ഭി​ക്കു​ന്ന ഇ​വി​ടെ നി​ന്ന് ഒ​രു വ​ർ​ഷം 20 കോ​ടി ലി​റ്റ​ർ വ​രെ മ​ഴ​വെ​ള്ളം സം​ഭ​രി​ച്ചു. അ​തോ​ടെ കു​ഴ​ൽ​ക്കി​ണ​റു​ക​ൾ നി​റ​ഞ്ഞു. അ​ഞ്ച് ഹോ​ഴ്സ് പ​വ​ർ മോ​ട്ടോ​ർ ഉ​പ​യോ​ഗി​ച്ച് പ​ന്പ് ചെ​യ്യാ​വു​ന്ന​ത്ര വെ​ള്ള​മാ​ണ് കു​ഴ​ൽക്കി​ണ​റു​ക​ളി​ൽ ല​ഭ്യ​മാ​യ​ത്. മ​ഴ തീ​രു​ന്ന​തോ​ടെ വ​റ്റി​പ്പോ​കു​മാ​യി​രു​ന്ന തോ​ട്ടി​ൽ ഈ ​വേ​ന​ലി​ൽ​പ്പോ​ലും വെ​ള്ളം നി​റ​ഞ്ഞു​കി​ട​ക്കു​ന്നു. ബാ​ക്കി​യു​ള്ള പ്ര​ദേ​ശം​കൂ​ടി കൃ​ഷി​യോ​ഗ്യ​മാ​ക്കാ​നു​ള്ള ത​യാ​റെ​ടു​പ്പി​ലാ​ണ് മ​സ​ഗി​യും കൂ​ട്ടു​കാ​രും.

ക​ർ​ണാ​ട​ക​യി​ലും

ഇ​ത്ത​ര​ത്തി​ൽ ക​ർ​ണാ​ട​ക​യി​ലും ആ​ന്ധ്ര​യി​ലു​മാ​യി ജ​ല​ക്ഷാ​മം മൂ​ലം ത​രി​ശു​കി​ട​ന്ന 26,000 ഹെ​ക്ട​ർ പ്ര​ദേ​ശ​മാ​ണ് അ​യ്യ​പ്പ മ​സ​ഗി​യു​ടെ ക​ര​വി​രു​തി​ലൂ​ടെ കൃ​ഷി​യോ​ഗ്യ​മാ​യി​ത്തീ​ർ​ന്നി​രി​ക്കു​ന്ന​ത്. വ​റ്റി​വ​ര​ണ്ട് ഉ​പ​യോ​ഗ​ശൂ​ന്യ​മാ​യ ര​ണ്ട​ര ല​ക്ഷ​ത്തി​ല​ധി​കം കു​ഴ​ൽ​ക്കി​ണ​റു​ക​ളി​ലാ​ണ് വെ​ള്ളം നി​റ​ഞ്ഞി​രി​ക്കു​ന്ന​ത്. ആ​യി​ര​ക്ക​ണ​ക്കി​ന് കു​ള​ങ്ങ​ൾ, ത​ടാ​ക​ങ്ങ​ൾ തു​ട​ങ്ങി​യ​വ​യെ ജ​ല​സ​മൃ​ദ്ധ​മാ​ക്കാ​നും 170 വ്യ​വ​സാ​യ​ശാ​ല​ക​ൾ​ക്കു ജ​ല​സു​ര​ക്ഷ ഒ​രു​ക്കാ​നും ഇ​ദ്ദേ​ഹ​ത്തി​നു ക​ഴി​ഞ്ഞി​ട്ടു​ണ്ട്.

ത​ന്‍റെ അ​ഞ്ചേ​ക്ക​ർ കൃ​ഷി​യി​ടം ന​ന​യ്ക്കാ​ൻ 21 കു​ഴ​ൽ​ക്കി​ണ​റു​ക​ൾ കു​ഴി​ച്ച് പ​രാ​ജ​യ​പ്പെ​ട്ട ക​ർ​ഷ​ക​നാ​ണ് ക​ർ​ണാ​ട​ക​യി​ലെ മു​നി നാ​ഗ​പ്പ. കു​ടും​ബം പോ​റ്റാ​ൻ കൃ​ഷി​യെ മാ​ത്രം ആ​ശ്ര​യി​ക്കു​ന്ന ഗ്രാ​മീ​ണ ക​ർ​ഷ​ക​ൻ. അ​ത്യാ​വ​ശ്യം കൃ​ഷി നി​ല​നി​ർ​ത്താ​ൻ ടാ​ങ്ക​റു​ക​ളി​ൽ വെ​ള്ള​മെ​ത്തി​ക്കു​ക​യാ​യി​രു​ന്നു ഏ​ക മാ​ർ​ഗം. ഒ​ടു​വി​ൽ 2015 ജൂ​ണി​ലാ​ണ് 21ാമ​ത്തെ കു​ഴ​ൽ​ക്കി​ണ​ർ കു​ഴി​ച്ച​ത്. അ​തും പ​രാ​ജ​യ​മാ​യ​തോ​ടെ കു​ടും​ബം ഒ​ന്ന​ട​ങ്കം നി​രാ​ശ​യി​ലാ​യി. അ​പ്പോ​ഴാ​ണ് മു​നി നാ​ഗ​പ്പ​യു​ടെ മ​ക​ൻ ഒ​രു കാ​ർ​ഷി​ക മേ​ള​യി​ൽ വ​ച്ച് അ​യ്യ​പ്പ മ​സ​ഗി​യെ​ക്കു​റി​ച്ച​റി​ഞ്ഞ​ത്. മു​നി​നാ​ഗ​പ്പ​യു​ടെ അ​വ​സ്ഥ കേ​ട്ടു മ​ന​സ​ലി​ഞ്ഞ മ​സ​ഗി അ​ടു​ത്ത ദി​വ​സം ത​ന്നെ കൃ​ഷി​യി​ട​ത്തി​ലെ​ത്തി മ​ഴ​ക്കു​ഴി​ക​ൾ എ​ടു​പ്പി​ച്ച് മ​ണ​ൽ നി​റ​ച്ചു മൂ​ടി. തു​ട​ർ​ന്നു പെ​യ്ത മ​ഴ​വെ​ള്ളം മു​ഴു​വ​ൻ ഒ​ഴു​കി​പ്പോ​കാ​തെ സം​ഭ​രി​ച്ചു. മൂ​ന്നാം ദി​വ​സം കു​ഴ​ൽ​ക്കി​ണ​റു​ക​ളി​ൽ വെ​ള്ളം നി​റ​യാ​ൻ തു​ട​ങ്ങി.

മ​ഴ​മാ​റി വ​ര​ൾ​ച്ച വ​ന്ന​പ്പോ​ഴും ത​ന്‍റെ നാ​ലു കു​ഴ​ൽ​ക്കി​ണ​റു​ക​ൾ ജ​ല​സ​മൃ​ദ്ധ​മാ​യെ​ന്നു മു​നി നാ​ഗ​പ്പ സാ​ക്ഷ്യ​പ്പെ​ടു​ത്തു​ന്നു. ഇ​ന്നു ത​ന്‍റെ കൃ​ഷി​യി​ടം ജ​ല​സ​മൃ​ദ്ധ​മാ​ണ്. കൃ​ഷി ലാ​ഭ​ക​ര​മാ​യി​ത്തീ​ർ​ന്നി​രി​ക്കു​ന്നു. അ​യ്യ​പ്പ മ​സ​ഗി​ക്ക് ദൈ​വി​ക പ​രി​വേ​ഷ​മാ​ണ് മു​നി നാ​ഗ​പ്പ​യും കു​ടും​ബ​വും ന​ൽ​കു​ന്ന​ത്. കൃ​ഷി​യി​ട​ങ്ങ​ളി​ലും വീ​ടു​ക​ളി​ലു​മാ​യി ഇ​ത്ത​ര​ത്തി​ൽ ര​ണ്ട​ര ല​ക്ഷ​ത്തോ​ളം കു​ഴ​ൽ​ക്കി​ണ​റു​ക​ളാ​ണ് അ​യ്യ​പ്പ മ​സ​ഗി റീ ​ചാ​ർ​ജ് ചെ​യ്തി​രി​ക്കു​ന്ന​ത്. ഒ​ഴു​കി​പ്പോ​കു​ന്ന മ​ഴ​വെ​ള്ളം സം​ഭ​രി​ച്ച് മ​ണ്ണും ചെ​ളി​യും അ​രി​ച്ചു​ക​ള​ഞ്ഞ് കു​ഴ​ൽ​ക്കി​ണ​റു​ക​ളി​ലെ​ത്തി​ക്കു​ക​യാ​ണ് മ​സ​ഗി​യു​ടെ ത​ന്ത്രം.

തും​കൂ​രു ജി​ല്ല​യി​ലെ കൊ​റ​ട്ട​ഗ​രെ താ​ലൂ​ക്കി​ൽ ഹൊ​ള​വ​ന​ഹ​ള്ളി​യി​ൽ മ​സ​ഗി​ക്ക് സ്വ​ന്ത​മാ​യി നാ​ലേ​ക്ക​ർ കൃ​ഷി​യി​ട​മു​ണ്ട്. ഇ​വി​ടെ മ​ഴ​വെ​ള്ളം ഭൂ​മി​യി​ലേ​ക്ക​രി​ച്ചി​റ​ങ്ങാ​ൻ മ​സ​ഗി പ​ത്ത​ടി വീ​തം നീ​ള​വും വീ​തി​യും ആ​ഴ​വു​മു​ള്ള 32 കു​ഴി​ക​ളാ​ണെ​ടു​ത്തി​രി​ക്കു​ന്ന​ത്. ഇ​വ​യി​ലെ വെ​ള്ളം ഊ​റി​യി​റ​ങ്ങു​ന്ന 11 കി​ണ​റു​ക​ളും ഉ​ണ്ട്. ദി​വ​സേ​ന 80,000 ലി​റ്റ​ർ വെ​ള്ള​മാ​ണ് കൃ​ഷി ആ​വ​ശ്യ​ങ്ങ​ൾ​ക്കാ​യി ഇ​വ​യി​ൽ​നി​ന്നും പ​മ്പ് ചെ​യ്യു​ന്ന​ത്. ഡ്രി​പ് ഇ​റി​ഗേ​ഷ​നും സ്പ്രിം​ഗ്ല​റു​ക​ളു​മു​പ​യോ​ഗി​ച്ചാ​ണ് നാ​ലേ​ക്ക​റി​ലും ജ​ല​സേ​ച​നം ന​ട​ത്തു​ന്ന​ത്. തെ​ങ്ങ്, പേ​ര, സ​പ്പോ​ട്ട, ആ​ത്ത, നാ​ര​കം തു​ട​ങ്ങി​യ ഫ​ല​വൃ​ക്ഷ​ങ്ങ​ളും പ​ച്ച​ക്ക​റി​ക​ളു​മാ​ണ് ഇ​വി​ടെ കൃ​ഷി​ചെ​യ്യു​ന്ന​ത്.

മസഗിയെ തേടി വൻകിട കന്പനികൾ

കെ​ന്ന​മെ​റ്റ​ൽ വി​ഡി​യ (ഇ​ന്ത്യ) ലി​മി​റ്റ​ഡ് ക​മ്പ​നി​ക്കു വ​ർ​ഷം തോ​റും 25 ല​ക്ഷം രൂ​പ​യു​ടെ ലാ​ഭ​മാ​ണ് അ​യ്യ​പ്പ മ​സ​ഗി​യു​ടെ മ​ഴ​ക്കൊ​യ്ത്തി​ലൂ​ടെ ല​ഭി​ക്കു​ന്ന​ത്. 2003ൽ 18 ​ല​ക്ഷം രൂ​പ മാ​ത്രം മു​ട​ക്കി​യാ​ണ് ക​മ്പ​നി ജ​ല​ക്ഷാ​മം പ​രി​ഹ​രി​ച്ച​ത്. തും​കൂ​രു റോ​ഡി​ൽ 29 ഏ​ക്ക​റി​ലാ​ണ് ക​മ്പ​നി സ്ഥി​തി​ചെ​യ്യു​ന്ന​ത്. എ​ൻ​ജി​നി​യ​റിം​ഗ് മേ​ഖ​ല​യ്ക്കാ​വ​ശ്യ​മാ​യ മെ​റ്റ​ൽ ഉ​ത്പ​ന്ന​ങ്ങ​ൾ ഉ​ണ്ടാ​ക്കു​ന്ന കെ​ന്ന​മെ​റ്റ​ൽ ക​മ്പ​നി​യി​ൽ 950 ജീ​വ​ന​ക്കാ​രു​ണ്ട്. 275 കോ​ടി രൂ​പ​യാ​ണു വി​റ്റു​വ​ര​വ്. ദി​വ​സേ​ന ഒ​രു ല​ക്ഷം ലി​റ്റ​ർ വെ​ള്ള​മാ​ണ് ക​മ്പ​നി​യി​ലേ​ക്കു​ള്ള ആ​വ​ശ്യം. 40 വ​ർ​ഷം മു​മ്പ് കു​ഴി​ച്ച ഒ​രു കി​ണ​റും മ​റ്റൊ​രു കു​ഴ​ൽ​ക്കി​ണ​റു​മാ​ണ് ഈ ​ആ​വ​ശ്യം നി​റ​വേ​റ്റി​യ​രു​ന്ന​ത്.

എ​ന്നാ​ൽ 2000 മു​ത​ൽ ജ​ല​ക്ഷാ​മം തു​ട​ങ്ങി. 2003ലെ ​വ​ര​ൾ​ച്ച​യി​ൽ കി​ണ​റു​ക​ൾ വ​റ്റി. ടാ​ങ്ക​ർ​വെ​ള്ള​ത്തി​ന് മാ​സം ഒ​ന്ന​ര ല​ക്ഷം രൂ​പ​വീ​തം മു​ട​ക്കി​ത്തു​ട​ങ്ങി. അ​പ്പോ​ഴാ​ണ് മ​സ​ഗി​യു​ടെ സേ​വ​നം തേ​ടു​ന്ന​ത്. അ​യ്യ​പ്പ മ​സ​ഗി സ്ഥ​ലം സ​ന്ദ​ർ​ശി​ച്ചു പ്ര​വ​ർ​ത്ത​നം തു​ട​ങ്ങി. 180 അ​ടി വി​സ്തൃ​തി​യി​ൽ 20 അ​ടി ആ​ഴ​ത്തി​ൽ 35 ല​ക്ഷം ലി​റ്റ​ർ വെ​ള്ളം ശേ​ഖ​രി​ക്കാ​ൻ ശേ​ഷി​യു​ള്ള വ​ലി​യ കു​ളം നി​ർ​മി​ച്ചു. 50,000 ലി​റ്റ​റും 80,000 ലി​റ്റ​റും വെ​ള്ളം കൊ​ള്ളു​ന്ന ര​ണ്ടു ടാ​ങ്കു​ക​ളും ഉ​ണ്ടാ​ക്കി. ക​മ്പ​നി​യു​ടെ ഭൂ​മി​യിലെ​യും കെ​ട്ടി​ട​ങ്ങളിലെയും മു​ഴു​വ​ൻ മ​ഴ​വെ​ള്ള​വും ശേ​ഖ​രി​ച്ചു. ഇ​തോ​ടെ വ​ർ​ഷം എ​ട്ടു കോ​ടി ലി​റ്റ​ർ വെ​ള്ള​മാ​ണ് ക​മ്പ​നി​ക്കു ല​ഭി​ക്കു​ന്ന​ത്. ക​മ്പ​നി​ക്കു മാ​ത്ര​മ​ല്ല സ​മീ​പ പ്ര​ദേ​ശ​ങ്ങ​ളി​ലെ കി​ണ​റു​ക​ളി​ലെ​ല്ലാം ജ​ല​നി​ര​പ്പു​യ​ർ​ന്നു. ‌

ഇ​ത്ത​ര​ത്തി​ൽ മ​സ​ഗി​യു​ടെ സേ​വ​ന​ത്തി​ലൂ​ടെ 170 ക​മ്പ​നി​ക​ള​ട​ക്കം അ​നേ​കം സ്ഥാ​പ​ന​ങ്ങ​ളാ​ണ് ജ​ല​ക്ഷാ​മം പ​രി​ഹ​രി​ച്ചി​രി​ക്കു​ന്ന​ത്. വി​പ്രോ, ടാ​റ്റാ, എ​സി​സി, ജി​ൻ​ഡാ​ൽ സ്റ്റീ​ൽ, മൈ​സൂ​രു​വി​ലെ റി​സ​ർ​വ് ബാ​ങ്ക്, പെ​പ്സി തു​ട​ങ്ങി​യ ക​മ്പ​നി​ക​ൾ മ​സ​ഗി​യു​ടെ സേ​വ​നം തേ​ടി​യ​വ​യി​ൽ​പ്പെ​ടു​ന്നു. അ​പ്പാ​ർ​ട്ട്മെ​ന്‍റു​ക​ൾ, വി​ല്ല​ക​ൾ, സ്കൂ​ളു​ക​ൾ തു​ട​ങ്ങി​യ​വ​യും മ​സ​ഗി​യു​ടെ ജ​ല​സം​ര​ക്ഷ​ണ​ത്തി​ന്‍റെ ഗു​ണ​മ​നു​ഭ​വി​ക്കു​ന്നു​ണ്ട്. ഇ​രു​ന്നൂ​റോ​ളം അ​പ്പാ​ർ​ട്ട്മെ​ന്‍റു​ക​ളി​ലും ആ​യി​ര​ത്തോ​ളം വീ​ടു​ക​ളി​ലും ഇ​രു​പ​തി​ല​ധി​കം വ്യ​വ​സാ​യ​സ്ഥാ​പ​ന​ങ്ങ​ളി​ലും ജ​ല​സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രു​ന്നു.

വീ​ടു​ക​ൾ, ഹോ​ട്ട​ലു​ക​ൾ, അ​പ്പാ​ർ​ട്ട്മെ​ന്‍റു​ക​ൾ, വ്യ​വ​സാ​യ ശാ​ല​ക​ൾ എ​ന്നി​വി​ട​ങ്ങ​ളി​ലെ മ​ലി​ന​ജ​ലം ശു​ദ്ധീ​ക​രി​ച്ച് വീ​ണ്ടും ഉ​പ​യോ​ഗി​ക്കു​ന്ന വ​ള​രെ ചെ​ല​വു കു​റ​ഞ്ഞ പ​ദ്ധ​തി​യും മ​സ​ഗി​യു​ടെ നേ​തൃ​ത്വ​ത്തി​ൽ ന​ട​ത്തു​ന്നു​ണ്ട്.

ബാ​ത്ത്റൂ​മു​ക​ളി​ൽ​നി​ന്നും അ​ടു​ക്ക​ള​ക​ളി​ൽനി​ന്നു​മു​ള്ള വെ​ള്ളം ശു​ചീ​ക​രി​ച്ച് ടോ​യ്‌ലറ്റു​ക​ളി​ലും പൂ​ന്തോ​ട്ടം ന​ന​യ്ക്കു​ന്ന​തി​നും ഉ​പ​യോ​ഗി​ക്കു​ന്ന പ​ദ്ധ​തി​ക്ക് ബം​ഗ​ളൂ​രു​വി​ൽ വ​ലി​യ സ്വീ​കാ​ര്യ​ത​യാ​ണു ല​ഭി​ക്കു​ന്ന​തെ​ന്ന് മ​സ​ഗി പ​റ​യു​ന്നു. കൂ​ടാ​തെ കെ​ട്ടി​ട​ങ്ങ​ളു​ടെ മേ​ൽ​ക്കൂ​ര​ക​ളി​ൽ​നി​ന്നു​ള്ള മ​ഴ​വെ​ള്ളം ശേ​ഖ​രി​ച്ച് ശു​ദ്ധീ​ക​രി​ച്ച് ഉ​പ​യോ​ഗി​ക്കു​ന്ന​തി​നും ആ​ളു​ക​ൾ താ​ത്പ​ര്യം കാ​ട്ടു​ന്നു​ണ്ട്.

വരണ്ട ബാല്യകാലം

കു​ട്ടി​ക്കാ​ല​ത്ത​നു​ഭ​വി​ച്ച രൂ​ക്ഷ​മാ​യ ജ​ല​ക്ഷാ​മ​ത്തി​ൽ​നി​ന്നാ​ണ് മ​സ​ഗി ജ​ല​മാ​ന്ത്രി​ക​നാ​യി വ​ള​ർ​ന്ന​ത്. ക​ർ​ണാ​ട​ക​യി​ലെ ഗ​ഡ​ഗ​ജി​ല്ല​യി​ലെ ജ​ല​ക്ഷാ​മം രൂ​ക്ഷ​മാ​യ ന​ഗ​റാ​ൾ വി​ല്ലേ​ജി​ലാ​ണ് മ​സ​ഗി ജ​നി​ച്ചു​വ​ള​ർ​ന്ന​ത്. വേ​ന​ൽ​ക്കാ​ല​ത്ത് ര​ണ്ടു കി​ലോ​മീ​റ്റ​ർ അ​ക​ലെ​നി​ന്നു​മാ​ണ് അ​മ്മ വെ​ള്ളം ചു​മ​ന്നു​കൊ​ണ്ടു​വ​ന്നി​രു​ന്ന​ത്. പു​ല​ർ​ച്ചെ മൂ​ന്നു മു​ത​ൽ അ​മ്മ വെ​ള്ള​ത്തി​നാ​യി പോ​കും. ഇ​തു ക​ണ്ട താ​ൻ ആ​റാം വ​യ​സു​മു​ത​ൽ ജ​ല​ക്ഷാ​മം പ​രി​ഹ​രി​ക്കു​ന്ന​തി​നെ​ക്കു​റി​ച്ച് ചി​ന്തി​ച്ചി​രു​ന്നു​വെ​ന്നാ​ണ് മ​സ​ഗി പ​റ​യു​ന്ന​ത്. മ​ഴ​ക്കാ​ല​ത്തെ വെ​ള്ള​പ്പൊ​ക്ക​വും വേ​ന​ലി​ലെ വ​ര​ൾ​ച്ച​യും ത​ന്‍റെ ചി​ന്ത​ക​ളെ വ​ല്ലാ​തെ ഉ​ല​ച്ചു. എ​ൽ ആ​ൻ​ഡ് ടി​യി​ൽ ജോ​ലി​ചെ​യ്യു​ന്പോ​ഴും ജ​ല​സം​ര​ക്ഷ​ണ​പ്ര​വ​ർ​ത്ത​ന​ങ്ങ​ളാ​യി​രു​ന്നു ത​ന്‍റെ മ​ന​സി​ലെ​ന്നു മ​സ​ഗി പ​റ​യു​ന്നു. ഇ​തേ​ത്തു​ട​ർ​ന്ന് ഉ​ദ്യോ​ഗം വി​ട്ട മ​സ​ഗി 2005ലാ​ണ് വാ​ട്ട​ർ ലി​റ്റ​റ​സി ഫൗ​ണ്ടേ​ഷ​ൻ എ​ന്ന സ​ന്ന​ദ്ധ​സം​ഘ​ട​ന രൂ​പീ​ക​രി​ക്കു​ന്ന​ത്. 2020 ആ​കു​ന്പോ​ഴേ​ക്കും രാ​ജ്യ​ത്തെ ജ​ല​ക്ഷാ​മം പൂ​ർ​ണ​മാ​യും പ​രി​ഹ​രി​ക്കു​ക എ​ന്ന​താ​ണ് സം​ഘ​ട​ന​യു​ടെ ല​ക്ഷ്യം.

അ​ശോ​ക ഓ​ർ​ഗ​നൈ​സേ​ഷ​ൻ യു​എ​സ്എ​യു​ടെ അ​ശോ​ക ഫെ​ലോ​ഷി​പ്, ജം​ന​ലാ​ൽ ബ​ജാ​ജ് നാ​ഷ​ണ​ൽ അ​വാ​ർ​ഡ്, ഡോ​ക്ട​ർ ഓ​ഫ് ബാ​ര​ൺ ബോ​ർ​വെ​ൽ​സ് അ​വാ​ർ​ഡ്, വാ​ട്ട​ർ ഗാ​ന്ധി അ​വാ​ർ​ഡ്, ജ​ല​ശ്രീ അ​വാ​ർ​ഡ്, ക​ർ​ണാ​ട​ക രാ​ജ്യോ​ത്സ​വ് അ​വാ​ർ​ഡ് തു​ട​ങ്ങി നി​ര​വ​ധി പു​ര​സ്കാ​ര​ങ്ങ​ൾ ഇ​തി​നോ​ട​കം ത​ന്നെ അ​യ്യ​പ്പ മ​സ​ഗി​യെ തേ​ടി​യെ​ത്തി​യി​ട്ടു​ണ്ട്. ക​ർ​ണാ​ട​ക, ആ​ന്ധ്ര​പ്ര​ദേ​ശ്, തെ​ലു​ങ്കാ​ന, മ​ഹാ​രാ​ഷ്ട്ര, രാ​ജ​സ്ഥാ​ൻ, ഗു​ജ​റാ​ത്ത് തു​ട​ങ്ങി​യ സം​സ്ഥാ​ന​ങ്ങ​ളി​ലാ​യി 37,000ത്തോ​ളം വേ​ദി​ക​ളി​ൽ അ​യ്യ​പ്പ മ​സ​ഗി ജ​ല​സാ​ക്ഷ​ര​ത​യെ​ക്കു​റി​ച്ചു പ്ര​ചാ​ര​ണം ന​ട​ത്തി​യി​ട്ടു​മു​ണ്ട്.

കേ​ര​ളം അ​ട​ക്ക​മു​ള്ള തെ​ന്നി​ന്ത്യ​ൻ സം​സ്ഥാ​ന​ങ്ങ​ൾ ക​ടു​ത്ത വ​ര​ൾ​ച്ചയെ നേ​രി​ടു​ക​യാ​ണ​ല്ലോ എ​ന്ന ചോ​ദ്യ​ത്തോ​ട് ഒ​രു പ​രി​ഹാ​സ​ച്ചി​രി​യോ​ടെ​യാ​ണ് അ​യ്യ​പ്പ മ​സ​ഗി പ്ര​തി​ക​രി​ച്ച​ത്. ഇ​ട​മു​റി​യാ​ത്ത ഇ​ട​വ​പ്പാ​തി​യും ഇ​ടി​വെ​ട്ടി​പ്പെ​യ്യു​ന്ന തു​ലാ​വ​ർ​ഷവും മൂ​ലം അ​ഹ​ങ്ക​രി​ക്കു​ന്ന​വ​ര​ല്ലേ നി​ങ്ങ​ൾ എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ ചോ​ദ്യം.

44 ന​ദി​ക​ൾ, അ​വ​യു​ടെ കൈ​വ​ഴി​ക​ളാ​യി നൂ​റു​ക​ണ​ക്കി​നു തോ​ടു​ക​ൾ, ത​ടാ​ക​ങ്ങ​ൾ, ആ‍​യി​ര​ക്ക​ണ​ക്കി​ന് കു​ള​ങ്ങ​ളും കി​ണ​റു​ക​ളും എ​ല്ലാം മ​ല​യാ​ളി​ക​ളെ മ​ഴ​വെ​ള്ള​ത്തോ​ട് മ​തി​പ്പി​ല്ലാ​ത്ത​വ​രാ​ക്കി​ത്തീ​ർ​ത്തി​രി​ക്കു​ന്നു. സാ​ധാ​ര​ണ ര​ണ്ടു മു​ത​ൽ മൂ​ന്നു ശ​ത​മാ​നം വ​രെ മ​ഴ​വെ​ള്ള​മാ​ണ് ഭൂ​മി​യി​ലേ​ക്ക് താ​ഴു​ന്ന​ത്. ബാ​ക്കി ഒ​ഴു​കി​പ്പോ​കും. 35 ശ​ത​മാ​നം മ​ഴ​വെ​ള്ളം സം​ഭ​രി​ച്ച് ഉ​പ​യോ​ഗി​ച്ചാ​ൽ ഒ​രി​ക്ക​ലും വ​ര​ൾ​ച്ച ഉ​ണ്ടാ​കി​ല്ല. കേ​ര​ള​ത്തി​ന്‍റെ കാ​ര്യ​ത്തി​ൽ ഇ​ത്ര​പോ​ലും വേ​ണ്ടി​വ​രി​ല്ലെ​ന്നാ​ണ് മ​സ​ഗി ത​റ​പ്പി​ച്ചു​പ​റ​യു​ന്ന​ത്.

സി.​കെ. കു​ര്യാ​ച്ച​ൻ


Copyright @ 2022 , Rashtra Deepika Ltd.