സ്നേഹത്തിനു വിലയിട്ട ആക്ഷൻ ടി-ഫോർ
1940-ൽ ​മ​രി​ക്കു​ന്പോ​ൾ 24 വ​യ​സു​ണ്ടാ​യി​രു​ന്ന അ​ന്ന ലെ​ങ്ക​റി​ങ്ങി​ന്‍റെ ചി​ത്രം ന​ല്കി​യ​ശേ​ഷ​മാ​ണ് ബി​ബി​സി ഇ​ക്ക​ഴി​ഞ്ഞ​ദി​വ​സം ഒ​രു വാ​ർ​ത്ത പ്ര​സി​ദ്ധീ​ക​രി​ച്ച​ത്. "നാ​സി കൂ​ട്ട​ക്കൊ​ല​യു​ടെ വി​സ്മ​രി​ക്ക​പ്പെ​ട്ട ഇ​ര​ക​ളെ​യോ​ർ​ത്ത് 'എ​ന്ന ത​ല​ക്കെ​ട്ടി​ലു​ള്ള വാ​ർ​ത്ത​യാ​യി​രു​ന്നു അ​ത്. സു​ന്ദ​രി​യാ​യ മെ​ലി​ഞ്ഞ പെ​ൺ​കു​ട്ടി​യാ​യി​രു​ന്നു അ​ന്ന. ചെ​റു​പ്പ​ത്തി​ലേ പി​താ​വ് മ​രി​ച്ച​തും മ​റ്റും അ​വ​ളെ മാ​ന​സി​ക​മാ​യി വി​ഷ​മി​പ്പി​ച്ചു. സ്കൂ​ളി​ൽ മി​ക​വു​കാ​ട്ടാ​ൻ ക​ഴി​ഞ്ഞി​ല്ല. തു​ട​ർ​ന്ന് കു​ട്ടി​ക​ൾ​ക്കാ​യു​ള്ള കെ​യ​ർ ഹോ​മി​ൽ അ​വ​ളെ ചേ​ർ​ത്തു. ഇ​തി​നി​ടെ വൃ​ക്ക​രോ​ഗ​ത്തെ തു​ട​ർ​ന്ന് അ​വ​ളെ ആ​ശു​പ​ത്രി​യി​ലെ​ത്തി​ച്ചു. ഡോ​ക്ട​ർ പ​റ​ഞ്ഞ​ത്, കൂ​ടു​ത​ൽ മെ​ച്ച​പ്പെ​ട്ട ചി​കി​ത്സ​യ്ക്കാ​യി അ​വ​ളെ മ​റ്റൊ​രു സ്ഥാ​പ​ന​ത്തി​ലേ​ക്കു മാ​റ്റ​ണ​മെ​ന്നാ​യി​രു​ന്നു. മാ​റ്റു​ക​യും ചെ​യ്തു. പ​ക്ഷേ, അ​വി​ടെ വ​ച്ച് അ​വ​ൾ മ​രി​ച്ചു എ​ന്നാ​ണ് പി​ന്നീ​ട് അ​മ്മ​യ്ക്കു ക​ത്തു ല​ഭി​ച്ച​ത്. വ​യ​റ്റി​ൽ ഇ​ൻ​ഫെ​ക്ഷ​ൻ ഉ​ണ്ടാ​യ​തി​നെ​ത്തു​ട​ർ​ന്ന് അ​വ​ൾ മ​രി​ച്ചു എ​ന്നാ​യി​രു​ന്നു ഡെ​ത്ത് സ​ർ​ട്ടി​ഫി​ക്ക​റ്റ്. പ​ക്ഷേ, അ​ങ്ങ​നെ​യാ​യി​രു​ന്നി​ല്ല. അ​വ​ളെ ഗ്യാ​സ് ചേം​ബ​റി​ലി​ട്ടു കൊ​ല്ലു​ക​യാ​യി​രു​ന്നു. കെ​യ​ർ സെ​ന്‍റ​ർ എ​ന്ന് നാ​സി​ക​ൾ​വി​ളി​ച്ച കൊ​ല​മു​റി​യി​ലെ ഗ്യാ​സ് ചേം​ബ​റി​ൽ അ​ക്കൊ​ല്ലം 10,654 പേ​രെ​യാ​ണ് കൊ​ന്ന​ത്. അ​ന്ന​യു​ടെ ജീ​വ​നെ​ടു​ത്ത ഗ്രേ​ഫ്നെ​ക് യൂ​ത്ത​നേ​ഷി​യ സെ​ന്‍റ​ർ ഇ​ത്ത​ര​ത്തി​ലു​ള്ള ആ​റെ​ണ്ണ​ത്തി​ൽ ഒ​ന്നു മാ​ത്ര​മാ​യി​രു​ന്നു. അവളെ അവിടെ എത്തിച്ച അന്നുതന്നെ ഗ്യാസ് ചേംബറിലേക്ക് കയറ്റിവിട്ടു.

സ്നേ​ഹ​ത്തി​നു പ​ക​രം ലാ​ഭം

വെ​റു​തെ ഭ​ക്ഷ​ണ​വും മ​രു​ന്നും ക​ഴി​ച്ച് സ​മൂ​ഹ​ത്തി​നു ന​ഷ്ട​മു​ണ്ടാ​ക്കി​ക്കൊ​ണ്ടി​രി​ക്കു​ന്ന രോ​ഗി​ക​ളും ശാ​രീ​രി​ക-​മാ​ന​സി​ക ന്യൂ​ന​ത​യു​ള്ള​വ​രു​മൊ​ക്കെ ഉ​ൾ​പ്പെ​ടു​ന്ന മ​നു​ഷ്യ​രെ സ​മൂ​ഹ​ത്തി​ന് ആ​വ​ശ്യ​മി​ല്ലെ​ന്ന ഹി​റ്റ്‌​ല​റു​ടെ തീ​രു​മാ​ന​പ്ര​കാ​ര​മാ​ണ് അ​ന്ന​യെ കൊ​ന്ന​ത്. അ​തി​നെ ഹി​റ്റ്‌​ല​ർ അ​വ​ത​രി​പ്പി​ച്ച​തു ദ​യാ​വ​ധ​മെ​ന്ന പേ​രി​ലാ​യി​രു​ന്നു. ആ​ക്ഷ​ൻ ടി-​ഫോ​ർ എ​ന്നു പേ​രി​ട്ട പ​രി​പാ​ടി​യി​ലൂ​ടെ കൊ​ന്ന​തു കു​ട്ടി​ക​ളു​ൾ​പ്പെ​ടെ മൂ​ന്നു ല​ക്ഷം പേ​രെ. അ​തി​ലൊ​രാ​ൾ മാ​ത്ര​മാ​യി​രു​ന്നു അ​ന്ന. യ​ഹൂ​ദ​ർ ഉ​ൾ​പ്പെ​ടെ​യു​ള്ള​വ​രെ കൂ​ട്ട​ക്കൊ​ല ചെ​യ്യാ​നാ​യി നാ​സി​ക​ൾ പ​ദ്ധ​തി ത​യാ​റാ​ക്കി​യ വാ​ൻ​സി കോ​ൺഫ​റ​ൻ​സി​ന്‍റെ‍ 75-ാം വാ​ർ​ഷി​കം ജ​ർ​മ​നി​യി​ലെ ബു​ണ്‍​ഡെ​സ്റ്റാ​ഗി​ൽ ഇ​ക്ക​ഴി​ഞ്ഞ ജ​നു​വ​രി 27-ന് ​അ​നു​സ്മ​രി​ച്ചു. കോ​ണ്‍​സ​ൻ​ട്രേ​ഷ​ൻ ക്യാ​ന്പു​ക​ളി​ൽ വം​ശ​ഹ​ത്യ ന​ട​ത്തു​ന്ന​തി​നു മു​ന്പാ​യി​രു​ന്നു നാ​സി​ക​ൾ ടി-​ഫോ​ർ പ​ദ്ധ​തി ന​ട​പ്പാ​ക്കി​യ​ത്. 60 ല​ക്ഷം മ​നു​ഷ്യ​രെ കൊ​ന്നൊ​ടു​ക്കി​യ വം​ശ​ഹ​ത്യ​യു​ടെ പ​രി​ശീ​ല​ന​ക്ക​ള​രി​യാ​യി​രു​ന്നു ആ​ക്ഷ​ൻ ടി-​ഫോ​ർ. ഏ​റെ​ക്കാ​ലം ഇ​ര​ക​ളു​ടെ ബ​ന്ധു​ക്ക​ൾ​പോ​ലും പു​റ​ത്തു​പ​റ​യാ​ൻ മ​ടി​ച്ചി​രു​ന്ന ദു​ര​ന്ത​ക​ഥ​യാ​ണ് ആ​ക്‌​ഷ​ൻ ടി-​ഫോ​ർ ദ​യാ​വ​ധം.

ബു​ണ്‍​ഡെ​സ്റ്റാ​ഗി​ലെ അ​നു​സ്മ​ര​ണ ച​ട​ങ്ങി​ൽ ന​ട​ൻ സെ​ബാ​സ്റ്റ്യ​ൻ ഉ​ർ​ബാ​ൻ​സ്കി ഒ​രു ക​ത്തു വാ​യി​ച്ചു. പ​ടി​ഞ്ഞാ​റ​ൻ ജ​ർ​മ്മ​നി​യി​ലെ വെ​യ്ൽ​മ്യൂ​ണ്‍​സ്റ്റ​റി​ലെ ആ​ശു​പ​ത്രി​യെ​ന്നോ പു​ന​ര​ധി​വാ​സ​കേ​ന്ദ്ര​മെ​ന്നോ ഒ​ക്കെ അ​റി​യ​പ്പെ​ട്ടി​രു​ന്ന സ്ഥ​ല​ത്തു​നി​ന്ന് ഏ​ണ​സ്റ്റ് പു​ട്സ്കി അ​മ്മ​യ്ക്കെ​ഴു​തി​യ ക​ത്ത്. അ​നു​സ്മ​ര​ണ​ച്ച​ട​ങ്ങി​ൽ പ​ങ്കെ​ടു​ത്ത മ​നു​ഷ്യ​രു​ടെ ന​ന​ഞ്ഞ ക​ണ്ണു​ക​ൾ​ക്കു മു​ന്നി​ൽ ആ ​ക​ത്തി​ലെ അ​ക്ഷ​ര​ങ്ങ​ൾ ഇ​ങ്ങ​നെ തെ​ളി​ഞ്ഞു:

പ്രി​യ​പ്പെ​ട്ട അ​മ്മേ,
ഞ​ങ്ങ​ളു​ടെ മ​ര​ണം ഏ​തു നി​മി​ഷ​വും സം​ഭ​വി​ക്കാം. അ​ടു​ത്ത​ത് ആ​രാ​ണെ​ന്ന് ഒ​രു നി​ശ്ച​യ​വു​മി​ല്ല. ആ​ദ്യ​മൊ​ക്കെ ഇ​വി​ടെ ആ​ളു​ക​ളെ പെ​ട്ടെ​ന്നു കൊ​ല്ലു​മാ​യി​രു​ന്നു. അ​തി​രാ​വി​ലെ ആ ​മൃ​ത​ദേ​ഹ​ങ്ങ​ൾ എ​ടു​ത്തു​കൊ​ണ്ടു​പോ​കു​മാ​യി​രു​ന്നു ക​ത്തി​ച്ചു​ക​ള​യാ​ൻ. കു​റെ ക​ഴി​ഞ്ഞ​പ്പോ​ൾ പ​രി​സ​ര​വാ​സി​ക​ൾ എ​തി​ർ​പ്പു​യ​ർ​ത്തി. അ​തോ​ടെ ഇ​വ​ർ കൂ​ട്ട​ക്കൊ​ല നി​ർ​ത്തി. ഇ​പ്പോ​ൾ ഞ​ങ്ങ​ളെ പ​ട്ടി​ണി കി​ട​ത്താ​ൻ തു​ട​ങ്ങി​യി​രി​ക്കു​ന്നു....
വി​ല​യി​ല്ലാ​ത്ത ജീ​വ​നെ​ന്ന് ഹി​റ്റ്‌​ല​റു​ടെ ഏ​ജ​ന്‍റു​മാ​ർ ക​ണ​ക്കാ​ക്കി​യ ഏ​ണ​സ്റ്റ് പു​ട്സി​കി പി​ന്നീ​ട് ക​ത്തെ​ഴു​തി​യി​ട്ടി​ല്ല. അ​വ​ന്‍റെ അ​മ്മ ഒ​രി​ക്ക​ലും വാ​യി​ച്ചി​ട്ടി​ല്ലാ​ത്ത ആ ​ക​ത്താ​ണ് അ​നു​സ്മ​ര​ണ ച​ട​ങ്ങി​ൽ സെ​ബാ​സ്റ്റ്യ​ൻ പ​ര​സ്യ​മാ​യി വാ​യി​ച്ച​ത്. ഇ​ങ്ങ​നെ ദ​യാ​വ​ധ​മെ​ന്ന പേ​രി​ൽ കൊ​ന്നൊ​ടു​ക്ക​പ്പെ​ട്ട 3,00,000 മ​നു​ഷ്യ​രു​ടെ ഓ​ർ​മ​യാ​ണ് ഇ​ക്കൊ​ല്ലം ലോ​കം അ​നു​സ്മ​രി​ക്കു​ന്ന​ത്.

നെ​ഞ്ചു പി​ള​ർ​ക്കു​ന്ന പോ​സ്റ്റ​ർ

1938. കാ​ല​മെ​ത്ര ക​ഴി​ഞ്ഞാ​ലും മ​റ​ക്കാ​നാ​വി​ല്ല ആ ​പോ​സ്റ്റ​ർ. ച​രി​ത്ര​ത്തി​ന്‍റെ ചു​വ​രി​ൽ അ​ത​ങ്ങ​നെ ചോ​ര​യൊ​ലി​പ്പി​ച്ചു പ​തി​ഞ്ഞു​കി​ട​ക്കു​ക​യാ​ണ്. മാ​സി​ക​യി​ലും ജ​ർ​മ​നി​യി​ലെ തെ​രു​വു​ക​ളി​ലും പ്ര​ത്യ​ക്ഷ​പ്പെ​ട്ട ആ ​പോ​സ്റ്റ​റി​ൽ ക​റു​ത്ത പാ​ന്‍റ്സും ഷ​ർ​ട്ടും ധ​രി​ച്ച ശാ​രീ​രി​ക ന്യൂ​ന​ത​യു​ള്ളൊ​രാ​ളെ ഇ​രു​ത്തി​യി​രി​ക്കു​ന്നു. അ​യാ​ൾ​ക്കു പി​ന്നി​ൽ ആ​രോ​ഗ്യ​വാ​നാ​യ വെ​ള്ള വ​സ്ത്ര​ധാ​രി നി​ല്ക്കു​ന്നു. പോ​സ്റ്റ​റി​ലെ വാ​ക്കു​ക​ൾ ഇ​ങ്ങ​നെ: ജ​നി​ത​ക​രോ​ഗ​മു​ള്ള ഈ ​മ​നു​ഷ്യ​നു​വേ​ണ്ടി അ​യാ​ളു​ടെ ജീ​വി​ത​കാ​ല​ത്ത് നാം 60,000 ​മാ​ർ​ക്കാ​ണ് ചെ​ല​വാ​ക്കേ​ണ്ടി​വ​രു​ന്ന​ത്. പ്രി​യ സു​ഹൃ​ത്തേ പൊ​തു​ജ​ന​ങ്ങ​ളു​ടെ പ​ണ​മാ​ണ് ഇ​ങ്ങ​നെ ന​ഷ്ട​പ്പെ​ടു​ത്. നി​ങ്ങ​ളു​ടേ​തു​കൂ​ടി​യാ​ണ് ഈ ​പ​ണ​മെ​ന്നു മ​റ​ക്ക​രു​ത്. ന്യൂ ​പീ​പ്പി​ൾ എ​ന്ന നാ​സി മാ​സി​ക​യി​ൽ ഈ ​പ്ര​ച​ര​ണ പോ​സ്റ്റ​ർ പ്ര​സി​ദ്ധീ​ക​രി​ച്ചു.

അ​തൊ​രു ത​യാ​റെ​ടു​പ്പാ​യി​രു​ന്നു. താ​മ​സി​യാ​തെ ഹി​റ്റ്‌​ല​ർ പ​ണി തു​ട​ങ്ങി. അ​നാ​ഥ​രും ശാ​രീ​രി​ക- മാ​ന​സി​ക ന്യൂ​ന​ത​യു​ള്ള​വ​രു​മാ​യ കു​ഞ്ഞു​ങ്ങ​ളെ​യും മു​തി​ർ​ന്ന​വ​രെ​യും പ്ര​ത്യേ​ക കേ​ന്ദ്ര​ങ്ങ​ളി​ലേ​ക്കു മാ​റ്റി. അ​വ​രെ പി​ന്നീ​ടാ​രും ക​ണ്ടി​ട്ടി​ല്ല.

ജൂ​ലൈ മാ​സ​ത്തി​ൽ കി​ഴ​ക്ക​ൻ ജ​ർ​മ​നി​യി​ൽ​നി​ന്ന് റി​ച്ചാ​ർ​ഡ് ക്ര​ഷ്മാ​ർ, ഭാ​ര്യ ലീ​ന എ​ന്നി​വ​ർ ഹി​റ്റ്‌​ല​ർ​ക്ക് ഒ​രു ക​ത്തെ​ഴു​തി. അ​ഞ്ചു മാ​സം മു​ന്പ് ത​ങ്ങ​ൾ​ക്കു ജ​നി​ച്ച മ​ക​നെ കൊ​ല്ലാ​ൻ അ​നു​വ​ദി​ക്ക​ണ​മെ​ന്നാ​യി​രു​ന്നു ആ​വ​ശ്യം. ഗെ​ർ​ഹാ​ദ് എ​ന്നു പേ​രാ​യ കു​ട്ടി​ക്ക് ഒ​രു കൈ​യും കാ​ലു​മി​ല്ലാ​യി​രു​ന്നു. കാ​ഴ്ച​യു​മി​ല്ല. ക​ടു​ത്ത നാ​സി​ക​ളാ​യി​രു​ന്ന മാ​താ​പി​താ​ക്ക​ൾ സ്വ​ന്തം കു​ഞ്ഞി​നെ​ക്കു​റി​ച്ചു പ​റ​ഞ്ഞ​ത് ഒ​രു വി​കൃ​ത​ജീ​വി​യെ​ന്നാ​യി​രു​ന്നു. ഹി​റ്റ്‌​ല​റു​ടെ അ​നു​മ​തി​യോ​ടെ ദി​വ​സ​ങ്ങ​ൾ​ക്ക​കം തൊ​ട്ട​ടു​ത്ത ആ​ശു​പ​ത്രി​യി​ലെ​ത്തി മാ​താ​പി​താ​ക്ക​ൾ ആ ​കൃ​ത്യം നിർ​വ​ഹി​ച്ചു.

അ​ക്കൊ​ല്ലം ഒ​ക്ടോ​ബ​റി​ലാ​ണ് അ​ഡോ​ൾ​ഫ് ഹി​റ്റ്‌​ല​ർ ത​ന്‍റെ സ്വ​കാ​ര്യ ഡോ​ക്ട​റെ ഒ​രു ചു​മ​ത​ല​യേ​ല്പി​ച്ച​ത്. ജീ​വി​ച്ചി​ട്ട് ആ​ർ​ക്കും പ്ര​യോ​ജ​ന​മി​ല്ലാ​ത്ത രോ​ഗി​ക​ളെ​യും ജ​നി​ത​ക​രോ​ഗ​മു​ള്ള കു​ഞ്ഞു​ങ്ങ​ളെ​യു​മൊ​ക്കെ കൊ​ന്നൊ​ടു​ക്കാ​ൻ. ര​ണ്ടാം ലോ​ക​മ​ഹാ​യു​ദ്ധ​ത്തി​ന്‍റെ ‍തു​ട​ക്ക​മെ​ന്നു പ​റ​യാ​വു​ന്ന സെ​പ്റ്റം​ബ​ർ ഒ​ന്ന് തീ​യ​തി വ​ച്ച് ഹി​റ്റ്‌​ല​ർ ഓ​ർ​ഡ​ർ ഇ​റ​ക്കി. കൂ​ട്ട​ക്കൊ​ല​യെ യു​ദ്ധ​ത്തി​ന്‍റെ ചെ​ല​വി​ൽ എ​ഴു​തിത്തള്ളാ​മെ​ന്ന ഉ​ദ്ദേ​ശ​വും ഉ​ണ്ടാ​യി​രു​ന്നു. അ​ങ്ങ​നെ സ​മൂ​ഹ​ത്തി​നു ന​ഷ്ട​മു​ണ്ടാ​ക്കു​ന്ന കു​ഞ്ഞു​ങ്ങ​ളെ ഉ​ൾ​പ്പെ​ടെ കൊ​ന്നൊ​ടു​ക്കാ​നു​ള്ള ടി-​ഫോ​ർ പ്രോ​ഗ്രാം തു​ട​ങ്ങി.

അ​വ​ർ ഡോ​ക്ട​ർ​മാ​രാ​യി​രു​ന്നു

ശാ​രീ​രി​ക-​മാ​ന​സി​ക ന്യൂ​ന​ത​ക​ളോ, ഏ​തെ​ങ്കി​ലും ത​ര​ത്തി​ലു​ള്ള ജ​നി​ത​ക വൈ​ക​ല്യ​ങ്ങ​ളോ ഉ​ള്ള കു​ട്ടി​ക​ൾ ജ​നി​ച്ചാ​ൽ അ​റി​യി​ക്ക​ണ​മെ​ന്ന് ജ​ർ​മ​ൻ ഇ​ന്‍റ്‍ീ​രി​യ​ർ മി​നി​സ്ട്രി ഡോ​ക്ട​ർ​മാ​ർ​ക്ക് അ​റി​യി​പ്പു ന​ല്കി. മാ​താ​പി​താ​ക്ക​ളു​ടെ സ​മ്മ​ത​ത്തോ​ടെ​യും അ​ല്ലാ​തെ​യും ബ​ലം പ്ര​യോ​ഗി​ച്ചു​മൊ​ക്കെ ന്യൂ​ന​ത​ക​ളു​ള്ള കു​ഞ്ഞു​ങ്ങ​ളെ സ​ർ​ക്കാ​ർ പ്ര​ത്യേ​ക ചി​കി​ത്സ​ക്കാ​യി കൊ​ണ്ടു​പോ​യി. അ​ന്ത്യ​യാ​ത്ര. ആ​യി​ര​ക്ക​ണ​ക്കി​നു മാ​ല​ഖക്കു​ഞ്ഞു​ങ്ങ​ളു​ടെ ചോ​ര ജ​ർ​മ​നി​യു​ടെ മ​ണ്ണി​ലേ​ക്ക് ഹി​റ്റ്‌​ല​ർ എ​ന്ന ന​രാ​ധ​മ​ൻ ഒ​ഴു​ക്കി​വി​ട്ടു.

തു​ട​ർ​ന്ന് മു​തി​ർ​ന്ന കു​ട്ടി​ക​ളാ​യി ല​ക്ഷ്യം. ജ​ർ​മ​നി​യി​ലെ വി​വി​ധ സ്ഥ​ല​ങ്ങ​ളി​ലു​ള്ള ആ​റു കേ​ന്ദ്ര​ങ്ങ​ളി​ലേ​ക്ക് ആ​ശു​പ​ത്രി​ക​ളി​ലും അ​നാ​ഥാ​ല​യ​ങ്ങ​ളി​ലും പു​ന​ര​ധി​വാ​സ​കേ​ന്ദ്ര​ങ്ങ​ളി​ലും​നി​ന്ന് കു​ട്ടി​ക​ളെ കൊ​ണ്ടു​പോ​യി. ഇ​ന്ന​ത്തേ​തു​പോ​ലെ​ത​ന്നെ അ​ന്ന​ത്തെ​യും സ്ഥാ​പ​ന​ങ്ങ​ളി​ലേ​റെ​യും ക​ത്തോ​ലി​ക്കാ​സ​ഭ ന​ട​ത്തി​യ​വ​യാ​യി​രു​ന്നു.

പി​ന്നീ​ട് ജ​ർ​മ​നി​യി​ലും പോ​ള​ണ്ടി​ലു​മു​ള്ള മു​തി​ർ​ന്ന​വ​രെ ല​ക്ഷ്യ​മി​ട്ടു. കൂ​ട്ട​ക്കൊ​ല​യു​ടെ ന​ട​ത്തി​പ്പി​ന് ഇ​ട്ട പേ​ര് കേ​ൾ​ക്കു​ക. ചാ​രി​റ്റ​ബി​ൾ ഫൗ​ണ്ടേ​ഷ​ൻ ഫോ​ർ ക്യൂ​ർ ആ​ൻ​ഡ് ഇ​ൻ​സ്റ്റി​റ്റ്യൂ​ഷ​ണ​ൽ കെ​യ​ർ’. ബ​ർ​ലി​നി​ലെ ടി​യ​ർ​ഗാ​ർ​ട്ട​ൻ​സ്ട്രാ​സ്- ഫോ​റി​ലെ ഒ​രു കെ​ട്ടി​ട​ത്തി​ലാ​യി​രു​ന്നു അ​തി​ന്‍റെ ആ​സ്ഥാ​നം. അ​ങ്ങ​നെ​യാ​ണ് ആ​ക്ഷ​ൻ ടി-4 ​എ​ന്ന പേ​ര് ഉ​ത്ഭ​വി​ച്ച​ത്. മൂ​ന്നു ഡോ​ക്ട​ർ​മാ​ർ സാ​ക്ഷ്യ​പ്പെ​ടു​ത്തി​യാ​ൽ ഏ​തൊ​രാ​ളെ​യും ദ​യാ​വ​ധ​ത്തി​നു ശി​പാ​ർ​ശ ചെ​യ്യാം. പ​ല​പ്പോ​ഴും പ​രി​ശോ​ധ​ന​ക​ളൊ​ന്നു​മു​ണ്ടാ​യി​രു​ന്നി​ല്ല. എ​ന്തു ചെ​യ്താ​ലും ചോ​ദി​ക്കാ​നും പ​റ​യാ​നും ആ​ളു​മു​ണ്ടാ​യി​രു​ന്നി​ല്ല.

1941 ഓ​ഗ​സ്റ്റ് 24ന് ​ആ​ക്ഷ​ൻ ടി-4 ​നി​ർ​ത്താ​ൻ ഹി​റ്റ്‌​ല​ർ തീ​രു​മാ​നി​ച്ചു.

അ​രു​തെ​ന്നു പ​റ​ഞ്ഞ ബി​ഷ​പ്

ജ​ർ​മ​നി​യി​ലെ " ദ​യാ​വ​ധ ' കേ​ന്ദ്ര​ങ്ങ​ളു​ടെ പി​ന്നി​ലെ പു​ക​ക്കു​ഴ​ലു​ക​ളി​ൽ​നി​ന്ന് മ​നു​ഷ്യ​നി​ശ്വാ​സം ക​ല​ർ​ന്ന പു​ക വി​ണ്ണി​ലേ​ക്ക് ഉ​യ​രു​ന്പോ​ഴും ലോ​കം സാ​ധാ​ര​ണ​പോ​ലെ ജീ​വി​ച്ചു. കു​ട്ടി​ക​ളു​ടെ ആ​ത്മാ​വു​പോ​ലെ ചി​റ​കു​യ​ർ​ത്തി​യ പു​ക​യി​ൽ ക​ണ്ണു​നീ​റി​യ​വ​രി​ൽ പ്ര​ധാ​നി മൂ​ൺ​സ്റ്റെ​റി​ലെ മെ​ത്രാ​നാ​യി​രു​ന്നു. ബി​ഷ​പ് ക്ല​മ​ൻ​സ് ഓ​ഗ​സ്റ്റ് അ​ദ്ദേ​ഹ​ത്തി​ന്‍റെ ‍ പ്ര​സം​ഗ​ങ്ങ​ളും എ​ഴു​ത്തു​ക​ളും ഹി​റ്റ്‌​ല​റു​ടെ അ​നി​ഷ്ട​ത്തി​നു വ​ഴി​വ​ച്ചു. നി​സ​ഹാ​യ​രാ​യ മ​നു​ഷ്യ​രെ ചി​ല കേ​ന്ദ്ര​ങ്ങ​ളി​ൽ കൊ​ന്നൊ​ടു​ക്കു​ന്നു​ണ്ടെ​ന്ന് അ​ദ്ദേ​ഹം നി​ർ​ഭ​യം വി​ളി​ച്ചു​പ​റ​ഞ്ഞു. ഇ​തു ദൈ​വ ക​ല്പ​ന​യ്ക്കെ​തി​രാ​ണെ​ന്നും മ​നു​ഷ്യ​ൻ ശാ​പ​മേ​റ്റു​വാ​ങ്ങു​മെ​ന്നും മു​ന്ന​റി​യി​പ്പു ന​ല്കു​ന്ന ല​ഘു​ലേ​ഖ​ക​ൾ വി​ത​ര​ണം ചെ​യ്യ​പ്പെ​ട്ടു. ടി-​ഫോ​ർ കൂ​ട്ട​ക്കൊ​ല ഒൗ​ദ്യോ​ഗി​ക​മാ​യെ​ങ്കി​ലും നി​ർ​ത്താ​ൻ ബി​ഷ​പ് ക്ല​മ​ൻ​സി​ന്‍റെ ‍ നി​ല​പാ​ടു​ക​ളും കാ​ര​ണ​മാ​യി. ബി​ഷ​പ്പി​നെ തൂ​ക്കി​ക്കൊ​ല്ലാ​ൻ തീ​രു​മാ​നി​ച്ചെ​ങ്കി​ലും ര​ണ്ടാം ലോ​ക​മ​ഹാ​യു​ദ്ധ​ത്തി​ലെ അ​ന്തി​മ​വി​ജ​യം വ​രെ കാ​ത്തി​രി​ക്കാ​ൻ തീ​രു​മാ​നി​ച്ചു. പ​ക്ഷേ, അ​തി​നു മു​ന്പ് ഹി​റ്റ്‌​ല​റു​ടെ അ​ന്ത്യ​മാ​യി. 1946-ൽ ​ബി​ഷ​പ് ക്ല​മ​ൻ​സി​നെ ക​ർ​ദ്ദി​നാ​ളാ​ക്കി. അ​ക്കൊ​ല്ലം ദി​വം​ഗ​ത​നാ​യ അ​ദ്ദേ​ഹ​ത്തെ 2005-ൽ ​സ​ഭ വാ​ഴ്ത്ത​പ്പെ​ട്ട​വ​നാ​യി പ്ര​ഖ്യാ​പി​ച്ചു.

ഇ​നി​യൊ​രി​ക്ക​ലും ആ​വ​ർ​ത്തി​ക്ക​രു​താ​ത്ത കു​റ്റ​കൃ​ത്യ​മാ​ണ് നാ​സി​സ​വും ഫാ​സി​സ​വു​െ മ​ന്നൊ​ക്കെ ച​രി​ത്രം മു​ന്ന​റി​യി​പ്പു ന​ല്കു​ന്നു. അ​തി​ന്‍റെ ഓ​ർ​മ​ക​ൾ​പോ​ലും മ​നു​ഷ്യ​മ​ന​സു​ക​ൾ​ക്ക് ആ​ഘാ​ത​മാ​ണ്. പ​ക്ഷേ, ഓ​ർ​മ​ക​ൾ ഉ​ണ്ടാ​യി​രി​ക്ക​ണം, ഇ​ത്ത​രം കൊ​ടും​പാ​ത​ക​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ...​ലാ​ഭ​ന​ഷ്ട​ങ്ങ​ൾ നോ​ക്കാ​തെ സ​ഹ​ജീ​വി​ക​ളെ സ്നേ​ഹി​ക്കാ​ൻ.

ജോസ് ആൻഡ്രൂസ്


Copyright @ 2022 , Rashtra Deepika Ltd.