വനിതകൾക്ക് ദീപാലങ്കാരം
തി​ര​ക്കു​ള്ള റോ​ഡി​ലൂ​ടെ 40 അ​ടി നീ​ള​മു​ള്ള ട്രെ​യി​ല​ർ പു​ഷ്പം പോ​ലെ ഓ​ടി​ക്കു​ന്ന സ്ത്രീ ​നി​സാ​ര​ക്കാ​രി​യ​ല്ല. അ​തേ ഇ​ത് ദീ​പ മി​ല​ൻ. സ്കൂ​ട്ട​ർ മു​ത​ൽ ഫോ​ക് ലി​ഫ്ട് പോലെ​യു​ള്ള ഹെ​വി വാ​ഹ​ന​ങ്ങ​ൾ വരെ ദീ​പ​യു​ടെ കൈ​യി​ൽ ഭ​ദ്രം. ഇ​തി​ന​കം 11 ത​രം വാ​ഹ​ന​ങ്ങ​ളു​ടെ ലൈ​സ​ൻ​സാ​ണ് ഡ്രൈ​വിം​ഗി​ലെ ഈ ​താ​രം സ്വ​ന്ത​മാ​ക്കി​യി​രി​ക്കു​ന്ന​ത്. ടു ​വീ​ല​ർ, ത്രീ ​വീ​ല​ർ, ഫോ​ർ വീ​ല​ർ, ബ​സ്, ലോ​റി, ട്രാ​ക്ട​ർ, എ​സ്ക​വേ​റ്റ​ർ, ട്രെ​യി​ല​ർ, ക്രെ​യി​ൻ, ഫോ​ക്‌ലിഫ്ട്, റോ​ഡ് റോ​ള​ർ തു​ട​ങ്ങി 11 ത​രം വാ​ഹ​ന​ങ്ങ​ളു​ടെ ലൈ​സ​ൻ​സു​ള്ള കേ​ര​ള​ത്തി​ലെ അ​പൂ​ർ​വം സ്ത്രീ​ക​ളി​ൽ ഒ​രാ​ളാ​ണ് ദീ​പ.
സൈ​ക്കി​ൾ പോ​ലും ഓ​ടി​ക്കാ​ൻ അ​റി​യാ​തി​രു​ന്ന ദീ​പയാണ് ഇതൊക്കെ സ്വ​ന്ത​മാ​ക്കി​യതെന്നുകൂടി അറിയുക.

സ​മ​യം രാ​വി​ലെ 11 മ​ണി

തി​ര​ക്കേ​റി​യ തോ​പ്പും​പ​ടി ജം​ഗ്ഷ​നി​ലൂ​ടെ ഹാ​ർ​ലി ഡേ​വി​ഡ്സ​ണ്‍ ബൈ​ക്കി​ൽ ഓ​ഫീ​സി​ലേ​ക്ക് പോ​കു​ക​യാ​ണ് ദീ​പ മി​ല​ൻ. പു​രു​ഷന്മാ​ർ​പോ​ലും ഓ​ടി​ക്കാ​ൻ അ​ൽ​പ​മൊ​ന്നു മ​ടി​ക്കു​ന്ന ഈ ​വാ​ഹ​ന​ത്തി​ൽ ഒ​രു സ്ത്രീ​യെ ക​ണ്ട​പ്പോ​ൾ കാ​ഴ്ച​ക്കാ​രു​ടെ മു​ഖ​ത്ത് അ​ന്പ​ര​പ്പും കൗ​തു​ക​വും. അ​ബ​ല​യെ​ന്നു പ​രി​ഹ​സി​ക്കു​ന്ന സ​മൂ​ഹ​ത്തി​ൽ താ​ങ്ങാ​ൻ ചെ​റി​യൊ​രു ക​ര​മു​ണ്ടെ​ങ്കി​ൽ സ്ത്രീ​ക്ക് അ​സാ​ധ്യ​മാ​യി ഒ​ന്നു​മി​ല്ലെ​ന്നു തെ​ളി​യി​ച്ചി​രി​ക്കു​ക​യാ​ണ് ഈ ​യു​വ​തി. സ്കൂ​ട്ട​ർ മു​ത​ൽ ഫോ​ക് ലി​ഫ്ട് വ​രെ​യു​ള്ള ഹെ​വി വാ​ഹ​ന​ങ്ങ​ൾ ദീ​പ​യു​ടെ കൈ​യി​ൽ ഭ​ദ്രം. ഇ​തി​ന​കം 11 ത​രം വാ​ഹ​ന​ങ്ങ​ളു​ടെ ലൈ​സ​ൻ​സാ​ണ് ഡ്രൈ​വിം​ഗി​ലെ ഈ ​താ​രം സ്വ​ന്ത​മാ​ക്കി​യി​രി​ക്കു​ന്ന​ത്. ടു ​വീ​ല​ർ, ത്രീ ​വീ​ല​ർ, ഫോ​ർ വീ​ല​ർ, ബ​സ്, ലോ​റി, ട്രാ​ക്ട​ർ, എ​സ്ക​വേ​റ്റ​ർ, ട്രെ​യി​ല​ർ, ക്രെ​യി​ൻ, ഫോ​ക്‌ലിഫ്ട്, റോ​ഡ് റോ​ള​ർ തു​ട​ങ്ങി 11 ത​രം വാ​ഹ​ന​ങ്ങ​ളു​ടെ ലൈ​സ​ൻ​സു​ള്ള കേ​ര​ള​ത്തി​ലെ അ​പൂ​ർ​വം സ്ത്രീ​ക​ളി​ൽ ഒ​രാ​ളാ​ണ് ദീ​പ.

സൈ​ക്കി​ൾ പോ​ലും ച​വി​ട്ടാ​ന​റി​യാ​തെ

ആ​ലു​വ ദീ​പാ​ഭ​വ​നി​ൽ ഗോ​പി-​ഷൈ​ല​മ്മ ദ​ന്പ​തി​ക​ളു​ടെ മൂ​ത്ത മ​ക​ളാ​യ ദീ​പ​യ്ക്ക് കു​ട്ടി​ക്കാ​ല​ത്ത് വാ​ഹ​ന​ങ്ങ​ളോ​ട് തീ​രെ ക​ന്പ​മി​ല്ലാ​യി​രു​ന്നു. അ​തു​കൊ​ണ്ടു​ത​ന്നെ സൈ​ക്കി​ൾ ഓ​ടി​ക്കാ​ൻ പോ​ലും ദീ​പ ശ്ര​മി​ച്ചി​ട്ടി​ല്ല. താ​ൻ ജീ​വി​ത​ത്തി​ൽ ഒ​രി​ക്ക​ൽ​പോ​ലും ഒ​രു വാ​ഹ​നം ഓ​ടി​ക്കു​മെ​ന്ന് ദീ​പ സ്വ​പ്ന​ത്തി​ൽ​പോ​ലും ക​രു​തി​യി​രു​ന്നി​ല്ല. പ​ക്ഷേ ഇ​ന്ന് ആ ​കൈ​ക​ളി​ൽ ഏ​തു​വാ​ഹ​ന​വും സു​ര​ക്ഷി​ത​മാ​ണ്.

മി​ല​ന്‍റെ ജീ​വി​ത​ത്തി​ലേ​ക്ക്

കാ​ല​ടി ശ്രീ​ശ​ങ്ക​ര കോ​ള​ജി​ൽ ബി​എ ഇം​ഗ്ലീ​ഷ് ലി​റ്റ​റേ​ച്ച​ർ പ​ഠ​നം പൂ​ർ​ത്തി​യാ​യ ഉ​ട​ൻ​തന്നെ​യാ​യി​രു​ന്നു ദീ​പ​യു​ടെ വി​വാ​ഹം. തോ​പ്പും​പ​ടി പ്ര​ദീ​പ് മ​ന്ദി​റി​ൽ മി​ല​നാ​യി​രു​ന്നു വ​ര​ൻ. മി​ല​ന്‍റെ കു​ടും​ബ​മാ​ക​ട്ടെ 40 വ​ർ​ഷ​മാ​യി എ ​ടു സെ​ഡ് എ​ന്ന ഡ്രൈ​വിം​ഗ് സ്കൂ​ൾ ന​ട​ത്തു​ന്നു. മി​ല​ന്‍റെ അ​മ്മ രാ​ധാ​മ​ണി പോ​ലും സ്കൂ​ട്ട​ർ ഓ​ടി​ക്കു​മാ​യി​രു​ന്നു. ഡ്രൈ​വിം​ഗ് അ​റി​യാ​തി​രു​ന്ന ആ ​ബു​ദ്ധി​മു​ട്ട് ദീ​പ​യു​ടെ വാ​ക്കു​ക​ളി​ലൂ​ടെ...

ഞാ​ൻ വി​വാ​ഹം ക​ഴി​ച്ചു വ​രു​ന്പോ​ൾ ഇ​വി​ടെ അ​മ്മ പോ​ലും ടൂ​വീ​ല​ർ ഓ​ടി​ക്കു​മാ​യി​രു​ന്നു. മി​ല​ൻ ചേ​ട്ട​ന്‍റെ സ​ഹോ​ദ​രി മി​നി​ലാ​ൽ കേ​ര​ള​ത്തി​ൽ ആ​ദ്യ​ത്തെ ഓ​ട്ടോ​മൊ​ബൈ​ൽ ഡി​പ്ലോ​മ നേ​ടി​യ വ​നി​ത​യാ​ണ്. എ​ല്ലാ​വ​ർ​ക്കും വ​ണ്ടി ഓ​ടി​ക്കാ​ൻ അ​റി​യാം. എ​വി​ടെ​യെ​ങ്കി​ലും പോ​കേ​ണ്ടി​വ​രു​ന്പോ​ഴാ​ണ് ബു​ദ്ധി​മു​ട്ടു​ണ്ടാ​കു​ക. കൊ​ണ്ടു​പോ​യി വി​ടാ​ൻ ആ​ർ​ക്കും സ​മ​യം കാ​ണി​ല്ല. വ​ണ്ടി ത​രാം, ത​നിയെ പൊയ് ക്കൊ​ള്ളാ​ൻ പ​റ​യും. ഒ​രു സൈ​ക്കി​ൾ പോ​ലും ഓ​ടി​ക്കാ​ൻ അ​റി​യാ​ത്ത എ​നി​ക്ക് ആ​ദ്യ​മൊ​ക്കെ ബു​ദ്ധി​മു​ട്ടാ​യി​രു​ന്നു.’’

അ​ങ്ങ​നെ വി​വാ​ഹം ക​ഴി​ഞ്ഞ് ഒ​രു വ​ർ​ഷ​ത്തി​നു​ശേ​ഷം ഡ്രൈ​വിം​ഗ് പ​ഠി​ക്കാ​ൻ ഞാ​നും തീ​രു​മാ​നി​ച്ചു. മി​ല​ൻ ചേ​ട്ട​ൻ​തന്നെ​യാ​ണ് അ​തി​നു​ള്ള പ്ര​ചോ​ദ​നം. അ​ദ്ദേ​ഹം എ​ന്നെ ടൂ​വീ​ല​ർ ഓ​ടി​ക്കാ​ൻ പ​ഠി​പ്പി​ച്ചു. സൈ​ക്കി​ൾ അ​റി​യി​ല്ലാ​ത്ത​തു​കൊ​ണ്ട് വ​ള​രെ പ്ര​യാ​സ​മാ​യി​രു​ന്നു. വീ​ണു കാ​ലു​പൊ​ട്ടി. എ​ങ്കി​ലും പ​രി​ശ്ര​മം ഉ​പേ​ക്ഷി​ക്കാ​ൻ ഞാ​ൻ ത​യാ​റാ​യി​ല്ല. അ​ങ്ങ​നെ 1995-ൽ ​ടൂ വീ​ല​ർ ലൈ​സ​ൻ​സ് കി​ട്ടി. സ്കൂ​ട്ട​ർ ഓ​ടി​ക്ക​ലി​ൽ നി​ന്ന് ബൈ​ക്കി​ലേ​ക്കും ബു​ള്ള​റ്റി​ലേ​ക്കു​മൊ​ക്കെ ഞാ​ൻ മാ​റി. പ​തു​ക്കെ ആ​ത്മ​വി​ശ്വാ​സം കി​ട്ടി​ത്തു​ട​ങ്ങി. പി​ന്നെ ഫോ​ർ​വീ​ല​ർ ലൈ​സ​ൻ​സും കി​ട്ടി.

ഹെ​വി വാ​ഹ​ന​ങ്ങ​ളി​ലേ​ക്ക്

ഫോ​ർ​വീ​ല​ർ ലൈ​സ​ൻ​സ് കി​ട്ടി​യ​തോ​ടെ എ​നി​ക്ക് ആ​ത്മ​വി​ശ്വാ​സം കൂ​ടി. അ​ങ്ങ​നെ​യാ​ണ് ബ​സും ലോ​റി​യും ഓ​ടി​ക്കാ​ൻ പ​ഠി​ച്ച​ത്. 1996-ൽ ​ആ ലൈ​സ​ൻ​സും സ്വ​ന്ത​മാ​ക്കി. പി​ന്നെ ഡ്രൈ​വിം​ഗി​ൽ താ​ത്പ​ര്യം കൂ​ടി​ത്തു​ട​ങ്ങി. തു​ട​ർ​ന്ന് ക്രെ​യി​നും ജെ​സി​ബി​യും ഓ​ടി​ക്കാ​ൻ പ​ഠി​ച്ചു. ഇ​വ​യു​ടെ ടെ​സ്റ്റ് ഒ​രു ദി​വ​സം ത​ന്നെ​യാ​യി​രു​ന്നു. ര​ണ്ടി​ലും വി​ജ​യി​ച്ചു. ട്രെ​യി​ല​ർ, ക്രെ​യി​ൻ, ഫോക്‌ലിഫ്ട് എ​ന്നി​വ​യു​ടെ ലൈ​സ​ൻ​സും ല​ഭി​ച്ചു. എ​ല്ലാ​ത്ത​രം വാ​ഹ​ന​ങ്ങ​ളും ഓ​ടി​ക്കാ​ൻ പ​ഠി​പ്പി​ച്ച​ത് ഭ​ർ​ത്താ​വ് മി​ല​ൻ ത​ന്നെ​യാ​യി​രു​ന്നു.

മോ​ട്ടോ​ർ വാ​ഹ​ന വ​കു​പ്പി​നെ വെ​ട്ടി​ലാ​ക്കി

ഒ​ടു​വി​ൽ മോ​ട്ടോ​ർ വാ​ഹ​ന വ​കു​പ്പി​നെ​യും ദീ​പ വെ​ട്ടി​ലാ​ക്കി. ലൈ​സ​ൻ​സി​ൽ ഏ​ഴു വി​ഭാ​ഗം വാ​ഹ​ന​ങ്ങ​ളു​ടെ വി​വ​ര​ങ്ങ​ൾ രേ​ഖ​പ്പെ​ടു​ത്താ​നു​ള്ള സ്ഥ​ല​മേ​യു​ള്ളൂ. എ​ന്നാ​ൽ ദീ​പ​യ്ക്ക് സ്വ​ന്ത​മാ​യി​ട്ടു​ള്ള​ത് 11 വി​ഭാ​ഗം വാ​ഹ​ന​ങ്ങ​ളു​ടെ ലൈ​സ​ൻ​സാ​ണ്. സ്ഥ​ല​മി​ല്ലാ​ത്ത​തി​നാ​ൽ നാ​ലു വാ​ഹ​ന​ങ്ങ​ളു​ടെ വി​വ​ര​ങ്ങ​ൾ ഒ​ന്നി​നു​മീ​തേ ഒ​ന്നാ​യി എ​ഴു​തി​ച്ചേ​ർ​ത്താ​ണ് മോ​ട്ടോ​ർ വാ​ഹ​ന​വ​കു​പ്പ് ലൈ​സ​ൻ​സ് ന​ൽ​കി​യി​രി​ക്കു​ന്ന​ത്.

വ​ലി​യ വാ​ഹ​ന​ങ്ങ​ൾ ഓ​ടി​ക്കാ​ൻ എ​ളു​പ്പം

വ​ലി​യ വാ​ഹ​ന​ങ്ങ​ൾ ഓ​ടി​ക്കാ​നാ​ണ് കൂ​ടു​ത​ൽ എ​ളു​പ്പ​മാ​യി തോ​ന്നി​യി​ട്ടു​ള്ള​ത്. 40 അ​ടി നീ​ള​മു​ള്ള ട്രെ​യി​ല​റു​മാ​യി റോ​ഡി​ലേ​ക്കി​റ​ങ്ങി​യാ​ൽ മ​റ്റു ഡ്രൈ​വ​ർ​മാ​ർ സ്ത്രീ​യെ​ന്ന പ​രി​ഗ​ണ​ന ന​ൽ​കി മാ​ന്യ​മാ​യി പെ​രു​മാ​റും. വ​ലി​യ വാ​ഹ​ന​ങ്ങ​ൾ ഓ​ടി​ക്കു​ന്പോ​ൾ കാ​യി​ക​ക്ഷ​മ​ത​യും ആ​രോ​ഗ്യ​വും വേ​ണ​മെ​ന്നാ​ണ് എ​ല്ലാ​വ​രും ക​രു​തു​ന്ന​ത്. ന​ന്നാ​യി ശ്ര​ദ്ധി​ച്ചാ​ൽ മ​തി.

പു​രു​ഷന്മാ​രെ​ക്കാ​ൾ ശ്ര​ദ്ധ​യോ​ടെ സ്ത്രീ​ക​ൾ വാ​ഹ​നം കൈ​കാ​ര്യം ചെ​യ്യും. ദൈ​വാ​നു​ഗ്ര​ഹ​ത്താ​ൽ ഇ​തു​വ​രെ അ​പ​ക​ട​ങ്ങ​ളൊ​ന്നും ഉ​ണ്ടാ​യി​ട്ടി​ല്ല.- അ​നു​ഭ​വ​ത്തി​ന്‍റെ വെ​ളി​ച്ച​ത്തി​ൽ ദീ​പ പ​റ​യു​ന്നു.

കു​ടും​ബ​ത്തി​ന്‍റെ സ്ഥി​രം ഡ്രൈ​വ​ർ

വ​ണ്ടി​യോ​ടി​ക്കാ​ൻ പ​ഠി​ച്ച​തി​നു​ശേ​ഷം കു​ടും​ബ​യാ​ത്ര​ക​ളി​ലെ​ല്ലാം ഞാ​ൻ ത​ന്നെ​യാ​ണ് സ്ഥി​രം ഡ്രൈ​വ​ർ. മും​ബൈ, മൈ​സൂ​ർ എ​ന്നി​വി​ട​ങ്ങ​ളി​ലേ​ക്ക് യാ​ത്ര പോ​യ​പ്പോ​ൾ ഭ​ർ​ത്താ​വും ഞാ​നും മാ​റി​മാ​റി​യാ​ണ് വ​ണ്ടി ഓ​ടി​ച്ച​ത്. കു​ടും​ബാം​ഗ​ങ്ങ​ൾ എ​ല്ലാ​വ​രു​മാ​യി തോ​പ്പും​പ​ടി​യി​ലെ വീ​ട്ടി​ൽ നി​ന്ന് ബ​സി​ൽ യാ​ത്ര പോ​കു​ന്പോ​ഴെ​ല്ലാം ഞാ​നാ​ണ് വ​ണ്ടി ഓ​ടി​ക്കാ​റു​ള്ള​ത്. ആ​ല​പ്പു​ഴ​യി​ലെ ഡ്രൈ​വിം​ഗ് സ്കൂ​ളി​ലേ​ക്ക് ജെ​സി​ബി​യും ക്രെ​യി​നും റോ​ഡ് റോ​ള​റു​മൊ​ക്കെ കൊ​ണ്ടു​പോ​കു​ന്ന​തും ഞാ​ൻ ത​നി​ച്ചാ​ണ്.

പ​ഠി​പ്പി​ച്ച​ത് ര​ണ്ടാ​യി​ര​ത്തി​ല​ധി​കംപേ​രെ

എ​റ​ണാ​കു​ള​ത്തെ എ ​ടു സെ​ഡ് ഡ്രൈ​വിം​ഗ് സ്കൂ​ൾ ഉ​ട​മ​യാ​യ ഭ​ർ​ത്താ​വ് മി​ല​നെ സ​ഹാ​യി​ക്കു​ന്നു​ണ്ടെ​ങ്കി​ലും മ​ട്ടാ​ഞ്ചേ​രി ഹാ​ൾ​ട്ടി​ലു​ള്ള ഓ​ഫീ​സി​ന്‍റെ പ്ര​വ​ർ​ത്ത​ന​ങ്ങ​ളാ​ണ് ദീ​പ നോ​ക്കു​ന്ന​ത്. എ ​ടു സെ​ഡി​ന് വി​വി​ധ സ്ഥ​ല​ങ്ങ​ളി​ലാ​യി 11 ഡ്രൈ​വിം​ഗ് സ്കൂ​ളു​ക​ളാ​ണു​ള്ള​ത്. ഇ​തി​ന​കം ത​ന്നെ 2000ല​ധി​കം പേ​രെ ദീ​പ ഡ്രൈ​വിം​ഗ് പ​ഠി​പ്പി​ച്ചുക​ഴി​ഞ്ഞു. ഇ​തി​ൽ ചെ​റു​പ്പ​ക്കാ​ർ മു​ത​ൽ 60 വ​യ​സ് പി​ന്നി​ട്ട​വ​ർ വ​രെ​യു​ണ്ട്. ഹെ​വി വാ​ഹ​ന​ങ്ങ​ളി​ൽ പ​ല​രും ഡ്രൈ​വ​ർ​മാ​രാ​യി വി​വി​ധ സ്ഥാ​പ​ന​ങ്ങ​ളി​ൽ ജോ​ലി ചെ​യ്യു​ന്നു.

കു​ടും​ബ​ത്തി​ന്‍റെ പി​ന്തു​ണ

ഭ​ർ​ത്താ​വി​ന്‍റെ​യും കു​ടും​ബ​ത്തി​ന്‍റെ​യും പി​ന്തു​ണ കൊ​ണ്ടു​മാ​ത്ര​മാ​ണ് ത​നി​ക്ക് ഈ ​രം​ഗ​ത്ത് ശോ​ഭി​ക്കാ​നാ​യ​തെ​ന്ന് ദീ​പ പ​റ​യു​ന്നു. മ​ക്ക​ളാ​യ ബി​ടെ​ക് വി​ദ്യാ​ർ​ഥി അ​ര​വി​ന്ദ് മി​ല​നും പ്ല​സ്ടു വി​ദ്യാ​ർ​ഥി ആ​ന​ന്ദ് മി​ല​നും മാ​താ​പി​താ​ക്ക​ളെ​പ്പോ​ലെ ഡ്രൈ​വിം​ഗി​ൽ ക​ന്പ​മു​ണ്ട്.


സീ​മ മോ​ഹ​ൻ​ലാ​ൽ
ഫോ​ട്ടോ:
അ​ഖി​ൽ പു​രു​ഷോ​ത്ത​മ​ൻ


Copyright @ 2022 , Rashtra Deepika Ltd.