അപ്രാണി കൃഷ്ണകുമാര്‍ വധം: പീലി ഷിബു അറസ്റ്റില്‍
Sunday, April 21, 2013 11:54 AM IST
തിരുവനന്തപുരം: അപ്രാണി കൃഷ്ണകുമാര്‍ വധക്കേസിലെ പ്രതി പീലി ഷിബു അറസ്റ്റില്‍. കേസില്‍ മൂന്നാം പ്രതിയായിരുന്ന ഇയാള്‍ ദീര്‍ഘകാലമായി ഒളിവിലായിരുന്നു. കഴക്കൂട്ടം പോലീസാണ് ഒളിസങ്കേതത്തില്‍നിന്ന് ഇയാളെ അറസ്റ്റ് ചെയ്തത്. മറ്റു പ്രതികളുടെ വിധി പറയാനിരിക്കേയാണ് ഷിബു അറസ്റ്റിലാകുന്നത്.

കുപ്രസിദ്ധ ഗുണ്ടകളായ ഒംപ്രകാശ് , അമ്പലമുക്ക് കൃഷ്ണകുമാര്‍ ഉള്‍പ്പെടെ പന്ത്രണ്ട് പേരാണ് പ്രതികള്‍. ഇതില്‍ എട്ടു പേരുടെ വിചാരണയാണ് പൂര്‍ത്തിയായത്. പീലി ഷിബു ഉള്‍പ്പെടെ നാലു പേര്‍ ഒളിവിലായിരുന്നു.

2007 ഫെബ്രുവരി ഇരുപതിനാണ് തിരുവനന്തപുരം ചാക്ക ബസാറിന് സമീപത്ത് വെച്ച് അപ്രാണി കൃഷ്ണകുമാറിനെ വെട്ടിക്കൊന്നത്. രഹസ്യാന്വേഷണ വിഭാഗത്തിന്റെ മുന്നറിയിപ്പിനെ തുടര്‍ന്ന് ജഡ്ജി കെ പി ഇന്ദിരക്കും പബ്ളിക് പ്രോസിക്യൂട്ടര്‍ സാജന്‍ പ്രസാദിനും പൊലീസ് സുരക്ഷ നല്‍കി.