കര്‍ണാടകയില്‍ ജനവിധി തേടാന്‍ 3600 ലധികം സ്ഥാനാര്‍ഥികള്‍
Saturday, April 20, 2013 11:31 AM IST
ബാംഗളൂര്‍: മെയ് അഞ്ചിന് നിയമസഭാ തെരഞ്ഞെടുപ്പ് നടക്കുന്ന കര്‍ണാടകയില്‍ ജനവിധി തേടാന്‍ 3600 ലധികം സ്ഥാനാര്‍ഥികള്‍.

225 അംഗ സഭയിലെ 224 സീറ്റുകളിലേക്ക് നടക്കുന്ന തെരഞ്ഞെടുപ്പില്‍ നാമനിര്‍ദേശ പത്രിക പിന്‍വലിക്കാനുള്ള അവസരം ശനിയാഴ്ച അവസാനിച്ചിരുന്നു. ഇതിനുശേഷമാണ് തെരഞ്ഞെടുപ്പ് കമ്മീഷന്‍ സ്ഥാനാര്‍ഥികളുടെ കണക്ക് പുറത്തുവിട്ടത്. എന്നാല്‍ കൃത്യമായി എത്ര സ്ഥാനാര്‍ഥികളുണ്ടെന്നത് ഞായറാഴ്ച മാത്രമേ വ്യക്തമാകൂ. 17 ആയിരുന്നു പത്രിക സമര്‍പ്പിക്കാനുള്ള അവസാന തീയതി. 3945 സ്ഥാനാര്‍ഥികള്‍ പത്രിക സമര്‍പ്പിച്ചിരുന്നു.

സൂക്ഷ്മപരിശോധനയ്ക്ക് ശേഷം 3692 പത്രികകള്‍ നിലനില്‍ക്കുന്നതാണെന്ന് വ്യക്തമായിരുന്നതായി ചീഫ് ഇലക്ട്രല്‍ ഓഫീസര്‍ അനില്‍ കുമാര്‍ ഥാ പറഞ്ഞു. മേയ് എട്ടിനാണ് വോട്ടെണ്ണല്‍.