മന്ത്രിക്കും എംഎൽഎയ്ക്കുമെതിരായ ആരോപണം അന്വേഷിക്കണമെന്ന് വി.എസ്
Sunday, August 20, 2017 1:20 AM IST
തിരുവനന്തപുരം: ഗതാഗതമന്ത്രി തോമസ് ചാണ്ടി, നിലന്പൂർ എംഎൽഎ പി.വി. അൻവർ എന്നിവർക്കെതിരായ ഭൂമി കൈയേറ്റ ആരോപണത്തിൽ അന്വേഷണം വേണമെന്ന് ഭരണപരിഷ്കാര കമ്മീഷൻ അധ്യക്ഷൻ വി.എസ്. അച്യുതാനന്ദൻ. മുഖ്യമന്ത്രിക്കയച്ച കത്തിലാണ് അദ്ദേഹം ഇക്കാര്യം ആവശ്യപ്പെട്ടിരിക്കുന്നത്. ഇരുവർക്കുമെതിരായ ആരോപണത്തിൽ സർക്കാരിന്‍റെ പ്രതിച്ഛായയെ ബാധിക്കുന്ന സാഹചര്യമുണ്ടാകരുതെന്നും വി.എസ് കത്തിൽ ആവശ്യപ്പെടുന്നു.

ആരോപണ വിധേയരെ സിപിഎം സംരക്ഷിക്കുന്നെന്ന പ്രതിപക്ഷ വിമർശനം ഉയരുന്നതിനിടെയാണ് അന്വേഷണം വേണമെന്ന ആവശ്യവുമായി വി.എസ് രംഗത്തെത്തിരിക്കുന്നത്. നിയമസഭയിൽ തോമസ് ചാണ്ടിയെയും അൻവറിനെയും സംരക്ഷിക്കുന്ന നിലപാടാണ് മുഖ്യമന്ത്രി പിണറായി വിജയനും സ്വീകരിച്ചിരുന്നത്.

നേരത്തേ, തോമസ് ചാണ്ടിക്കും പി.വി. അൻവറിനുമെതിരായ ആരോപണങ്ങളിൽ റവന്യൂമന്ത്രി ഇ. ചന്ദ്രശേഖരൻ വിശദമായ റിപ്പോർട്ട് തേടിയിരുന്നു. ആലപ്പുഴ, കോഴിക്കോട് ജില്ലാ കളക്ടർമാരോടാണ് മന്ത്രി റിപ്പോർട്ട് ആവശ്യപ്പെട്ടത്. റിപ്പോർട്ടിൽ കൈയേറിയെന്ന് തെളിഞ്ഞാൽ നടപടിയെടുക്കുമെന്ന് മന്ത്രി പറഞ്ഞു.

RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.