ധനമന്ത്രി അറിയാൻ; കേരളത്തിൽ ജിഎസ്ടി കണക്കൂകൂട്ടുന്നത് ഇങ്ങനെയാണ്!
Monday, July 17, 2017 4:08 AM IST
കോട്ടയം: ചെ​റി​യ​ ക​ട​ക​ളി​ൽ നി​ന്നു സാ​ധ​നം വാ​ങ്ങു​ന്ന​വ​രെ ജി​സ്ടി​യു​ടെ പേ​രി​ൽ കൊ​ള്ള​യ​ടി​ക്കു​ന്ന​ സംഭവം പതിവാകുന്നു. കോട്ടയം പാലാ സ്വദേശിനിയായ വീട്ടമ്മയിൽ നിന്നും നഗരത്തിലെ ഒരു ലേഡി സ്റ്റോർ ജിഎസ്ടി ഈടാക്കിയത് കൗതുകകരമാണ്. ലേ​ഡീ​സ് സ്റ്റോ​റി​ൽ ചെ​ന്ന് ഹെ​യ​ർ ബാ​ൻ​ഡും ടൂ​ത്ത് പേ​സ്റ്റും അ​ട​ക്കം നാ​ല് ഉ​ത്പ​ന്ന​ങ്ങ​ൾ വാ​ങ്ങി​യ വീ​ട്ട​മ്മ​യ്ക്ക് കി​ട്ടി​യ ബി​ല്ലി​ൽ ജി​എ​സ്ടി ചേ​ർ​ത്ത് രേ​ഖ​പ്പെ​ടു​ത്തി​യി​രി​ക്കു​ന്ന​ത് 175 രൂ​പ. സാ​ധ​ന​ങ്ങ​ളു​ടെ നി​കു​തി​യ​ട​ക്ക​മു​ള്ള 143 രൂ​പ​യും ജി​എ​സ്ടി എ​ന്ന് പേ​ന​കൊ​ണ്ട​ഴു​തി​യ 32 രൂ​പ​യും ചേ​ർ​ത്ത് ബി​ല്ലി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത് 175 രൂ​പ​യാ​ണ്.

പ​റ്റി​ക്ക​പ്പെ​ടു​ക​യാ​ണെ​ന്ന് മ​ന​സി​ലാ​കാ​തെ ക​ട​യു​ട​മ പ​റ​ഞ്ഞ മു​ഴു​വ​ൻ തു​ക​യും ന​ൽ​കി വീ​ട്ടി​മ്മ മ​ട​ങ്ങി. നി​കു​തി​യും സി​ജി​എ​സ്ടി​യും എ​സ്ജി​എ​സ്ടി​യും രേ​ഖ​പ്പെ​ടു​ത്തി​യ ബി​ല്ലി​ൽ കൃ​ത്രി​മം ന​ട​ത്താ​ൻ സാ​ധി​ക്കി​ല്ലെ​ന്ന് ചി​ന്തി​ക്കു​ന്ന സാ​ധാ​ര​ണ​ക്കാ​ര​നാ​ണ് കൂ​ടു​ത​ലും പ​റ്റി​പ്പി​ക്ക​പ്പെ​ടു​ന്ന​ത്. പ്രി​ന്‍റ് ചെ​യ്ത ബി​ല്ലി​ൽ കൈ​കൊ​ണ്ട് തു​ക എ​ഴു​താ​ൻ പാ​ടി​ല്ലെ​ന്ന നി​യ​മ​മു​ള്ള കാ​ര്യം പോലും പ​ല​ർ​ക്കും അ​റി​യി​ല്ല.

മാ​ത്ര​മ​ല്ല, നി​കു​തി ഈ​ടാ​ക്കി​യ സാ​ധ​ന​ത്തി​നാ​ണ് വീ​ണ്ടും ജി​എ​സ്ടി എ​ന്നു​പ​റ​ഞ്ഞ് അ​മി​ത​തു​ക വാ​ങ്ങി ഉ​പ​ഭോ​ക്താ​വി​നെ പ​റ്റി​ക്കു​ന്ന​ത്. ഉ​പ​ഭോ​ക്താ​വ് പ​രാ​തി​പ്പെ​ട്ടാ​ൽ ചെ​റി​യ ക​ട​ക​ൾ ബി​ൽ ന​ന്പ​രും തു​ക​യും മാ​ത്രം വി​ൽ​പ​ന നി​കു​തി വ​കു​പ്പി​ന്‍റെ വെ​ബ്സൈ​റ്റി​ൽ അ​പ്‌​ലോ​ഡ് ചെ​യ്യും. അ​തി​നാ​ൽ ഉ​പ​യോ​ക്താ​വി​ന്‍റെ കൈ​യി​ൽ നി​ന്നു അ​മി​ത​മാ​യി തു​ക ഈ​ടാ​ക്കു​ന്ന വി​വ​രം വി​ൽ​പ​ന നി​കു​തി ഉ​ദ്യോ​ഗ​സ്ഥ​ർ​ക്കും അ​റി​യാ​ൽ കഴിയുന്നില്ല. ക​ട​ക​ളി​ൽ നി​ന്നു ല​ഭി​ക്കു​ന്ന ബി​ല്ലി​ൽ സം​ശ​യ​മുണ്ടായാൽ വി​ൽ​പ​ന നി​കു​തി ഉ​ദ്യോ​ഗ​സ്ഥ​രെ സമീപിക്കാൻ ആരും മടിക്കരുത്.

RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.