കൽക്കരി ഇടപാട്: മുൻ കൽക്കരി സെക്രട്ടറി എച്ച്. സി. ഗുപ്ത കുറ്റവാളി
Friday, May 19, 2017 12:32 AM IST
ന്യൂഡൽഹി: കൽക്കരി ഇടപാടു കേസിൽ മുൻ കൽക്കരി സെക്രട്ടറി എച്ച്. സി. ഗുപ്ത കുറ്റവാളിയെന്ന് സിബിഐ പ്രത്യേക കോടതി. കൽക്കരി മന്ത്രാലയത്തിലെ മുൻ ജോയിന്‍റ് സെക്രട്ടറി, കെ.എസ്. ക്രോഫ, പന്നീട് ഡയറക്ടർ സ്ഥാനം വഹിച്ച കെ.സി.സമരിയ എന്നിവരും കുറ്റവാളികളാണെന്ന് സിബിഐ കോടതി ജഡ്ജ് ഭരത് പരാശർ വ്യക്തമാക്കി. മധ്യപ്രദേശിലെ രുന്ദ്രാപുരിയിൽ അനധികൃതമായി കൽക്കരിപ്പാടങ്ങൾ അനുവദിച്ചു എന്ന കേസിലാണ് ഇവരെ കുറ്റവാളികളായി പ്രഖ്യാപിച്ചത്.

കെഎസ്എസ്പിഎൽ എന്ന കമ്പനിക്കാണ് അനധികൃതമായി കൽക്കരിപ്പാടം അനുവദിച്ചത്. കമ്പനി സമർപ്പിച്ച അപേക്ഷ അപൂർണമായിരുന്നുവെന്നും ഇത് തള്ളപ്പെടേണ്ടതായിരുന്നു എന്നും നേരത്തെ സിബിഐ കണ്ടെത്തിയിരുന്നു. കമ്പനി എംഡി പവൻകുമാർ അലുവാലിയയും കുറ്റവാളിയാണെന്ന് കോടതി കണ്ടെത്തി. ഇവർക്കുള്ള ശിക്ഷ ഈ മാസം 22 ന് കോടതി പ്രഖ്യാപിക്കും.

അതിനിടെ, ഗുപ്തക്കെതിരായി എട്ടോളം മറ്റ് കുറ്റപത്രങ്ങൾ കൂടി സമർപ്പിക്കപ്പെട്ടിണ്ട്. ഇതെല്ലാംകൂടി സംയുക്ത വിചാരണയ്ക്ക് വിധേയമാക്കണമെന്ന ഗുപ്തയുടെ അപേക്ഷ നേരത്തെ സുപ്രീം കോടതി തള്ളിയിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.