അതിരപ്പിള്ളി പദ്ധതി നടപ്പാക്കാൻ അനുവദിക്കില്ലെന്ന് വീണ്ടും സിപിഐ
Tuesday, March 21, 2017 8:58 AM IST
തിരുവനന്തപുരം: അതിപ്പിള്ളി പദ്ധതി നടപ്പാക്കാൻ അനുവദിക്കില്ലെന്ന് ആവർത്തിച്ച് വ്യക്തമാക്കി സിപിഐ. പ്രകൃതിക്ക് ദോഷമുണ്ടാക്കുന്ന പദ്ധതികൾ നടപ്പാക്കുന്നതിന് ഹാലിളക്കണ്ടെന്ന് സിപിഐ സംസ്ഥാന അസിസ്റ്റന്‍റ് സെക്രട്ടറി പ്രകാശ് ബാബു പറഞ്ഞു. വൈദ്യുതി ബോർ‌ഡിലെ ചില എൻജിനിയർമാരാണ് പദ്ധതിക്കായി ഇറങ്ങിത്തിരിച്ചിരിക്കുന്നതെന്നും സാമ്പത്തിക നേട്ടങ്ങൾക്കായാണ് ഇത്തരക്കാർ തുനിഞ്ഞിറങ്ങിയിരിക്കുന്നതെന്നും അദ്ദേഹം കുറ്റപ്പെടുത്തി. എൽഡിഎഫിന്‍റെ പ്രകടനപത്രികയിൽ ഇല്ലാത്ത കാര്യത്തെക്കുറിച്ച് ആലോചിക്കുകയേ വേണ്ടെന്നും പ്രകാശ് ബാബു പറഞ്ഞു.

സമവായമുണ്ടായാൽ അതിപ്പിള്ളി പദ്ധതി നടപ്പിലാക്കുമെന്നും പദ്ധതി ഉപേക്ഷിച്ചിട്ടില്ലെന്നും കഴിഞ്ഞ ദിവസം മന്ത്രി എം.എം.മണി വ്യക്തമാക്കിയിരുന്നു. ഇതിനു പിന്നാലെയാണ് എതിർപ്പ് ആവർത്തിച്ച് സിപിഐ രംഗത്തെത്തിയത്. പദ്ധതി നടപ്പിലാക്കാൻ അനുവദിക്കില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ നേരത്തെ വ്യക്തമാക്കിയിരുന്നു.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.