പൾസറിന്‍റെ മനസാക്ഷി സൂക്ഷിപ്പിക്കാരിയാണ് ഷൈനിയെന്ന് പോലീസ്
Friday, March 17, 2017 11:21 PM IST
കൊ​ച്ചി: നടിയെ ആക്രമിച്ച കേസിലെ മുഖ്യപ്രതി പ​ൾ​സ​ർ സു​നി​യു​മാ​യി അ​ടു​ത്ത ബ​ന്ധം പു​ല​ർ​ത്തു​ന്ന സ്ത്രീ​യാ​ണ് ഷൈ​നി തോ​മ​സെന്നു പോലീസ്. ക​ട​വ​ന്ത്ര​യി​ൽ വ​സ്ത്ര​വി​ൽ​പ​ന സ്ഥാ​പ​നം ന​ട​ത്തി​വ​രി​ക​യാ​യി​രു​ന്നു ഷൈ​നി. ചേർത്തല സ്വ​ദേ​ശി​നിയാ​യ ഇ​വ​ർ വ​ർ​ഷ​ങ്ങ​ളാ​യി ഇ​വി​ടെ താ​മ​സി​ച്ചാ​ണ് സ്ഥാ​പ​നം ന​ട​ത്തി​വ​രു​ന്ന​ത്. ഇ​വ​രു​ടെ സ്ഥാ​പ​ന​ത്തി​ലെ സ്ഥി​രം സ​ന്ദ​ർ​ശ​ക​നാ​യി​രു​ന്നു പ​ൾ​സ​ർ സു​നി. ഇ​വ​രു​മാ​യി അ​ടു​ത്ത ബ​ന്ധ​മാ​യി​രു​ന്നു സു​നി​ക്കു​ണ്ടാ​യി​രു​ന്ന​ത്. സു​നി​യും ഷൈ​നി​യു​മാ​യി റി​യ​ൽ എ​സ്റ്റേ​റ്റ് ബി​സി​നി​സു​ക​ളു​മു​ണ്ടാ​യി​രു​ന്നു.

പ​ൾ​സ​ർ സു​നി​യു​ടെ എ​ല്ലാ ഇ​ട​പാ​ടു​ക​ളെ​ക്കു​റി​ച്ചും ഷൈ​നി​ക്ക​റി​യാ​മാ​യി​രു​ന്നു എന്നാണ് പോലീസ് പറയുന്നത്. സു​നി മു​ന്പും ന​ടി​മാ​രെ ഭീ​ഷ​ണി​പ്പെ​ടു​ത്തി പ​ണം ത​ട്ടി​യ സം​ഭ​വ​ങ്ങ​ൾ ഷൈ​നി​ക്ക​റി​യാ​മാ​യി​രുന്നു. ഇ​ത്ത​ര​ത്തി​ൽ കൈ​ക്ക​ലാ​ക്കി​യ പ​ണ​ത്തി​ൽ നി​ന്ന് ല​ക്ഷ​ക്ക​ണ​ക്കി​നു രൂ​പ ഷൈനിക്ക് സുനി ന​ൽ​കി​യ​താ​യും വി​വ​ര​ങ്ങ​ളു​ണ്ടാ​യി​രു​ന്നു. ഒ​റ്റ​ത്ത​വ​ണ 10 ല​ക്ഷം രൂ​പ വ​രെ ഇ​വ​ർ​ക്കു ന​ൽ​കി​യ​താ​യി സു​നി വെ​ളി​പ്പെ​ടു​ത്തി​യി​രു​ന്നു. ഇ​തേ​ത്തു​ട​ർ​ന്നാ​ണ് ന​ടി​യെ ആ​ക്ര​മി​ച്ച സം​ഭ​വ​ത്തി​ൽ ഷൈ​നി​ക്കു പ​ങ്കു​ണ്ടെ​ന്നു പോ​ലീ​സ് സം​ശ​യി​ച്ച​ത്.

ന​ടി​യെ ആ​ക്ര​മി​ച്ച കേ​സി​ൽ സു​നി പി​ടി​യി​ലാ​യ​പ്പോ​ൾ ഇ​വ​രു​ടെ പേ​ര് പു​റ​ത്തു​വ​രാ​തി​രി​ക്കാ​ൻ പ​ര​മാ​വ​ധി ശ്ര​മി​ച്ചി​രു​ന്നു. സു​നി​യു​ടെ കാ​മു​കി​യു​മാ​യും ഷൈ​നി​ക്കു അ​ടു​ത്ത ബ​ന്ധ​മു​ണ്ടാ​യി​രു​ന്നു. ഇ​വ​രും സു​നി​യു​ടെ കാ​മു​കി​യും ത​മ്മി​ലു​ള്ള​തെ​ന്ന് ക​രു​തു​ന്ന ഫോ​ണ്‍ സം​ഭാ​ഷ​ണ​വും പു​റ​ത്താ​യി​രു​ന്നു.

ന​ടി​യെ ആ​ക്ര​മി​ച്ച കേ​സി​ൽ ഷൈ​നി തോ​മ​സി​നു പ​ങ്കു​ണ്ടെ​ന്ന സം​ശ​യ​ത്തി​ന്‍റെ പേ​രി​ൽ പോ​ലീ​സ് ഇ​വ​രെ ചോ​ദ്യം ചെ​യ്തി​രു​ന്നു. എ​ന്നാ​ൽ സു​നി ഇ​വ​രു​ടെ മു​ൻ ഡ്രൈ​വ​റാ​ണെ​ന്നും പ​ണ​മി​ട​പാ​ടു​ക​ളു​മാ​യി ബ​ന്ധ​പ്പെ​ട്ട ബ​ന്ധം മാ​ത്ര​മെ ത​ങ്ങ​ൾ ത​മ്മി​ലു​ള്ളു​വെ​ന്നും അ​വ​ർ മൊ​ഴി​ന​ൽ​കി​യി​രു​ന്നു. ഇ​വ​രി​ൽ നി​ന്നു കേ​സി​നെ സ​ഹാ​യി​ക്കു​ന്ന വി​വ​ര​ങ്ങ​ൾ ല​ഭി​ക്കാ​ത്ത​തി​നാ​ൽ വി​ട്ട​യ​ക്കു​ക​യാ​യി​രു​ന്നു.

ന​ടിയെ ആ​ക്ര​മി​ക്കു​ന്ന വി​വ​രം ഷൈ​നി​ക്ക് നേ​ര​ത്തെ അ​റി​യാ​മാ​യി​രു​ന്നു​വെ​ന്നാ​ണ് പോ​ലീ​സ് ക​ണ​ക്കു​കൂ​ട്ടു​ന്ന​ത്. സം​ഭ​വ​ ദി​വ​സം രാ​ത്രി സു​നി ഷൈ​നി​യെ സ​ന്ദ​ർ​ശി​ച്ച​താ​യും റിപ്പോർട്ടുകളുണ്ട്. എന്നാൽ ഇക്കാര്യത്തിൽ സ്ഥിരീകരണമില്ല.

RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.